Ləbije 6:19 - Maktub gə́ To gə Kəmee

¹⁹ Njekinjanéməs gə́ a kinja da gə́ ka̰ kiŋga meekoso lemsé neelé a sɔ mee loo gə́ to gə kəmee’g, dan mee loo gə́ to tarəw kəi-kubu-kiŋga-na̰’g.

Ləbije 6:19 Iomraidhean Croise

Teḛ-Raga 29:2

I a ra muru gə́ lal əm-tiné ləm, gə mbə gə́ kila gə́ əm-tiné godo keneŋ ɓa saga ubu dɔ’g ləm tɔ, néje neelé i a ra dee gə nduji kó gə́ ndá léréré.

Ejekel 42:13

Yeḛ ulam pana: Ŋgan kəije gə́ to par gə́ dɔgel ləm, gə dɔkɔl ləm tɔ gə́ to no̰ pən loo gə́ kari ba’g lé to ŋgan kəije gə́ to gə kəmee gə́ njékinjanéməsje gə́ d’aw rɔ Njesigənea̰’g d’a sɔ néje gə́ to gə kəmee doi keneŋ, deḛ d’a kunda néje gə́ to gə kəmee doi keneŋ: nékarje ləm, néje gə́ d’inja dee gə́ məs ka̰ kuga ne dɔ kaiya ləm, gə ka̰ kalta ləm tɔ mbata lée neelé to loo gə́ to gə kəmee doi ya.

Ləbije 10:18

Aa ooje, məs da lé seḭ awje ne mee kəi gə́ to gə kəmee’g el, to kəm kar sí sɔje mee kəi gə́ to gə kəmee’g, to gə́ Njesigənea̰ un ne ndia am ya.

Ləbije 6:18

Ula Aaro̰ gə ŋganeeje pana: Aa ooje, godndu gə́ wɔji dɔ nékinjaməs gə́ ka̰ kiŋga meekoso lemsé lé ɓa to nee: Loo gə́ d’inja gwɔb nékinjaməs gə́ ka̰ roo keneŋ lé lée neelé ɓa d’a kinja gwɔb nékinjaməs gə́ ka̰ kiŋga meekoso lemsé no̰ Njesigənea̰’g keneŋ bèe ya to: to né gə́ to gə kəmee doi ya.

Ləbije 6:20

Nana ɓa gə́ ɔrɔ rɔ dakas da neelé a to gə kəmee. Ɓó lé məsee uba tiriri ɔm dɔ kubu’g ndá lé gə́ məs ɔm keneŋ lé d’a togo mee loo gə́ to gə kəmee’g lé ya.

Ləbije 6:9

Gesee gə́ nai lé Aaro̰ gə ŋganeeje d’a sɔ, d’a sɔ lal kila əm-tiné keneŋ loo gə́ to gə kəmee’g, gadloo gə́ kəi-kubu-kiŋga-na̰’g.

Bula lə Israɛlje 18:27

Nékar lə sí lé d’a tura gée kwɔji ne dɔ sí asəna gə kó gə́ d’ɔr loo-kunda-kó’g ləm, asəna gə mán-nduú gə́ sigi gə́ d’ɔr mee loo-mbula-nduú’g ləm tɔ.

Bula lə Israɛlje 18:9

Aa oo, né gə́ a to kaḭ mbuna néje gə́ to gə kəmee doi’d gə́ to néje gə́ d’a roo el lé ɓa nee: Nékarje lə deḛ lai gə́ to nduji ləm, nénojije lə deḛ lai ləm, nékinjanéməsje lə deḛ lai gə́ to nékoga dɔ kaiya ləma, gə nékinjanéməsje lai gə́ d’inja dee d’am lé ləm tɔ, néje neelé gə́ to gə kəmee doi lé d’a to kaḭ-i gə ka̰ ŋganije tɔ.