Ləbije 4:6 - Maktub gə́ To gə Kəmee

⁶ yeḛ a kula ŋgaw jia dan məs’g ndá a saga məs neelé gɔl siri no̰ Njesigənea̰’g, no̰ pal-kubu gə́ gaŋg ne mee kəi-kubu-si-Ala.

Ləbije 4:6 Iomraidhean Croise

Teḛ-Raga 40:21

Deḛ d’aw gə sa̰duk kɔrgoota neelé mee kəi-kubu-si-Ala’g tɔɓəi deḛ tɔ pal-kubu-gaŋg-mee kəi d’aree ɔn dɔ sa̰duk kɔrgoota, to gə́ Njesigənea̰ un ne ndia ar Moyis lé ya.

Teḛ-Raga 40:26

Deḛ d’unda loo-tuu-né gə́ ra gə larlɔr mee kəi-kubu-kiŋga-na̰’g no̰ pal-kubu-gaŋg-mee-kəi’g neelé

Ləbije 14:16

Njekinjanéməs lé a kula ŋgaw jia gə́ dɔkɔl dan ubu gə́ to mee ŋgo jia’g gə́ dɔgel lé ndá yeḛ a sɔb ubu lé no̰ Njesigənea̰’g as gɔl siri.

Ləbije 14:18

Njekinjanéməs lé a kɔm ges ubu gə́ nai jia’g lé dɔ yeḛ gə́ ɔr won rɔko̰ rəa’g ndá, yeḛ a ra bèe mba kuga ne dɔ kaiya ləa no̰ Njesigənea̰’g.

Ləbije 14:27

Njekinjanéməs lé ubu gə́ to mee ŋgo jia gə́ dɔgel’g lé a sɔb gə ŋgaw jia gə́ dɔkɔl no̰ Njesigənea̰’g as gɔl siri.

Ləbije 14:7

Yeḛ a saga néje neelé gɔl siri dɔ yeḛ gə́ kəm kɔr won ba̰ji rəa’g lé. Tɔɓəi yeḛ a pa njaŋg pana: To dəw gə́ àr ndá yeḛ a kila yel gə́ kəmba lé tar karee aw.

Ləbije 16:14

Yeḛ a kula ŋgaw jia dan məs bɔ maŋg’d lé ndá a sɔb loo gə́ to no̰ kidata sa̰duk kɔrgoota gə́ to loo meekoso lemsé’g par gə́ bər lé, yeḛ a sɔb məs neelé gɔl siri loo gə́ to no̰ kidata sa̰duk gə́ wɔji dɔ loo meekoso lemsé’g lé.

Ləbije 16:19

Yeḛ a sɔb məs neelé gə ŋgaw jia gɔl siri dɔ loo-nékinjaməs’g lé, yeḛ a kɔr ne wonee ləm, a kundá ne gə kəmee ləm tɔ gə mbata lə néraje gə́ mina̰ lə Israɛlje lé.

Ləbije 25:8

Seḭ a turaje ləb-kwa-rɔje gə́ siri, ləbje siri gɔl siri tɔɓəi bula lə ləb-kwa-rɔje gə́ siri lé d’a kaḭ as ləb rɔ-sɔ-giree-jinaikara tɔ.

Ləbije 26:18

Ɓó lé seḭ ooje ta ləm el ya ɓəi ndá m’a kar bo̰ néra sí ɔs ta sí’g unda nje gə́ kédé as gɔl siri mbata lə kaiyaje lə sí.

Ləbije 26:24

m’a kar bo̰ néra sí ɔs ta sí’g unda nje gə́ kédé as gɔl siri mbata kaiyaje lə sí ləm tɔ.

Ləbije 26:28

m’a kɔs sí rəw gə oŋg gə́ to ɓəl kədm-kədm, tɔɓəi m’a kar bo̰ néra sí ɔs ta sí’g unda nje gə́ kédé as gɔl siri mbata kaiyaje lə sí ləm tɔ.

Ləbije 4:17

yeḛ a kula ŋgaw jia dan məs’g ndá a saga məs neelé gɔl siri no̰ Njesigənea̰’g, no̰ pal-kubu gaŋg mee kəi’d gə́ to gə kəmee lé.

Ləbije 4:25

Njekinjanéməs lé a kula ŋgaw jia dan məs da-kul gə́ ka̰ kiŋga meekoso lemsé lé ndá a rad dɔ kum loo-nékinjanéməsje gə́ ḭta gə́ ka̰ roo né keneŋ, tɔɓəi yeḛ a kɔm məs naŋg no̰ loo-nékinjaməs gə́ ka̰ roo né keneŋ lé tɔ.

Ləbije 4:30

Njekinjanéməs a kula ŋgaw jia dan məs da-kul’g neelé ndá a rad dɔ kum loo-nékinjanéməsje gə́ ḭta gə́ ka̰ roo né keneŋ tɔɓəi yeḛ a kɔm ges məs lé naŋg no̰ loo-nékinjaməs’g lé ya tɔ.

Ləbije 4:34

Njekinjanéməs lé a kula ŋgaw jia dan məs da-kul’g neelé ndá a rad dɔ kum loo-nékinjanéməsje gə́ ḭta gə́ ka̰ roo né keneŋ, tɔɓəi yeḛ a kɔm ges məs neelé naŋg no̰ loo-nékinjaməs’g lé tɔ.

Ləbije 8:11

Yeḛ saga ubu neelé dɔ loo-nékinjaməs’g gɔl siri tɔɓəi yeḛ tər dɔ loo-nékinjaməs’g gə dɔ nékulaje lai gə́ wɔji dəa ləma, gə dɔ bai-togo-rɔ gə gelee na̰’d ləm tɔ unda dee ne gə kəmee.

Ləbije 8:15

Moyis inja gwɔbee ndá yeḛ taa məsee tɔɓəi rad məs neelé gə ŋgaw jia dɔ kum loo-nékinjanéməsje gə́ ḭta undá ne gə kəmee, yeḛ ɔm ges məs lé naŋg no̰ loo-nékinjaməs’g undá ne gə kəmee mba kinja ne nékinjaməs gə́ ka̰ kuga dɔ kaiya lé tɔ.

Ləbije 9:9

Ŋgalə Aaro̰ d’un məs lé d’aree, yeḛ ula ŋgaw jia dan məs’g ləm, yeḛ rad dɔ kum loo-nékinjanéməsje gə́ ḭta ləma, yeḛ ɔm naŋg no̰ loo-nékinjaməs’g ləm tɔ.

Bula lə Israɛlje 19:4

Eləajar gə́ to njekinjanéməs lé a kula ŋgaw jia dan məs maŋg’d neelé ndá yeḛ a saga par gə́ no̰ kəi-kubu-kiŋga-na̰’g as gɔl siri.

Jujé 6:4

Njékinjanéməsje siri d’a kwa to̰to̰je siri gə́ ra gə gaji badə ji dee’g ɓa d’a njaa ne no̰ sa̰duk-manrɔ’g. Tɔɓəi ndɔ gə́ njekɔm’g siri lé ndá seḭ a njaaje guguje dɔ ɓee lé as gɔl siri tɔ. Ndá njékinjanéməsje lé d’a kim to̰to̰je lé tɔ.

Jujé 6:8

Loo gə́ Juje ula koso-dəwje ta neelé mba̰ ndá njékinjanéməsje siri gə́ d’wa to̰to̰ gaji badje ji dee’g no̰ Njesigənea̰’g lé d’ɔs njaa d’aw ləm, d’im to̰to̰je lə dee ləm tɔ. Ndá d’aw gə sa̰duk-manrɔ lə Njesigənea̰ lé goo dee’g tɔ.