Ləbije 5:16 - Maktub gə́ To gə Kəmee

¹⁶ Yeḛ a kun lar neelé ləm, a kɔm maree dɔ’g asəna gə laree gə́ kaiyee loo mi bèe ɓa d’un təa kára d’ar ləm tɔ, mba kudu ne bwa né gə́ wɔji dɔ loo gə́ to gə kəmee ndá a kar njekinjanéməs lé. Bèe ɓa njekinjanéməs lé a kinja bàl badə neelé mba kiŋga ne meekoso lemsé asəna gə nékinjaməs gə́ wɔji dɔ ta gə́ wa dəa bèe ndá ta a kɔr dəa’g ya.

Ləbije 5:16 Iomraidhean Croise

Pakɔsje 69:4

Ma lé m’no̰ m’sané siŋgam ləm, Rəw gwɔsm gə́ kəi tudu kurum-kurum ləma, Kəm kara tel ndul kɔl-kɔl ləm tɔ Loo gə́ m’aa ne loo gə́ par gə́ rɔ Ala’g lé ləm lé.

Teḛ-Raga 22:1

Ɓó lé d’iŋga njeɓogo gə́ təd takəi loondul’g mba ɓogo né ɓa d’undá tɔlee ndá ta məsee lé a kwa dɔ njetɔlee lé el,

Ləbije 22:14

Dəw gə́ ɓó lé sɔ né gə́ to gə kəmee lal gər gelee ndá yeḛ a kar njekinjanéməs lar nésɔ gə́ to gə kəmee lé tɔɓəi a kila maree dɔ’g as laree gə́ kaiyee loo mi ɓa d’un təa loo kára d’ar lé.

Ləbije 27:13

Ɓó lé nje da neelé ndigi kuga dəa ndá d’a kila lar dɔ maree’g gə goo gadee gə́ yeḛ wɔji gə́ kaiyee loo mi ɓa d’un təa kára d’ar lé tɔ.

Ləbije 27:15

Ɓó lé debee neelé ndigi tel kuga dɔ kəi ləa ndá, yeḛ a kila lar dɔ maree’g gə goo gadee gə́ yeḛ wɔji gə́ kaiyee loo mi ɓa d’un təa kára d’ar lé ndá kəi neelé a tel to kea̰-yeḛ nja gogo.

Ləbije 27:27

Ɓó lé wɔji dɔ da gə́ mina̰ ndá d’a kuga dəa gə goo lar gə́ d’wɔji tɔɓəi d’a kila lar dɔ maree’g as gadee gə́ kaiyee loo mi ɓa d’un təa kára d’ar bèe, ɓó lé d’uga dəa el ndá d’a rabee ndogee gə goo laree gə́ d’wɔji lé tɔ.

Ləbije 27:31

Ɓó lé dəw gə́ ndigi kuga dɔ né gə́ kára mbuna néje gə́ dɔg’d kun təa kára k’ar lé ndá yeḛ a kila lar dɔ maree’g gə goo gadee gə́ kaiyee loo mi ɓa d’un təa kára d’ar lé.

Ləbije 4:20

Yeḛ a ra gə bɔ maŋg neelé to gə́ deḛ ra gə bɔ maŋg gə́ ka̰ kiŋga meekoso lemsé lé. Yeḛ a ra səa bèe ya. Togə́bè ɓa njekinjanéməs a ra bèe mba kuga ne dɔ dee ndá d’a kiŋga ne meekoso lemsé lé ya.

Ləbije 4:26

Yeḛ a roo ubeeje lai loo-nékinjaməs’g to gə́ deḛ ra gə ubu nékinjaməs gə́ ka̰ kɔm na̰’d lé bèe ya. Yee gə́ bèe ɓa njekinjanéməs lé a ra mbata lə mbai neelé mba kuga ne dɔ kaiya ləa ndá yeḛ a kiŋga ne meekoso lemsé lé ya tɔ.

Ləbije 5:10

Yeḛ a kwa yel gə́ nai lé gə́ nékinjaməs gə́ ka̰ roo gə goo godnduje gə́ to keneŋ mba̰. Yee gə́ bèe ɓa njekinjanéməs a ra mbata lə dəw neelé mba kuga ne dɔ kaiya rəa ndá ta a kɔr dəa’g ya.

Ləbije 5:13

Yee gə́ bèe ɓa njekinjanéməs lé a ra mbata lə dəw neelé mba kuga ne dɔ kaiya gə́ yeḛ ra gə́ wɔji ne dɔ né gə́ kára mbuna néje’g neelé ndá ta a kɔr dəa’g ya. Ges nduji nékar gə́ nai lé a to mbata lə njekinjanéməs lé asəna gə nékar gə́ to nduji bèe ya tɔ.

Ləbije 5:6

Tɔɓəi yeḛ a ree gə nékinjaməs gə́ ka̰ kiŋga meekoso lemsé kar Njesigənea̰ ndá a to ma̰də nékulje gə́ asəna gə ma̰də badə əsé ma̰də bya̰ mba karee to da kuga dɔ kaiya. Bèe ɓa njekinjanéməs lé a ra né kɔr ne ta kaiya ləa dəa’g ya.

Ləbije 7:2

Loo gə́ d’inja gwɔb nékinjaməs gə́ ka̰ roo lé keneŋ ndá lé neelé ɓa d’a kinja gwɔb nékinjaməs gə́ wɔji dɔ dəw gə́ ta wa dəa lé keneŋ tɔ. D’a saga məsee loo-nékinjaməs’g gugu ne dɔ loo neelé sub ya.

Bula lə Israɛlje 5:7

ndá yeḛ a teggin kaiya ləa gə́ raga ləm, a tel gə né gə́ yeḛ tuji lé bura ləma, a kila maree dɔ’g as laree gə́ kaiyee loo mi ɓa d’un təa kára ləm tɔ, tɔɓəi yeḛ a tel gə né neelé kar dəw gə́ yeḛ tuji né ləa ar ta wa ne dəa lé tɔ.

Bula lə Israɛlje 5:8

Dəw gə́ deḛ tuji né ləa neelé ɓó lé njenoji ləa gə́ askəm taa né gə́ tuji lé gogo godo ndá né neelé a tel to ka̰ Njesigənea̰ gə mba kar njekinjanéməs a ra ne ndur nékoga dɔ kaiya mbata lə dəw gə́ ta wa dəa lé.

Lugu 19:8

Jasee aar no̰ Mbaidɔmbaije’g ulá pana: Mbaidɔmbaije, aa oo, nékiŋgamje lé m’unda mée dana loo joo m’un loo kára m’ar njéndooje, ɓó lé m’tuji né lə dəw ndá m’a karee maree toree’g sɔ ya tɔ.

Néra Njékaḭkulaje 26:20

M’aw Damas kédé ɓa m’aw Jerusalem ləm, gə ɓeeje lai gə́ to ɓeeko̰ gə́ Jude ləma, gə goo ɓeeje lə njépole-magəje lé ləm tɔ lé m’ula dee ta kwa ndòo rɔ dɔ kaiya’g lə dee ləm, gə kɔs badm tel gə́ rɔ Ala’g ləma, gə néra gə́ a kwa bua kwa ndòo rɔ dɔ kaiya’g ləm tɔ.

1 Samel 6:3

Deḛ d’ila dee keneŋ pana: Ɓó lé seḭ a gə kulaje gə sa̰duk-manrɔ lə Ala lə Israɛlje lé gogo ndá seḭ a kulaje ne kari ba el nɛ seḭ a kinjaje nékinjanéməsje gə́ wɔji dɔ kal dɔ godndu ɓad ɓa. Togə́bè ɓa rɔko̰ lé a kɔr ne dɔ sí’g ləm, seḭ a gərje ne gel né gə́ jia wɔi ne ndiŋ-ndiŋ dɔ sí’g lal kun gə́ raŋg lé ləm tɔ.