Ləbije 6:14 - Maktub gə́ To gə Kəmee

¹⁴ D’a kila mee əb’g gə ubu ndá loo gə́ ɔb mba̰ ɓa i a ree ne ɓəi, mbə gə́ d’ila lé i a təd dana gə́ gajeeje ɓa ree ne ɓəi, karee to asəna gə nékar gə́ baḭyee ə̰də lel Njesigənea̰ bèe.

Ləbije 6:14 Iomraidhean Croise

1 Sôrta Gḭka-Israɛlje 9:31

Matitia, dəw kára mbuna Ləbije’g to ŋgondər Salum gə́ ginkoji’g lə Koré lé yeḛ to njekɔb mbə mee gaila-əb’g.

Ləbije 1:13

Yeḛ a togo ŋgan siḭ da lé gə gɔleeje gə man, ndá njekinjanéməs a roo néje neelé lai loo-nékinjaməs’g. To né gə́ ka̰ roo ləm, to nékinjaməs gə́ roo gə́ baḭyee ə̰də lel Njesigənea̰ ləm tɔ.

Ləbije 1:17

Yeḛ a ta̰ bagee kya̰ keneŋ lal kɔr, ndá njekinjanéməs lé a roo né neelé loo-nékinjaməs’g, dɔ ta kir gə́ dɔ pər’d. To né gə́ ka̰ roo ləm, to nékinjaməs gə́ roo gə́ baḭyee ə̰də lel Njesigənea̰ ləm tɔ.

Ləbije 1:9

Yeḛ a togo ŋgan siḭ da lé gə gɔleeje gə man ndá njekinjanéməs lé a roo néje neelé lai dɔ loo-nékinjaməs’g. To né gə́ ka̰ roo ləm, to nékinjaməs gə́ roo gə́ baḭyee ə̰də lel Njesigənea̰ ləm tɔ.

Ləbije 10:12

Moyis ula Aaro̰ gə Eləajar gə Itamar, ŋgalə Aaro̰ gə́ joo gə́ nai lé pana: Unje ges nékar gə́ to nduji gə́ nai mbuna nékinjanéməsje gə́ ka̰ roo dee no̰ Njesigənea̰’g lé aw sɔje lal əm-tiné mbɔr loo-nékinjaməs’g, mbata to né gə́ to gə kəmee doi ya.

Ləbije 6:13

Aa oo, nékarje gə́ Aaro̰ gə ŋganeeje d’a ree ne kar Njesigənea̰ mee ndəa gə́ d’a tər ne ubu dɔ dee’g lé ɓa to nee: nduji gə́ ndá léréré as nékwɔji kwɔi-lə-né sɔ, yee ɓa a to nékar gə́ to nduji gə́ to gə no̰ lé ndá d’a ree gə gesee gə ndɔ ləm, gə gesee gə́ kàrkametag ləm tɔ.

Ləbije 6:15

Njekinjanéməs gə́ mbuna ŋgalə Aaro̰’d gə́ d’a gə tər ubu dəa’g gə mba karee taa toree lé yeḛ nja kara a ree gə nékar neelé togə́bè ya tɔ. Yee ɓa to godndu gə́ to gə no̰, no̰ Njesigənea̰’g: d’a roo bura ya.

Bula lə Israɛlje 15:4

yeḛ gə́ a kinja nékinjaməs ləa mba kar Njesigənea̰ lé a ree gə nékar gə́ to nduji tɔ ndá a to nduji gə́ ndá léréré as nékwɔji kwɔi-lə-né munda gə́ podé gə ubu as litər kára gə gesee,

Bula lə Israɛlje 15:6

Mbata lə bàl badə lé d’a ree gə nékar gə́ to nduji gə́ ndá léréré as nékwɔji kwɔi-lə-né misa̰ gə́ podé gə ubu as litər joo ləm,

Bula lə Israɛlje 15:9

d’a ree gə nékar gə́ to nduji na̰’d gə bɔ maŋg lé ndá a to nduji gə́ ndá léréré as nékwɔji kwɔi-lə-né jinaijoo gə́ podé gə ubu as litər munda ləm,

Tagə́maji gə́ Ja̰ ndang 6:32

Jeju ila dee keneŋ pana: Ma m’ula sí təsərə, muru gə́ ḭ dara lé to Moyis ɓa ar sí el nɛ to Bɔm ɓa ar sí kankəm muru gə́ ḭ dara ya.