Ləbije 5:11 - Maktub gə́ To gə Kəmee

¹¹ Ɓó lé siŋgá as mba karee iŋga dərndaje gə́ joo əsé ŋgan dərkulje gə́ joo lé el ndá yeḛ a ree gə nékar gə́ to nduji gə́ ndá léréré as nékwɔji kwɔi-lə-né sɔ mba karee to nékar gə́ ka̰ kiŋga meekoso lemsé lé, ndá yeḛ a kɔm ubu keneŋ el ləm, né gə́ ə̰də sululu kara a kɔm keneŋ el ləm tɔ mbata to nékar gə́ ka̰ kiŋga meekoso lemsé ba.

Ləbije 5:11 Iomraidhean Croise

Teḛ-Raga 16:18

Gée gə́ gogo ndá d’wɔji gə ŋgo ndá deḛ gə́ daa nésɔ d’odo yaa̰ lé al dɔ dee el ləm, deḛ gə́ daa nésɔ d’odo lam ba kara na dee el ləm tɔ. Nana kara daa odo aree as dɔ nésəa ya.

Teḛ-Raga 16:36

Mee ŋgo gə́ d’wɔji ne muru gə́ ḭ dara lé to asəna gə né gə́ mee ka-nda kára gə́ kaiyee loo dɔg ɓa d’un təa kára.

Ləbije 1:14

Ɓó lé nékinjaməs ləa gə́ a gə kinja kar Njesigənea̰ lé to gə́ yelje gə́ ka̰ roo ndá yeḛ a kwa dərkulje əsé ŋgan dərndaje ya.

Ləbije 12:8

Ɓó lé yeḛ askəm kiŋga ŋgon badə el ndá yeḛ a ree gə dərkulje joo əsé ŋgan dərndaje joo, yee gə́ kára gə́ nékinjaməs gə́ ka̰ roo ləm, yee gə́ kára gə́ nékinjaməs gə́ ka̰ kuga dɔ kaiya ləm tɔ. Njekinjanéməs lé a kɔr ne ta kaiya dəa’g ndá rəa a kàr ne ŋgad-ŋgad tɔ.

Ləbije 14:21

Ɓó lé yeḛ to gə́ njendoo gə́ nékiŋgaje ləa as el ndá yeḛ a kwa ŋgon badə kára ba gə́ nékinjaməs gə́ ka̰ ta gə́ wa dəa loo gə́ dee ra nduree mba kundá ne gə kəmee kuga ne dɔ kaiya ləa lé. Yeḛ a kɔr nduji gə́ ndá léréré as nékwɔji kwɔi-lə-né munda gə́ mbɔḭ gə ubu gə́ nékar ləm, gə ubu as ges litər kára ləm tɔ.

Ləbije 27:8

Ɓó lé dəw to gə́ njendoo ɓa askəm kuga laree lé el ndá d’a kaw səa rɔ njekinjanéməs’g mba karee wɔji gadee, tɔɓəi njekinjanéməs a kwɔji gadee gə goo nékiŋgaje lə dəw gə́ njekun ndia lé ya.

Ləbije 5:12

Yeḛ a ree ne kar njekinjanéməs neelé ndá njekinjanéməs lé a kɔr nduji lé as ŋgo jia kára karee to nékolé-mee tɔɓəi yeḛ a roo loo-nékinjaməs’g asəna gə nékar gə́ ka̰ roo no̰ Njesigənea̰’g bèe: to nékar gə́ ka̰ kiŋga meekoso lemsé ya.

Ləbije 5:6

Tɔɓəi yeḛ a ree gə nékinjaməs gə́ ka̰ kiŋga meekoso lemsé kar Njesigənea̰ ndá a to ma̰də nékulje gə́ asəna gə ma̰də badə əsé ma̰də bya̰ mba karee to da kuga dɔ kaiya. Bèe ɓa njekinjanéməs lé a ra né kɔr ne ta kaiya ləa dəa’g ya.

Ləbije 5:9

yeḛ a saga məs yel gə́ wɔji dɔ kiŋga meekoso lemsé neelé kaar loo-nékinjaməs’g ndá yeḛ a korè yel lé mbḛ̀ mba kar ges məs gə́ nai lé karee aḭ naŋg no̰ loo-nékinjaməs’g, to nékinjaməs gə́ wɔji dɔ kiŋga meekoso lemsé ya.

Ləbije 6:20

Nana ɓa gə́ ɔrɔ rɔ dakas da neelé a to gə kəmee. Ɓó lé məsee uba tiriri ɔm dɔ kubu’g ndá lé gə́ məs ɔm keneŋ lé d’a togo mee loo gə́ to gə kəmee’g lé ya.

Bula lə Israɛlje 5:15

ndá diŋgam neelé d’a kaw gə dené ləa rɔ njekinjanéməs’g ləm, a kaw gə nékar gə́ wɔji dəa gə́ to nduji kó gə́ ɓaree ɔrj as épa kára gə́ kaiyee loo dɔg ɓa d’un təa kára ləm tɔ, yeḛ a kɔm ubu dɔ’g el ləm, yeḛ a kɔm né gə́ ə̰də sululu dɔ’g el ləm tɔ mbata to nékar gə́ ka̰ njaŋg gə́ ra ləm, to nékar gə́ ka̰ kolé mee gə́ ar meḛ dee olé ne dɔ néra gə́ kori-kori’g ləm tɔ.

Bula lə Israɛlje 7:13

Néje gə́ yeḛ ree ne ɓa to nee: ka-larnda gə́ kwɔi ləa as ŋgan nékwɔji kwɔi-lə-né tɔl-dɔg gə dəa tɔl-munda ləm, bai-larnda gə́ kwɔi ləa as ŋgan nékwɔji kwɔi-lə-né tɔl siri ləm tɔ gə goo nékwɔji-né gə́ wɔji dɔ kəi-kubu gə́ to gə kəmee dɔi, nduji gə́ ndá léréré gə́ mbɔḭ gə ubu rusu néje neelé joo bɔr mbata lə nékar gə́ ka̰ nduji lé tɔ,

Lugu 2:24

Deḛ d’un nékinjaməs d’ar Ala, dərkulje joo əsé dərndaje joo to gə́ ndaŋg taree mee maktub godndu’g lə Mbaidɔmbaije lé tɔ,

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Ǝbrəje 9:22

Məs ɓa ɔr won néje lé to gə́ godndu lé wɔji, ɓó lé məs oso naŋg teŋ el ndá loo kɔr kaiya meḛ dəwje’g a godo tɔ.