Ləbije 5:4 - Maktub gə́ To gə Kəmee

⁴ Loo gə́ dəw kára pata orè gə ta ndam man ne rəa mba ra né gə́ majel əsé né gə́ maji, ɓó lé yeḛ oo gə́ ta gə́ gəd kédé el nɛ gée gə́ gogo ɓa kəmee inja dɔ’g ɓəi ndá taree a kwa dəa-yeḛ ya.

Ləbije 5:4 Iomraidhean Croise

2 Samel 21:7

Mbai aji Mepiboset, ŋgolə Jonatan gə́ to ŋgolə Sawul mbata ta manrɔ gə́ to mbuna Dabid’g gə Jonatan, ŋgolə Sawul’g no̰ Njesigənea̰’g lé.

2 Mbaije 6:31

Mbai lé pana: Ɓó lé ɓogənè dɔ Elije, ŋgolə Sapat gaŋg el ɓəi ndá maji kar Ala ra səm nédɔkudu ya.

Pakɔsje 106:33

Mbata deḛ lé d’ar mée adee mbag-mbag Aree pata dɔ təa’g raga kari ba tɔ.

Ləbije 5:13

Yee gə́ bèe ɓa njekinjanéməs lé a ra mbata lə dəw neelé mba kuga ne dɔ kaiya gə́ yeḛ ra gə́ wɔji ne dɔ né gə́ kára mbuna néje’g neelé ndá ta a kɔr dəa’g ya. Ges nduji nékar gə́ nai lé a to mbata lə njekinjanéməs lé asəna gə nékar gə́ to nduji bèe ya tɔ.

Ləbije 5:3

Loo gə́ yeḛ a kɔrɔ rɔ né gə́ ban-ban gə́ mina̰ gə́ ḭ rɔ dəw’g nɛ yeḛ gər el ɓa gée gə́ gogo kəmee inja dɔ’g ɓəi ndá taree lé a kwa dəa ya.

Bula lə Israɛlje 30:6

nɛ ɓó lé bɔbeeje maḭ səa mee ndəa’d gə́ yeḛ oo taree keneŋ ndá ndukunje ləa lai ləm, gə néje lai gə́ yeḛ man rəa gə mba ra ləm tɔ lé d’a tel to néje gə́ kari ba, tɔɓəi mee Njesigənea̰ a ti mbidi dəa’g mbata bɔbeeje maḭ səa ya.

Bula lə Israɛlje 30:8

ar ŋgabeeje oo taree, ɓa ɓó lé yeḛ ila təa maree’g ndag mee ndəa gə́ yeḛ oo taree lé ndá ndukunje ləa lai d’a to njaŋg ləm, néje lai gə́ yeḛ man rəa dɔ’g gə mba ra lé néeje d’a to njaŋg ləm tɔ,

Matiyo 14:7

Né gə́ ban-ban ɓa lé dəji neḛ kara n’a karee ya.

Matiyo 14:9

Mbai lé si yəgədə, rəa gaḭ ges, nɛ rɔkubu ləa gə́ yeḛ ubu kəm njéndamje’g bura lé ɓa aree un ne ndia ar dee d’aree ne dɔ Ja̰ ya.

Mark 6:23

Yeḛ pa man ne rəa bər-bər pana: Lé riri gə́ i a kwɔim lé ndá m’a kari ya. Lé gə́ dəb ɓeeko̰ ləm ya ɓa lé dəjim kara m’a kwa kari ya ɓó m’a kɔgi el.

Néra Njékaḭkulaje 23:12

Loo gə́ loo àr ndá Jibje tɔs dɔ na̰ dér-dér manrɔ dee bər-bər pana: N’a sɔje né el ləm, n’a kaije né el ləm tɔ saar n’a tɔlje Pool ya ɓa.

Jujé 2:14

Dəwje neelé d’ilá keneŋ pana: Ɓó lé i un dɔ sí el ndá kisi kəmba lə síjeḛ lé a to gin kisi kəmba ləi ya, bèe ɓa loo gə́ Njesigənea̰ a kar sí ɓee neelé ndá jeḛ kara j’a ra səi meemaji gə ŋgonkoji ya tɔ.

Jujé 9:15

Juje wa dee gə́ rəa’g ləm, ɔm sə dee na̰’d mba kya̰ dee kar dee d’isi kəmba ləma, njékaa dɔ koso-dəwje kara manrɔ dee d’ar dee ləm tɔ.

Njéga̰g-Rəwtaje 11:31

loo gə́ m’ḭ ɓee lə Amo̰je m’tel gə rɔlel ndá nana ɓa gə́ a kunda loo teḛ tarəwkəi’g ləm tila kəm ndá yeḛ neelé a to gə kəmee kar Njesigənea̰, tɔɓəi m’a kḭjá gə nékinjaməs gə́ ka̰ roo kari ya.

Njéga̰g-Rəwtaje 21:18

Nɛ jeḛ j’askəm kar dee ŋgan síje gə́ dené gə́ denéje lə dee el mbata Israɛlje manrɔ dee pana: Maji kar ndɔl wa dɔ yeḛ gə́ a k’un dené k’ar dəw gə́ Bḛjami.

Njéga̰g-Rəwtaje 21:7

See ɗi ɓa j’a ra mba kiŋga ne denéje kar deḛ gə́ nai kəmba lé ɓəi wa. Mbata jeḛ manje rɔ sí j’ar Njesigənea̰ mba kar dee ŋgan síje gə́ dené gə́ denéje lə dee el lé.

Njéga̰g-Rəwtaje 9:19

Ɓó lé kédé seḭ raje meemaji gə meekarabasur gə Jerubaal gə njémeekəije ləa ndá ɓogənè maji kar Abimelek to nérɔlel lə sí ləm, seḭ kara maji kar sí toje nérɔlel ləa-yeḛ ləm tɔ.

1 Samel 1:11

Yeḛ man rəa ar Njesigənea̰ pana: Njesigənea̰ gə́ njeboo-néje, ɓó lé i ndigi ndá oo kəmtondoo lə kura ləi gə́ dené ləm, ɓó lé i ar məəi olé dɔm’g ɓó ar məəi wəi dɔ ŋgonjelookisi’g ləi gə́ dené el ləma, ɓó lé i ar ŋgonjelookisi ləi ŋgon gə́ diŋgam ləm tɔ ndá m’a kundá gə kəmee kar Njesigənea̰ saar yeḛ a kwəi ne. Yiŋga kara a kinja yiŋga dəa bur el ləm tɔ.

1 Samel 25:22

Ɓó lé m’ya̰ dəw lə Nabal əsé né gə́ rara gə́ to kea̰ m’ar loo àr dɔ’g ndá maji kar Ala ra səm-ma Dabid, kura ləa lé nédɔkudu ya.