Ləbije 4:24 - Maktub gə́ To gə Kəmee

²⁴ Yeḛ a kila jia dɔ bàl bya̰’g ndá a tel kinja gwɔbee loo gə́ d’inja nékinjanéməsje gə́ ka̰ roo keneŋ no̰ Njesigənea̰’g. To nékinjaməs gə́ ka̰ kiŋga meekoso lemsé lé ya.

Ləbije 4:24 Iomraidhean Croise

2 Mbaije 12:16

Deḛ dəji dəwje neelé goo lar gə́ d’ɔm ji dee’g gə mba kar dee d’ar njékulaje lé el mbata deḛ ra ne kula gə goo rəbee ya.

2 Sôrta Gḭka Israɛlje 29:23

Gée gə́ gogo deḛ ree gə bàl bya̰je gə́ nékinjaməs gə́ ka̰ kuga dɔ kaiya lé no̰ mbai’g ləm, gə no̰ koso-dəwje gə́ mbo̰ dɔ na̰’g ləm tɔ ndá deḛ d’ɔm ji dee dɔ bàl bya̰je’g neelé.

Teḛ-Raga 29:38

Aa oo, néje gə́ d’a kinja dee gə́ məs loo-nékinjaməs’g neelé ɓa to nee: ŋgan bàl badje joo-joo gə́ ləb koji dee kára-kára ɓa d’a kinja dee gə ndɔje kára-kára lai saar gə no̰.

Esai 53:6

Jeḛ lai n’to j’asjena gə badje Gə́ ndəm d’ila rima-rima, Nana kara un rəw gə́ mée wɔji, Nɛ Njesigənea̰ odo néra kori-korije lə sí lai ɔm dəa’g.

Ləbije 1:11

Yeḛ a kinja gwɔbee mbɔr loo-nékinjaməs’g par gə́ dɔgel no̰ Njesigənea̰’g, ndá njékinjanéməsje gə́ to ŋgalə Aaro̰ lé d’a kun məsee mba saga dɔ loo-nékinjaməs’g gugu ne dəa sub.

Ləbije 1:4

Yeḛ a kila jia dɔ nékinjaməs gə́ ka̰ roo’g neelé ndá a taa ne kəm Njesigənea̰ mba karee ɔr ne ta dɔ debee’g neelé ya.

Ləbije 1:5

Yeḛ a kinja gwɔb bɔ maŋg neelé no̰ Njesigənea̰’g ndá njékinjanéməsje gə́ to ŋgalə Aaro̰ lé d’a kun məs neelé mba saga gugu ne dɔ loo-nékinjaməs gə́ to tarəw kəi-kubu-kwa-dɔ-na̰’g lé tɔ.

Ləbije 14:13

Yeḛ a kinja gwɔb ŋgon badə loo gə́ d’aw d’inja gwɔb daje gə́ wɔji dɔ ka̰ kuga dɔ kaiya ləm, gə nje gə́ ka̰ roo ləm tɔ keneŋ, loo gə́ to gə kəmee lé, mbata nékinjaməs gə́ wɔji dɔ ta gə́ wa dɔ dəw lé to asəna gə nékinjaməs gə́ wɔji dɔ kuga dɔ kaiya bèe tɔ ndá da neelé to mbata lə njekinjanéməs lé, to né gə́ to gə kəmee doi ya.

Ləbije 16:15

Yeḛ a kinja gwɔb bàl bya̰ gə́ ka̰ kuga dɔ kaiya lə dəwje lé ndá a kaw gə məsee njal mee kubu gə́ gaŋg ne mee kəi gə́ to gə kəmee doi’g. Yeḛ a ra gə məs neelé to gə́ ra ne gə məs bɔ maŋg gə́ kédé lé bèe ndá yeḛ a saga dɔ kidata sa̰duk-manrɔ gə́ wɔji dɔ meekoso lemsé ləm, gə nea̰’g ləm tɔ.

Ləbije 3:13

Yeḛ a kila jia dɔ da-kul’g ləa gə́ d’a gə kḭjá gə́ məs lé ndá yeḛ a kinja gwɔbee no̰ kəi-kubu-kiŋga-na̰’g ndá ŋgalə Aaro̰ d’a saga məsee loo-nékinjaməs’g gugu ne dəa sub.

Ləbije 3:2

Yeḛ a kila jia dɔ da-kul’g ndá a kinja gwɔbee tarəw kəi-kubu-kiŋga-na̰’g ndá njékinjanéməsje gə́ to ŋgalə Aaro̰ lé d’a saga məsee loo-nékinjaməs’g gugu sub ya.

Ləbije 3:8

Yeḛ a kila jia dɔ da-kul’d gə́ d’a gə kḭjá gə́ məs lé ndá yeḛ a kinja gwɔbee tarəw kəi-kubu-kiŋga-na̰’g, ndá ŋgalə Aaro̰ d’a saga məsee loo-nékinjaməs’g gugu ne sub.

Ləbije 6:18

Ula Aaro̰ gə ŋganeeje pana: Aa ooje, godndu gə́ wɔji dɔ nékinjaməs gə́ ka̰ kiŋga meekoso lemsé lé ɓa to nee: Loo gə́ d’inja gwɔb nékinjaməs gə́ ka̰ roo keneŋ lé lée neelé ɓa d’a kinja gwɔb nékinjaməs gə́ ka̰ kiŋga meekoso lemsé no̰ Njesigənea̰’g keneŋ bèe ya to: to né gə́ to gə kəmee doi ya.

Ləbije 6:22

Diŋgamje gə́ to njékinjanéməsje ya ba ɓa d’a sɔ né neelé, to né gə́ to gə kəmee doi ya.

Ləbije 7:2

Loo gə́ d’inja gwɔb nékinjaməs gə́ ka̰ roo lé keneŋ ndá lé neelé ɓa d’a kinja gwɔb nékinjaməs gə́ wɔji dɔ dəw gə́ ta wa dəa lé keneŋ tɔ. D’a saga məsee loo-nékinjaməs’g gugu ne dɔ loo neelé sub ya.