Ləbije 5:9 - Maktub gə́ To gə Kəmee

⁹ yeḛ a saga məs yel gə́ wɔji dɔ kiŋga meekoso lemsé neelé kaar loo-nékinjaməs’g ndá yeḛ a korè yel lé mbḛ̀ mba kar ges məs gə́ nai lé karee aḭ naŋg no̰ loo-nékinjaməs’g, to nékinjaməs gə́ wɔji dɔ kiŋga meekoso lemsé ya.

Ləbije 5:9 Iomraidhean Croise

Esai 42:21

Njesigənea̰ ndigi kila mber godndia gə́ boo Mba kar Israɛlje d’isi ne dan maji’g.

Ləbije 1:15

Njekinjanéməs lé a ree gə yel neelé no̰ loo-nékinjaməs’g, yeḛ a riba dəa gə yel jia ndá a roo dəa neelé loo-nékinjaməs’g, tɔɓəi yeḛ a korè mbḛ̀ mba kar məsee aḭ kaar loo-nékinjaməs’g lé.

Ləbije 1:5

Yeḛ a kinja gwɔb bɔ maŋg neelé no̰ Njesigənea̰’g ndá njékinjanéməsje gə́ to ŋgalə Aaro̰ lé d’a kun məs neelé mba saga gugu ne dɔ loo-nékinjaməs gə́ to tarəw kəi-kubu-kwa-dɔ-na̰’g lé tɔ.

Ləbije 4:18

Yeḛ a rad məs dɔ kum loo-nékinjanéməsje gə́ ḭta gə́ to no̰ Njesigənea̰’g mee kəi-kubu-kiŋga-na̰’g, ndá a kɔm ges məs bɔ maŋg lé naŋg no̰ loo-nékinjaməs gə́ ka̰ roo né keneŋ gə́ to tarəw kəi-kubu-kiŋga-na̰’g lé tɔ.

Ləbije 4:25

Njekinjanéməs lé a kula ŋgaw jia dan məs da-kul gə́ ka̰ kiŋga meekoso lemsé lé ndá a rad dɔ kum loo-nékinjanéməsje gə́ ḭta gə́ ka̰ roo né keneŋ, tɔɓəi yeḛ a kɔm məs naŋg no̰ loo-nékinjaməs gə́ ka̰ roo né keneŋ lé tɔ.

Ləbije 4:30

Njekinjanéməs a kula ŋgaw jia dan məs da-kul’g neelé ndá a rad dɔ kum loo-nékinjanéməsje gə́ ḭta gə́ ka̰ roo né keneŋ tɔɓəi yeḛ a kɔm ges məs lé naŋg no̰ loo-nékinjaməs’g lé ya tɔ.

Ləbije 4:34

Njekinjanéməs lé a kula ŋgaw jia dan məs da-kul’g neelé ndá a rad dɔ kum loo-nékinjanéməsje gə́ ḭta gə́ ka̰ roo né keneŋ, tɔɓəi yeḛ a kɔm ges məs neelé naŋg no̰ loo-nékinjaməs’g lé tɔ.

Ləbije 4:7

Ŋgɔ-njekinjanéməs neelé a rad məs lé dɔ kum loo-tuu-néje gə́ ə̰də sululu gə́ ḭta gə́ to no̰ Njesigənea̰’g mee kəi-kubu-kiŋga-na̰’g lé, ndá yeḛ a kɔm ges məs bɔ maŋg lé gel loo-nékinjaməs gə́ ka̰ roo né keneŋ gə́ to tarəw kəi-kubu-kiŋga-na̰’g lé tɔ.

Ləbije 7:2

Loo gə́ d’inja gwɔb nékinjaməs gə́ ka̰ roo lé keneŋ ndá lé neelé ɓa d’a kinja gwɔb nékinjaməs gə́ wɔji dɔ dəw gə́ ta wa dəa lé keneŋ tɔ. D’a saga məsee loo-nékinjaməs’g gugu ne dɔ loo neelé sub ya.

Ǝbrəje 12:24

gə́ rɔ Jeju gə́ to njekaar dana loo manrɔ gə́ sigi’g lé ləma, gə́ rɔ məs gə́ saga gə́ ɓar yaa̰ unda ka̰ Abel’g lé ləm tɔ.

Ǝbrəje 2:10

Tɔgərɔ ya, Ala gə́ unda néje lai ləm, nékundaje lai to kea̰-yeḛ ləm tɔ lé yeḛ nja ra gə goo rəbee loo gə́ yeḛ ar njegin bəgərə kaji lə ŋganee bula uru dan néurti’g, mba karee to ne dəw gə́ maji dum ləm, mba karee ɔr no̰ dee ula ne rɔnduba dɔ dee’g ləm tɔ.