Ləbije 4:34 - Maktub gə́ To gə Kəmee

³⁴ Njekinjanéməs lé a kula ŋgaw jia dan məs da-kul’g neelé ndá a rad dɔ kum loo-nékinjanéməsje gə́ ḭta gə́ ka̰ roo né keneŋ, tɔɓəi yeḛ a kɔm ges məs neelé naŋg no̰ loo-nékinjaməs’g lé tɔ.

Ləbije 4:34 Iomraidhean Croise

Esai 42:21

Njesigənea̰ ndigi kila mber godndia gə́ boo Mba kar Israɛlje d’isi ne dan maji’g.

Ləbije 4:18

Yeḛ a rad məs dɔ kum loo-nékinjanéməsje gə́ ḭta gə́ to no̰ Njesigənea̰’g mee kəi-kubu-kiŋga-na̰’g, ndá a kɔm ges məs bɔ maŋg lé naŋg no̰ loo-nékinjaməs gə́ ka̰ roo né keneŋ gə́ to tarəw kəi-kubu-kiŋga-na̰’g lé tɔ.

Ləbije 4:25

Njekinjanéməs lé a kula ŋgaw jia dan məs da-kul gə́ ka̰ kiŋga meekoso lemsé lé ndá a rad dɔ kum loo-nékinjanéməsje gə́ ḭta gə́ ka̰ roo né keneŋ, tɔɓəi yeḛ a kɔm məs naŋg no̰ loo-nékinjaməs gə́ ka̰ roo né keneŋ lé tɔ.

Ləbije 4:30

Njekinjanéməs a kula ŋgaw jia dan məs da-kul’g neelé ndá a rad dɔ kum loo-nékinjanéməsje gə́ ḭta gə́ ka̰ roo né keneŋ tɔɓəi yeḛ a kɔm ges məs lé naŋg no̰ loo-nékinjaməs’g lé ya tɔ.

Ləbije 4:7

Ŋgɔ-njekinjanéməs neelé a rad məs lé dɔ kum loo-tuu-néje gə́ ə̰də sululu gə́ ḭta gə́ to no̰ Njesigənea̰’g mee kəi-kubu-kiŋga-na̰’g lé, ndá yeḛ a kɔm ges məs bɔ maŋg lé gel loo-nékinjaməs gə́ ka̰ roo né keneŋ gə́ to tarəw kəi-kubu-kiŋga-na̰’g lé tɔ.

Tagə́maji gə́ Ja̰ ndang 17:19

Ma lé m’ɔr rɔm m’unda gə kəmee mbata lə dee mba kar kankəmta gə́ to meḛ dee’g lé a kɔr dee kunda dee-deḛ nja gə kəmee bèe ya tɔ.

Njé gə́ Rɔmə 10:4

Kristi ɓa gə́ rudu godndu mba kɔr ne ta dɔ deḛ gə́ d’ɔm meḛ dee dəa’g ya.

Njé gə́ Rɔmə 8:1

Bèe ndá deḛ gə́ d’ɔm na̰’d gə Jeju Kristi lé ta kára kara wa dɔ dee ɓasinè el.

Njé gə́ Rɔmə 8:3

Né gə́ dum godndu lé mbata darɔ dəw ɓa as ra torndia el lé Ala nja ra ar ta wa ne dɔ kaiya lə darɔ loo gə́ yeḛ ula ne Ŋgonee gə́ gəd-gəd gə́ to tana gə darɔ síjeḛ njékaiyaje mba kɔr ne ta kaiya meḛ dəwje’g ləm,

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Ǝbrəje 10:29

Nɛ ɓəd ɓa see yeḛ gə́ njaa dɔ Ŋgon-Ala’g lé ləm, oo məs manrɔ gə́ aree to ne dəw gə́ to gə kəmee lé oo gə́ né el ləma, ila ndɔl dɔ Ndil gə́ njenoji’g ləm tɔ ndá yeḛ gə́ ra togə́bè lé see tuji gə́ a koso dəa’g lé a kur dɔ maree’g nee el wa.

Ǝbrəje 2:10

Tɔgərɔ ya, Ala gə́ unda néje lai ləm, nékundaje lai to kea̰-yeḛ ləm tɔ lé yeḛ nja ra gə goo rəbee loo gə́ yeḛ ar njegin bəgərə kaji lə ŋganee bula uru dan néurti’g, mba karee to ne dəw gə́ maji dum ləm, mba karee ɔr no̰ dee ula ne rɔnduba dɔ dee’g ləm tɔ.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.

1 Piɛrə 3:18

Tɔgərɔ ya, Kristi, njemeekarabasur lé wəi gɔl kára ba kiao gə́ ŋgaŋgee mbata lə njéra né kori-korije gə mba kɔr sí ne kaw sə sí kar Ala ya, darəa ɓa deḛ tɔl nɛ Ndil ɓa tel ula kəmə mée’g gogo ɓəi.