Ləbije 6:18 - Maktub gə́ To gə Kəmee

¹⁸ Ula Aaro̰ gə ŋganeeje pana: Aa ooje, godndu gə́ wɔji dɔ nékinjaməs gə́ ka̰ kiŋga meekoso lemsé lé ɓa to nee: Loo gə́ d’inja gwɔb nékinjaməs gə́ ka̰ roo keneŋ lé lée neelé ɓa d’a kinja gwɔb nékinjaməs gə́ ka̰ kiŋga meekoso lemsé no̰ Njesigənea̰’g keneŋ bèe ya to: to né gə́ to gə kəmee doi ya.

Ləbije 6:18 Iomraidhean Croise

Teḛ-Raga 29:37

As ndɔ siri lé i a ra nékoga dɔ kaiyaje dɔ loo-nékinjaməs’g ndá, a kunda loo-nékinjaməs neelé gə kəmee kar Ala ya, loo-nékinjaməs neelé a to gə kəmee doi ləm, dəw gə́ rara əsé né gə́ rara gə́ ɔrɔ rɔ loo-nékinjaməs neelé kara a to gə kəmee ləm tɔ.

Ləbije 3:17

Yee neelé to godndu gə́ to gə no̰ mbata ŋgaka síje gə́ kédé-kédé gə looje lai-lai gə́ seḭ a síje keneŋ ya: Seḭ a sɔje ubee əsé məsee el.

Ləbije 4:24

Yeḛ a kila jia dɔ bàl bya̰’g ndá a tel kinja gwɔbee loo gə́ d’inja nékinjanéməsje gə́ ka̰ roo keneŋ no̰ Njesigənea̰’g. To nékinjaməs gə́ ka̰ kiŋga meekoso lemsé lé ya.

Ləbije 4:3

Ɓó lé to ŋgɔ-njekinjanéməs ɓa ra kaiya ar ta wa ne dɔ koso-dəwje lai ndá to kəm karee wa bɔ maŋg gə́ rəa mina̰ el gə́ nékinjaməs gə́ ka̰ kiŋga meekoso lemsé no̰ Njesigənea̰’g.

Ləbije 4:33

Yeḛ a kila jia dɔ da-kul’g neelé ndá a tel kinja gwɔbee asəna gə nékinjaməs gə́ ka̰ kiŋga meekoso lemsé loo gə́ d’inja gwɔb nékinjanéməsje gə́ ka̰ roo keneŋ lé.

Ləbije 6:10

D’a kila mee əb’g lal kila əm-tiné keneŋ. To ges nékarje gə́ ka̰ roo gə́ d’am ma nja ɓa m’ar dee gə́ ka̰ dee-deḛ lé. To né gə́ to gə kəmee doi asəna gə nékinjanéməsje gə́ ka̰ kiŋga meekoso lemsé ləm, gə mba kɔr ne ta gə́ wa dɔ dəw ləm tɔ.

Ləbije 6:19

Njekinjanéməs gə́ a kinja da gə́ ka̰ kiŋga meekoso lemsé neelé a sɔ mee loo gə́ to gə kəmee’g, dan mee loo gə́ to tarəw kəi-kubu-kiŋga-na̰’g.

Ləbije 7:6

Ŋgalə njékinjanéməsje lai gə́ diŋgam lé d’a sɔ da neelé, d’a sɔ mee loo gə́ to gə kəmee’g: to né gə́ to gə kəmee doi ya.

Bula lə Israɛlje 18:10

Néje neelé seḭ a sɔje mee loo gə́ to gə kəmee doi’g, diŋgam gə́ rara kara a sɔ, seḭ a koo deeje gə́ néje gə́ to gə kəmee mbata lə sí ya.

Bula lə Israɛlje 18:8

Njesigənea̰ ula Aaro̰ pana: Mbuna néje lai gə́ Israɛlje d’unda dee gə kəmee d’am lé ma m’ari deḛ gə́ d’ula dee tar d’am, ma m’ari-i seḭ gə ŋganije mbata tər gə́ deḛ tər ubu dɔ sí’g d’unda sí ne gə kəmee gə goo godndu gə́ to saar-saar gə no̰ lé.

1 Njé gə́ Kɔrḭtə 9:13

See seḭ gərje el wa, deḛ gə́ ra kula kəi-Ala’g lé d’usɔ né gə́ d’unda gə kəmee d’ar Ala mee kəi’g ləa ləm, deḛ gə́ ra kula loo-nékinjaməs’g lé kara d’iŋga né gə́ dɔ tabul’g gə́ wɔji dɔ dee keneŋ ləm tɔ.

1 Piɛrə 1:16

mbata deḛ ndaŋg ta mee maktub’g pana: Seḭ a toje gə kəmee doi mbata ma m’to gə kəmee doi ya.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.