Ləbije 5:15 - Maktub gə́ To gə Kəmee

¹⁵ Ɓó lé dəw kára al dɔ godndu ra ne kaiya dɔ mbə’d gə́ wɔji dɔ néje gə́ d’ɔr dee d’unda dee gə kəmee d’ar Njesigənea̰ lal gər rəbee ndá yeḛ a ree gə bàl badə gə́ rəa mina̰ el gə́ yeḛ wa mbuna nékulje’g ləa gə́ nékinjaməs ləa gə́ wɔji dɔ ta gə́ wa dəa kar Njesigənea̰ mbata lə kaiya gə́ yeḛ ra lé, a to bàl badə gə́ d’a kwɔji gadee gə́ kəm ŋgan larnda gə goo nékwɔji-né gə́ wɔji dɔ kəi-kubu-si-Ala.

Ləbije 5:15 Iomraidhean Croise

2 Mbaije 12:16

Deḛ dəji dəwje neelé goo lar gə́ d’ɔm ji dee’g gə mba kar dee d’ar njékulaje lé el mbata deḛ ra ne kula gə goo rəbee ya.

Esdras 10:19

d’un ndu dee gə ndu manrɔ mba tuba denéje lə dee ləm, gə mba kinja bàl badə gə́ nékinjaməs gə́ wɔji dɔ kal dɔ godndu ləm tɔ.

Teḛ-Raga 30:13

Aa oo, deḛ lai gə́ tura dee loo tura goo bula’g lə dee lé né gə́ d’a gə kar ɓa to nee: ŋgan larnda mi gə goo larnda gə́ wɔji dɔ kəi-kubu-si-Ala, ŋgan larnda lé a to né gə́ d’a kɔr mba kar Njesigənea̰.

Ejekel 40:39

Loo-Kandə-tarəwje lé tabulje joo to kelee gə́ kára’g ləm, joo to kelee gə́ raŋg’d ləm tɔ, dɔ tabul neelé ɓa to loo gə́ kəm kinja néməsje gə́ ka̰ roo ləm, gə ka̰ kuga dɔ kaiya ləma, gə ka̰ kɔr ta kaiya dɔ’g keneŋ ləm tɔ.

Ləbije 1:10

Ɓó lé nékinjaməs ləa to gə́ nékul gə́ lam bèe gə́ to ŋgon badə əsé ŋgon bya̰ gə́ ka̰ roo lé ndá maji karee wa bàlee gə́ rəa mina̰ el ɓa.

Ləbije 1:3

Ɓó lé nékinjaməs ləa to nékul gə́ boi gə́ ka̰ roo ndá yeḛ a kwa yee gə́ to gə́ bɔ maŋg gə́ rəa mina̰ el, yeḛ a kaw ne tarəw kəi-kubu-kiŋga-na̰’g no̰ Njesigənea̰’g mba taa ne kəmee ya.

Ləbije 14:12

Njekinjanéməs lé a kwa ŋgon badə kára ndá yeḛ a kḭjá gə́ nékinjaməs gə́ wɔji dɔ ta gə́ wa dəa lé a kun ubu as ges litər kára tɔ, yeḛ a ra nduree no̰ Njesigənea̰’g mba kundá ne gə kəmee.

Ləbije 27:3

Gad diŋgam gə́ ra ləb rɔ-joo saar rɔ-misa̰ lé a to ŋgan larnda rɔ-mi gə goo nékwɔji-né gə́ wɔji dɔ kəi-kubu-si-Ala,

Ləbije 4:2

Ula Israɛlje pana: Loo gə́ dəw kára ra kaiya dɔ mbə’g lal gər gelee, al ne dɔ godndu Njesigənea̰ gə́ kára ba ya ɓa ra ne néje gə́ kəm ra el ndá né gə́ kəm ra ɓa nee:

Ləbije 5:14

Njesigənea̰ ula Moyis pana:

Ləbije 5:16

Yeḛ a kun lar neelé ləm, a kɔm maree dɔ’g asəna gə laree gə́ kaiyee loo mi bèe ɓa d’un təa kára d’ar ləm tɔ, mba kudu ne bwa né gə́ wɔji dɔ loo gə́ to gə kəmee ndá a kar njekinjanéməs lé. Bèe ɓa njekinjanéməs lé a kinja bàl badə neelé mba kiŋga ne meekoso lemsé asəna gə nékinjaməs gə́ wɔji dɔ ta gə́ wa dəa bèe ndá ta a kɔr dəa’g ya.

Ləbije 5:18

Yeḛ a ree gə bàl badə gə́ rəa mina̰ el gə́ yeḛ wa mbuna nékulje’g ləa gə́ d’a kwɔji gadee ndá a kaw ne rɔ njekinjanéməs’g mba karee to nékinjaməs gə́ wɔji dɔ ta gə́ wa dəa lé. Njekinjanéməs lé a kinja bàl badə neelé mba kuga ne dɔ kaiya gə́ yeḛ ra lal gər gelee ndá ta a kɔr dəa’g ya.

Ləbije 6:6

Pər lé a ko̰ loo-nékinjaməs’g lé ta-ta ɓó a kwəi nda̰ el.

Ləbije 7:1

Aa ooje, godndu gə́ wɔji dɔ nékinjaməs gə́ ka̰ dəw gə́ ta wa dəa lé ɓa nee: To né gə́ to gə kəmee doi ya.

Ləbije 7:6

Ŋgalə njékinjanéməsje lai gə́ diŋgam lé d’a sɔ da neelé, d’a sɔ mee loo gə́ to gə kəmee’g: to né gə́ to gə kəmee doi ya.

Bula lə Israɛlje 15:24

ɓó deḛ ra kaiya dɔ mbə’g lal gər gelee ləm, lal kar koso-dəwje d’oo ləm tɔ ndá koso-dəwje lai d’a kinja bɔ maŋg gə́ nékinjaməs gə́ ka̰ roo gə́ baḭyee ə̰də lel Njesigənea̰ na̰’d gə nékar gə́ to nduji ləm, gə nékar gə́ ka̰ kai ləm tɔ, gə goo rəbee gə́ d’wɔji njaŋg ya, tɔɓəi d’a kinja bàl bya̰ kára gə́ nékinjaməs gə́ ka̰ kuga dɔ kaiya tɔ.

Bula lə Israɛlje 5:5

Njesigənea̰ ula Moyis pana:

Bula lə Israɛlje 5:8

Dəw gə́ deḛ tuji né ləa neelé ɓó lé njenoji ləa gə́ askəm taa né gə́ tuji lé gogo godo ndá né neelé a tel to ka̰ Njesigənea̰ gə mba kar njekinjanéməs a ra ne ndur nékoga dɔ kaiya mbata lə dəw gə́ ta wa dəa lé.

Tel tura Godndu 12:26

Nɛ néje gə́ seḭ ndiŋgaje rɔ sí gə mba kundaje gə kəmee ləm, gə nékarje gə́ seḭ a karje gə mba tɔl ne ta ndukun bém ləm tɔ lé seḭ a kawje ne loo gə́ Njesigənea̰ a mbər’g lé ɓa.

1 Samel 6:3

Deḛ d’ila dee keneŋ pana: Ɓó lé seḭ a gə kulaje gə sa̰duk-manrɔ lə Ala lə Israɛlje lé gogo ndá seḭ a kulaje ne kari ba el nɛ seḭ a kinjaje nékinjanéməsje gə́ wɔji dɔ kal dɔ godndu ɓad ɓa. Togə́bè ɓa rɔko̰ lé a kɔr ne dɔ sí’g ləm, seḭ a gərje ne gel né gə́ jia wɔi ne ndiŋ-ndiŋ dɔ sí’g lal kun gə́ raŋg lé ləm tɔ.