Ləbije 5:6 - Maktub gə́ To gə Kəmee

⁶ Tɔɓəi yeḛ a ree gə nékinjaməs gə́ ka̰ kiŋga meekoso lemsé kar Njesigənea̰ ndá a to ma̰də nékulje gə́ asəna gə ma̰də badə əsé ma̰də bya̰ mba karee to da kuga dɔ kaiya. Bèe ɓa njekinjanéməs lé a ra né kɔr ne ta kaiya ləa dəa’g ya.

Ləbije 5:6 Iomraidhean Croise

Ejekel 40:39

Loo-Kandə-tarəwje lé tabulje joo to kelee gə́ kára’g ləm, joo to kelee gə́ raŋg’d ləm tɔ, dɔ tabul neelé ɓa to loo gə́ kəm kinja néməsje gə́ ka̰ roo ləm, gə ka̰ kuga dɔ kaiya ləma, gə ka̰ kɔr ta kaiya dɔ’g keneŋ ləm tɔ.

Ejekel 42:13

Yeḛ ulam pana: Ŋgan kəije gə́ to par gə́ dɔgel ləm, gə dɔkɔl ləm tɔ gə́ to no̰ pən loo gə́ kari ba’g lé to ŋgan kəije gə́ to gə kəmee gə́ njékinjanéməsje gə́ d’aw rɔ Njesigənea̰’g d’a sɔ néje gə́ to gə kəmee doi keneŋ, deḛ d’a kunda néje gə́ to gə kəmee doi keneŋ: nékarje ləm, néje gə́ d’inja dee gə́ məs ka̰ kuga ne dɔ kaiya ləm, gə ka̰ kalta ləm tɔ mbata lée neelé to loo gə́ to gə kəmee doi ya.

Ejekel 44:27

Ndɔ gə́ yeḛ a kandə mee loo gə́ to gə kəmee’g mee gadloo gə́ kəi kɔrɔg gə mba ra kula keneŋ ndá yeḛ a kinja nékinjaməs gə́ wɔji dəa-yeḛ mba kuga ne dɔ kaiya, Mbaidɔmbaije gə́ Njesigənea̰ ɓa pa bèe.

Ləbije 4:20

Yeḛ a ra gə bɔ maŋg neelé to gə́ deḛ ra gə bɔ maŋg gə́ ka̰ kiŋga meekoso lemsé lé. Yeḛ a ra səa bèe ya. Togə́bè ɓa njekinjanéməs a ra bèe mba kuga ne dɔ dee ndá d’a kiŋga ne meekoso lemsé lé ya.

Ləbije 4:28

ɓó lé kəmee inja dɔ kaiya gə́ yeḛ ra’g lé ndá yeḛ a kwa ma̰də bya̰ gə́ rəa mina̰ el gə́ nékinjaməs mbata lə kaiya gə́ yeḛ ra lé tɔ.

Ləbije 4:31

Njekinjanéməs a kɔr ubeeje lai to gə́ d’ɔr ne ubu nékinjaməs gə́ ka̰ kɔm na̰’d bèe lé tɔ ndá yeḛ a roo loo-nékinjaməs’g, bèe ɓa a to ne né gə́ baḭyee ə̰də lel Njesigənea̰ ɓəi. Yee gə́ bèe ɓa njekinjanéməs a ra mbata lə dəw neelé mba kuga ne dɔ kaiya ləa ndá yeḛ a kiŋga ne meekoso lemsé lé ya tɔ.

Ləbije 4:32

Ɓó lé yeḛ a ree gə ŋgon badə gə́ nékinjaməs gə́ ka̰ kiŋga meekoso lemsé ndá a to ma̰dee gə́ rəa mina̰ el ɓa.

Ləbije 4:35

Njekinjanéməs lé a kɔr ubeeje lai to gə́ d’ɔr ne ubu ŋgon badə gə́ to gə́ nékinjaməs gə́ ka̰ kɔm na̰’d bèe lé ndá yeḛ a roo loo-nékinjaməs’g asəna gə nékinjaməs gə́ deḛ roo no̰ Njesigənea̰’g lé tɔ. Yee gə́ bèe ɓa njekinjanéməs lé a ra mbata lə dəw neelé mba kuga ne dɔ kaiya gə́ yeḛ ra ndá yeḛ a kiŋga ne meekoso lemsé ya tɔ.

Ləbije 6:6

Pər lé a ko̰ loo-nékinjaməs’g lé ta-ta ɓó a kwəi nda̰ el.

Bula lə Israɛlje 6:12

Tɔɓəi yeḛ a kwɔji ndɔje gə́ yeḛ a saŋg ne rəa lé gɔl kára ɓəi kunda gə kəmee kar Njesigənea̰ ndá yeḛ a kun ŋgon badə gə́ ra ləb kára gə́ nékinjaməs gə́ ka̰ kɔr ta gə́ wa dəa lé, nɛ ndɔje gə́ dəs kédé lé yeḛ a tura dee el ŋga mbata ndukun gə́ yeḛ un kédé lé tel to né gə́ mina̰ mba̰ tɔ.