Ləbije 6:2 - Maktub gə́ To gə Kəmee

² Un ndui ar Aaro̰ gə ŋganeeje pana: Aa ooje godndu gə́ wɔji dɔ nékinjaməs gə́ ka̰ roo lé ɓa to nee: Nékinjaməs lé a nai dɔ pər’d loo-nékinjaməs’g loondul’g saar kar loo àr ndá d’a kɔs pər gelee’g ta-ta karee wəi el.

Ləbije 6:2 Iomraidhean Croise

Gḭ-Néje 26:7

Loo gə́ diŋgamje gə́ mee ɓee’g neelé dəjee ta gə́ wɔji dɔ dené ləa ndá yeḛ pana: To kɔnanəm. Mbata yeḛ ɓəl ɓaree dené ləa nà diŋgamje gə́ mee ɓee’g neelé d’a tɔlee, mbata Rebeka lé ma̰də yaa̰.

Pakɔsje 51:4

Néra kori-korije ləm lé Maji kari togo ɔr ndɔs-ndɔs ləm, Maji kari ɔr kaiya ram ndɔs-ndɔs ləm tɔ.

Gosota-Kəmkàrje 24:28

Maji kari ɔr goo ta gə mḭdé ba ɔs ne njeboatakəi ləi rəw el, See i ndigi su kəm loo gə tapaije wa.

Gosota-Kəmkàrje 26:19

Dəw gə́ su kəm maree pa ne pana: See to gə́ ta kogo el wa lé to togə́bè tɔ.

Esai 21:2

Némḭdi gə́ to ɓəl kədm-kədm inja kəm’g. Njekula kəm loo ndòo ula kəm loo ndòo ləm, Njetujiloo tuji loo ləm tɔ. Seḭje gə́ Elam, ɔrje rɔ rɔje! Seḭje gə́ Médi, aḭje dɔ ɓee-boo sub gə rɔ! M’a kar tuma̰ rɔ ŋgururu-ŋgururu lə dəwje godo lai.

Esai 24:16

Jeḛ j’ooje ndu pa gwɔi naŋg’d pana: Rɔnduba nai gə njera né gə́ gə dɔ najee! Nɛ ma ndá m’pana: Siŋgam godo, siŋgam godo! Meeko̰ oso dɔm’g ya! Njékun dɔ looje ra né Gə goo kun dɔ loo lə dee ləm, D’aar njaŋg dɔ kun dɔ loo’g lə dee ləm tɔ.

Esai 33:1

Meeko̰ a koso dɔi-i gə́ njetujilooje lai’g Nɛ deḛ tujii el ɓəi ləm, I gə́ njekun dɔ loo Nɛ deḛ d’un dɔi el ɓəi ləm tɔ! Loo gə́ i a kunda ŋgaŋ tuji looje lai ndá D’a tujii ləm, Loo gə́ i a kunda ŋgaŋ kun dɔ loo lé ndá D’a kun dɔi ləm tɔ!

Jeremi 9:5

Njesigənea̰ pana: Loo-sii to dan néŋgɔmje’g ləm, Gə goo néŋgɔmje ɓa Deḛ mbad gərm ne ləm tɔ.

Ejekel 40:46

tɔɓəi ŋgon kəi gə́ təa to par gə́ dɔgel lé to mbata njékinjanéməsje to gə́ to njékaa dɔ loo-nékinjanéməsje ləm tɔ. Deḛ neelé to ŋgaka Sadɔk mbuna ŋgaka Ləbije’g lé deḛ ɓa to njékaw pər gə́ rɔ Njesigənea̰’g mba ra né kaareeje.

Ləbije 1:3

Ɓó lé nékinjaməs ləa to nékul gə́ boi gə́ ka̰ roo ndá yeḛ a kwa yee gə́ to gə́ bɔ maŋg gə́ rəa mina̰ el, yeḛ a kaw ne tarəw kəi-kubu-kiŋga-na̰’g no̰ Njesigənea̰’g mba taa ne kəmee ya.

Ləbije 19:11

Seḭ a ɓogoje el ləm, seḭ a raje né gə́ ŋgɔm əsé a kundaje goso mbuna na̰’d el ləm tɔ.

Ləbije 5:15

Ɓó lé dəw kára al dɔ godndu ra ne kaiya dɔ mbə’d gə́ wɔji dɔ néje gə́ d’ɔr dee d’unda dee gə kəmee d’ar Njesigənea̰ lal gər rəbee ndá yeḛ a ree gə bàl badə gə́ rəa mina̰ el gə́ yeḛ wa mbuna nékulje’g ləa gə́ nékinjaməs ləa gə́ wɔji dɔ ta gə́ wa dəa kar Njesigənea̰ mbata lə kaiya gə́ yeḛ ra lé, a to bàl badə gə́ d’a kwɔji gadee gə́ kəm ŋgan larnda gə goo nékwɔji-né gə́ wɔji dɔ kəi-kubu-si-Ala.

Ləbije 5:19

To nékinjaməs gə́ wɔji dɔ ta gə́ wa dəa ya. Débee neelé ta wa dəa tɔgərɔ kəm Njesigənea̰’g ya.

Ləbije 6:1

Njesigənea̰ ula Moyis pana:

Amɔs 8:5

Seḭ pajena: See ndɔ gə́ ra ɓa naḭ gə́ sigi a dəs Mba kar sí ndogoje kó lé wa. See ndɔ siri lé a godo kàr gə́ ban ɓa Mba kar sí j’ɔr kó dàmá Mba kaw ndogo wa. J’a rəmje gə nékwɔji-né ləm, Laree kara j’a karee ḭ dɔ maree’g ləma, J’a kərje kəm dee gə nékwɔji-né gə́ ŋgɔm ləm tɔ,

Habakuk 1:13

Kəmi àr ŋgad-ŋgad kəm kila dɔ né gə́ majel’g el ləm, I un kəmi rəw dɔ néra gə́ kori-kori’g lé ləm tɔ. See gelee ban ɓa i aa njéndɔji pɔdɔdɔje gərərə Ndá ila tai maree’g ndag Loo gə́ njemeeyèr aar busu yeḛ gə́ nérea to gə dɔ najee undá-yeḛ lé ɓəi wa.

Tagə́maji gə́ Ja̰ ndang 8:44

Bausi-seḭje lé nja gə́ njekurai lé ndá né gə́ bɔ síje wɔji ɓa seḭ ndigi raje tɔlje bém. Yeḛ to njetɔ-kó-dəwje kédé gə́ dɔtar saar ɓó yeḛ wa ne bua gə kankəmta el mbata kankəmta gə́ tḛ́-tḛ́ bèe kara godo mée’g. Loo gə́ yeḛ pa taŋgɔm lé yeḛ pata gə́ wɔji dəa-yeḛ mbata taŋgɔm ɓa gə́ né gelee ya. Yeḛ to njepa taŋgɔm ləm, yeḛ to darɔ bɔ njéŋgɔmje lé ləm tɔ.

Néra Njékaḭkulaje 5:4

Ɓó lé i ndogo el lé see a to gə́ kaḭ ya el wa. Esé lé i ndogo kara see laree a to gə́ kaḭ kari ra ne né gə́ məəi wɔji el wa. Ala lé ɓa i ulá taŋgɔm ɓó to gə́ dəwje el.

Njé gə́ Epesə 4:25

Gelee gə́ nee ɓa, maji kar sí ɔgje ta sí dɔ taŋgɔm’g. Nɛ kankəmta ɓa, maji kar nana kara aree teḛ təa’g ar maree, mbata jeḛ lai jeḛ n’toje barkəmrɔ na̰.

Njé gə́ Kolosə 3:9

Ulaje na̰ taŋgɔm mbuna sí’g el mbata dəw gə́ ləw gə néreaje lé seḭ ɔrje jo̰gee ubaje ya̰je mba̰,

Loo gə́ killa rea kəm Ja̰’g 22:15

Bisije əsé gə njémbeḛje əsé gə njémɔdkaiyaje əsé njétɔl dəwje əsé njépole-magəje əsé deḛ gə́ rara gə́ ra néŋgɔm ndá maji kar dee nai raga ya.