Ləbije 5:2 - Maktub gə́ To gə Kəmee

² Loo gə́ dəw kára ɔrɔ rɔ né gə́ mina̰, asəna gə nin da gə́ mina̰, lé to da-kul əsé yee gə́ wala əsé yee gə́ ag naŋg kara lal koo ginee gəd ndá yeḛ nja a tel mina̰ ne ləm, a kar taree wa dəa ləm tɔ.

Ləbije 5:2 Iomraidhean Croise

Pakɔsje 19:12

Kura ləi taa ta ndoo keneŋ, Nana ɓa gə́ ra née ndá a kiŋga ne née tɔ.

Esai 52:11

Ḭje lée’g neelé undaje loo teḛje, gə́ teḛje ya! Tibije mbɔr né gə́ mina̰ kára kara el! Saaje rɔ sí rɔ dee’g. Ɔrje won kaiya rɔ sí’g, Seḭ gə́ odoje nékulaje lə Njesigənea̰ lé!

Ləbije 11:11

Seḭ a koo deeje gə́ néje gə́ to kḛji ləm, seḭ a sɔje dakas dee el ləma, yoo dee kara seḭ a kooje gə́ né gə́ to kḛji kəm sí’g ya ləm tɔ.

Ləbije 11:8

Seḭ a sɔje dakas dee el ləm, a kɔrɔje rɔ yoo dee el ləm tɔ: Seḭ a koo deeje gə́ daje gə́ mina̰ ya.

Ləbije 4:13

Ɓó lé koso-dəwje lə Israɛlje lai ra kaiya dɔ mbə’g lal gər gelee ləm, aree iya rəa kəm dee’g ləm tɔ ɓa d’al ne dɔ godndu Njesigənea̰ gə́ kára mba ra ne néje gə́ kəm ra el ar ta wa ne dɔ dee tɔɓəi,

Ləbije 5:17

Ɓó lé dəw kára ra kaiya, al ne dɔ godndu Njesigənea̰ ra ne néje gə́ kəm ra el, lal gər gelee ndá taree a kwa dəa ləm, d’a kɔm taree dəa’g karee ra née ləm tɔ.

Ləbije 5:3

Loo gə́ yeḛ a kɔrɔ rɔ né gə́ ban-ban gə́ mina̰ gə́ ḭ rɔ dəw’g nɛ yeḛ gər el ɓa gée gə́ gogo kəmee inja dɔ’g ɓəi ndá taree lé a kwa dəa ya.

Ləbije 5:4

Loo gə́ dəw kára pata orè gə ta ndam man ne rəa mba ra né gə́ majel əsé né gə́ maji, ɓó lé yeḛ oo gə́ ta gə́ gəd kédé el nɛ gée gə́ gogo ɓa kəmee inja dɔ’g ɓəi ndá taree a kwa dəa-yeḛ ya.

Ləbije 7:21

Nana ɓa gə́ ɔrɔ rɔ né gə́ mina̰ gə́ to rɔ dəw gə́ rəa mina̰’g, əsé da gə́ mina̰, əsé né gə́ mina̰ gə́ ban-ban ɓa yeḛ sɔ ne da nékinjaməs gə́ ka̰ kɔm na̰’d gə Ala gə́ to ka̰ Njesigənea̰ doŋgɔ doi tɔɓəi lé ndá, debee neelé d’a kɔree mbuna dəwje’g ləa ya.

Ajee 2:13

Bèe ɓa Aje dəji dee pana: Ɓó lé dəw kára gə́ rəa mina̰ mbata kwa gə́ wa nin ɓa ɔrɔ ne rɔ néje nee ndá see néje neelé d’a mina̰ ne wa. Njékinjanéməsje tel d’ilam keneŋ pana: D’a mina̰ ne ya.

Bula lə Israɛlje 19:22

Né gə́ rara gə́ dəw gə́ rəa mina̰ ɔrɔ lé ndá né neelé kara tel mina̰ ya ləm, dəw gə́ ɔrɔ rɔ né neelé kara rəa a mina̰ saar kar kàr andə ləm tɔ.

Lugu 11:44

Meeko̰ a koso dɔ sí’g. Mbata seḭ toje asəna gə dɔɓar gə́ naŋg gɔl dəa ar dəwje d’oo el, ar dee njaa dɔ’g lé.

2 Njé gə́ Kɔrḭtə 6:17

Yee gə́ bèe ɓa Mbaidɔmbaije pana: Undaje loo mbuna dee’g teḛje, Saaje rɔ sí rɔ dee’g gə́ gogo, Ɓó tibije mbɔr né gə́ mina̰ lé el.

Tel tura Godndu 14:8

Seḭ a sɔje bər el mbata mér gɔlee tɔ ba̰ ya nɛ mu ɓa yel el, seḭ a kéeje gə́ né gə́ mina̰. Seḭ a sɔje dakasee el ləm, seḭ a kɔrɔje rɔ yée el ləm tɔ.