Ləbije 4:35 - Maktub gə́ To gə Kəmee

³⁵ Njekinjanéməs lé a kɔr ubeeje lai to gə́ d’ɔr ne ubu ŋgon badə gə́ to gə́ nékinjaməs gə́ ka̰ kɔm na̰’d bèe lé ndá yeḛ a roo loo-nékinjaməs’g asəna gə nékinjaməs gə́ deḛ roo no̰ Njesigənea̰’g lé tɔ. Yee gə́ bèe ɓa njekinjanéməs lé a ra mbata lə dəw neelé mba kuga ne dɔ kaiya gə́ yeḛ ra ndá yeḛ a kiŋga ne meekoso lemsé ya tɔ.

Ləbije 4:35 Iomraidhean Croise

Ləbije 12:8

Ɓó lé yeḛ askəm kiŋga ŋgon badə el ndá yeḛ a ree gə dərkulje joo əsé ŋgan dərndaje joo, yee gə́ kára gə́ nékinjaməs gə́ ka̰ roo ləm, yee gə́ kára gə́ nékinjaməs gə́ ka̰ kuga dɔ kaiya ləm tɔ. Njekinjanéməs lé a kɔr ne ta kaiya dəa’g ndá rəa a kàr ne ŋgad-ŋgad tɔ.

Ləbije 14:18

Njekinjanéməs lé a kɔm ges ubu gə́ nai jia’g lé dɔ yeḛ gə́ ɔr won rɔko̰ rəa’g ndá, yeḛ a ra bèe mba kuga ne dɔ kaiya ləa no̰ Njesigənea̰’g.

Ləbije 14:53

Yeḛ a kila yel gə́ kəmba lé tar gir ɓee gə́ raga karee aw. Yeḛ a ra togə́bè mba kɔr ne ta dɔ kəi’g neelé ndá kəi lé a kàr ya.

Ləbije 15:15

Njekinjanéməs a kinja yee gə́ kára gə́ nékinjaməs gə́ ka̰ kuga dɔ kaiya, tɔɓəi yee gə́ kára gə́ nékinjaməs gə́ ka̰ roo tɔ. Njekinjanéməs lé a ra togə́bè mba kuga ne dɔ mán gə́ ree ta mɔdee’g yao-yao neelé no̰ Njesigənea̰’g.

Ləbije 19:22

Njekinjanéməs a ra né kuga ne dɔ kaiya ləa no̰ Njesigənea̰’g mbata kaiya gə́ yeḛ ra lé ndá bàl badə lé yeḛ a kinja gwɔsee gə́ nékinjaməs gə́ ka̰ ta gə́ wa dəa ndá ta kaiya gə́ yeḛ ra lé a kɔr ne dəa’g ya.

Ləbije 4:20

Yeḛ a ra gə bɔ maŋg neelé to gə́ deḛ ra gə bɔ maŋg gə́ ka̰ kiŋga meekoso lemsé lé. Yeḛ a ra səa bèe ya. Togə́bè ɓa njekinjanéməs a ra bèe mba kuga ne dɔ dee ndá d’a kiŋga ne meekoso lemsé lé ya.

Ləbije 4:26

Yeḛ a roo ubeeje lai loo-nékinjaməs’g to gə́ deḛ ra gə ubu nékinjaməs gə́ ka̰ kɔm na̰’d lé bèe ya. Yee gə́ bèe ɓa njekinjanéməs lé a ra mbata lə mbai neelé mba kuga ne dɔ kaiya ləa ndá yeḛ a kiŋga ne meekoso lemsé lé ya tɔ.

Ləbije 5:10

Yeḛ a kwa yel gə́ nai lé gə́ nékinjaməs gə́ ka̰ roo gə goo godnduje gə́ to keneŋ mba̰. Yee gə́ bèe ɓa njekinjanéməs a ra mbata lə dəw neelé mba kuga ne dɔ kaiya rəa ndá ta a kɔr dəa’g ya.

Ləbije 5:13

Yee gə́ bèe ɓa njekinjanéməs lé a ra mbata lə dəw neelé mba kuga ne dɔ kaiya gə́ yeḛ ra gə́ wɔji ne dɔ né gə́ kára mbuna néje’g neelé ndá ta a kɔr dəa’g ya. Ges nduji nékar gə́ nai lé a to mbata lə njekinjanéməs lé asəna gə nékar gə́ to nduji bèe ya tɔ.

Ləbije 5:6

Tɔɓəi yeḛ a ree gə nékinjaməs gə́ ka̰ kiŋga meekoso lemsé kar Njesigənea̰ ndá a to ma̰də nékulje gə́ asəna gə ma̰də badə əsé ma̰də bya̰ mba karee to da kuga dɔ kaiya. Bèe ɓa njekinjanéməs lé a ra né kɔr ne ta kaiya ləa dəa’g ya.

Ləbije 6:7

Aa ooje, godndu gə́ wɔji dɔ nékar gə́ to nduji ɓa to nee: Ŋgalə Aaro̰ lé d’a kaw ne no̰ Njesigənea̰’g no̰ loo-nékinjaməs’g lé ya.

Ləbije 9:7

Moyis ula Aaro̰ pana: Maji kari rəm pər gə́ loo-nékinjaməs’g, ndá inja nékinjaməs ləi gə́ wɔji dɔ kuga dɔ kaiya ləm, gə nékinjaməs ləi gə́ ka̰ roo ləm tɔ, mba kuga ne dɔ kaiya ləi-i ləm, gə ka̰ koso-dəwje ləm tɔ, tɔɓəi i a kinja nékinjaməs lə koso-dəwje mba kuga ne dɔ kaiya lə dee-deḛ to gə́ Njesigənea̰ un ne ndia lé tɔ.

Bula lə Israɛlje 15:25

Njekinjanéməs a ra né mba kuga ne dɔ kaiya lə koso-dəwje gə́ Israɛl lai ndá mee Ala a koso lemsé dɔ dee’g, mbata deḛ ra kaiya dɔ mbə’g lal gər gelee, tɔɓəi deḛ ree gə nékar lə deḛ gə́ to nékinjaməs gə́ ka̰ roo gə́ wɔji dɔ Njesigənea̰ ləm, gə da-nékinjaməs gə́ ka̰ kuga dɔ kaiya no̰ Njesigənea̰’g ləm tɔ mbata lə kaiya gə́ deḛ ra dɔ mbə’g lal gər gelee lé.

Bula lə Israɛlje 15:28

Njekinjanéməs a ra né no̰ Njesigənea̰’g mba kuga ne dɔ dəw kára gə́ ra kaiya dɔ mbə’g lal gər gelee lé, loo gə́ yeḛ ra né mba kuga ne dəa mba̰ ndá mee Ala a koso lemsé dəa’g ya.

Njé gə́ Rɔmə 10:4

Kristi ɓa gə́ rudu godndu mba kɔr ne ta dɔ deḛ gə́ d’ɔm meḛ dee dəa’g ya.

Njé gə́ Rɔmə 4:25

Jeju lé deḛ d’wá tɔlee gə mbata kaltaje lə sí nɛ yeḛ unda loo teḛ dan njé gə́ d’wəi’g gə mba kar sí n’toje njémeekarabasurje ya.

Njé gə́ Rɔmə 8:1

Bèe ndá deḛ gə́ d’ɔm na̰’d gə Jeju Kristi lé ta kára kara wa dɔ dee ɓasinè el.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

Njé gə́ Kolosə 1:14

Mbɔl dəa ɓa j’iŋga ne nékoga dɔ sí gə́ ɔr ta kaiya dɔ sí’g.

Ǝbrəje 1:3

Yeḛ to bao-ronduba lə Ala ləm, gə njekɔr rəa ləm tɔ. Tapea gə́ ɓar mḭ lé yeḛ gəd ne nékundaje ləa gəd-gəd. Loo gə́ yeḛ ɔr won kaiya gə́ wa naŋg nee mba̰ ndá yeḛ ɔd si dɔ jikɔl Njeboo-ronduba gə́ si sém dara’g.

Ǝbrəje 4:14

Bèe ndá Jeju, Ŋgon-Ala lé to ŋgɔ-njekinjanéməs lə sí gə́ andə mee dara’g mba̰ ndá maji kar sí j’aar njaŋg dɔ meekun’g lə sí gə́ j’un j’aree.

Ǝbrəje 7:26

Tɔgərɔ ya, ŋgɔ-njekinjanéməs to gə́ yeḛ bèe ɓa jeḛ j’aw ndée ya, yeḛ gə́ to gə kəmee ləm, gelee godo ləm, won né kára kara wa mée el ləm, yeḛ ɔm na̰’d sad gə njékaiyaje el ləma, yeḛ ur dɔ dara’g pubug ləm tɔ.

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.

1 Piɛrə 2:22

Yeḛ lé ra nékaiya kára el ləm, ta sukəmloo kára kara dəw oo təa’g el ləm tɔ.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.

1 Piɛrə 3:18

Tɔgərɔ ya, Kristi, njemeekarabasur lé wəi gɔl kára ba kiao gə́ ŋgaŋgee mbata lə njéra né kori-korije gə mba kɔr sí ne kaw sə sí kar Ala ya, darəa ɓa deḛ tɔl nɛ Ndil ɓa tel ula kəmə mée’g gogo ɓəi.

1 Ja̰ 1:7

Nɛ ɓó lé jeḛ njaa dan kàrá to gə́ yeḛ nja nai dan kàrá lé ndá jeḛ j’ɔm meḛ sí na̰’d sad ya, bèe ɓa məs Jeju Ŋgonee ɔr ne won kaiyaje lə sí ɓə̰dərə-ɓə̰dərə tɔ.

1 Ja̰ 2:2

Yeḛ nja d’inja gə́ məs, d’udu ne bwa-kaiya lə sí lé, bwa-kaiya lə síjeḛ ɓa gə kar sí el, nɛ ka̰ dəwje lai-lai dɔ naŋg neelé nja tɔ.