Ləbije 4:21 - Maktub gə́ To gə Kəmee

²¹ Yeḛ a kun bɔ maŋg neelé kaw ne gir loo-si dee gə́ raga ndá a roo to gə́ deḛ ra ne gə bɔ maŋg gə́ dɔtar lé ya. To nékinjaməs gə́ ka̰ kiŋga meekoso lemsé mbata lə koso-dəwje lé lai ya.

Ləbije 4:21 Iomraidhean Croise

Esdras 8:35

Ŋgalə deḛ gə́ d’ḭ ɓee-ɓər’g tel ree lé ree gə bɔ maŋgje dɔg-giree-joo gə́ nékḭja məsje gə́ ka̰ roo kar Ala lə Israɛlje, mbata Israɛlje lai ləm, gə bàl badje rɔ-jinaikara-giree-misa̰ gə ŋgan badje rɔ-siri-giree-siri gə bàl bya̰je dɔg-giree-joo gə́ to nékinjanéməsje gə́ wɔji dɔ kuga dɔ kaiya ləm tɔ, ar néje neelé to gə́ nékinjanéməsje gə́ ka̰ roo kar Njesigənea̰ ya.

Teḛ-Raga 29:14

Nɛ dakasrɔ bɔ maŋg ləm, gə ndaree ləma, gə siḭyee ləm tɔ lé i a roo dee gir loo-si dee’g raga, yee neelé ɓa to nékinjaməs gə́ ka̰ kuga dɔ kaiya tɔ.

Ejekel 45:22

Mee ndəa’g neelé mbai gə́ njeɓee a kar dee bɔ maŋg gə́ nékinjaməs gə́ ka̰ kuga dɔ kaiya mbata ləa-yeḛ ləm, mbata lə koso-dəwje lai gə́ mee ɓee’g ləm tɔ.

Ləbije 16:15

Yeḛ a kinja gwɔb bàl bya̰ gə́ ka̰ kuga dɔ kaiya lə dəwje lé ndá a kaw gə məsee njal mee kubu gə́ gaŋg ne mee kəi gə́ to gə kəmee doi’g. Yeḛ a ra gə məs neelé to gə́ ra ne gə məs bɔ maŋg gə́ kédé lé bèe ndá yeḛ a saga dɔ kidata sa̰duk-manrɔ gə́ wɔji dɔ meekoso lemsé ləm, gə nea̰’g ləm tɔ.

Ləbije 16:21

Aaro̰ a kodo jia bɔr kɔm dɔ bàl bya̰ gə́ nai kəmba’g lé ndá yeḛ a teggin kaiyaje lə Israɛlje lai ləm, gə kaltaje lə deḛ lai gə́ deḛ ra ne kaiya ləm tɔ lé kɔm dɔ bàl bya̰’g neelé, yeḛ a kɔm dee dɔ bàl bya̰’g neelé tɔɓəi yeḛ a tubá kar dəw kára gə́ kula nee wɔji dəa lé aw səa ilá par gə́ dɔdilaloo’g.

Ləbije 16:27

Bɔ maŋg gə́ wɔji dɔ kuga dɔ kaiya ləm, gə bàl bya̰ gə́ wɔji dɔ kuga dɔ kaiya ləm tɔ lé deḛ gə́ d’un dee d’aw ne mee kəi gə́ to gə kəmee’g gə mba ra ne né kuga dɔ kaiya lé d’a kodo dee kaw sə dee gir loo-si dee’g ndá ndar dee ləm, gə dakasrɔ dee ləma, gə siḭ dee ləm tɔ lé d’a roo tɔ.

Ləbije 4:13

Ɓó lé koso-dəwje lə Israɛlje lai ra kaiya dɔ mbə’g lal gər gelee ləm, aree iya rəa kəm dee’g ləm tɔ ɓa d’al ne dɔ godndu Njesigənea̰ gə́ kára mba ra ne néje gə́ kəm ra el ar ta wa ne dɔ dee tɔɓəi,

Ləbije 4:20

Yeḛ a ra gə bɔ maŋg neelé to gə́ deḛ ra gə bɔ maŋg gə́ ka̰ kiŋga meekoso lemsé lé. Yeḛ a ra səa bèe ya. Togə́bè ɓa njekinjanéməs a ra bèe mba kuga ne dɔ dee ndá d’a kiŋga ne meekoso lemsé lé ya.

Ləbije 6:11

Ŋgaka Aaro̰ lai gə́ diŋgam lé d’a sɔ né neelé. Yee ɓa to gə́ godndu gə́ to gə no̰ mbata lə ŋgaka síje gə́ kédé-kédé wɔji dɔ nékarje gə́ ka̰ roo no̰ Njesigənea̰’g lé, nana ɓa gə́ ɔrɔ rɔ néje neelé ndá yeḛ a to gə kəmee ya tɔ.

Ləbije 6:23

Nɛ da-kul gə́ rara ɓa gə́ to ka̰ kiŋga meekoso lemsé mee kəi-kubu-kiŋga-na̰’g mba karee iŋga meekoso lemsé gə́ to gə kəmee lé d’a sɔ el, d’a roo gə́ roo ya.

Ləbije 8:17

Nɛ bɔ maŋg lé gə ndaree, gə dakasee, gə siḭyeje to lé, yeḛ roo gir loo-si dee gə́ raga, to gə́ Njesigənea̰ un ne ndia aree mba karee ra lé.

Bula lə Israɛlje 15:24

ɓó deḛ ra kaiya dɔ mbə’g lal gər gelee ləm, lal kar koso-dəwje d’oo ləm tɔ ndá koso-dəwje lai d’a kinja bɔ maŋg gə́ nékinjaməs gə́ ka̰ roo gə́ baḭyee ə̰də lel Njesigənea̰ na̰’d gə nékar gə́ to nduji ləm, gə nékar gə́ ka̰ kai ləm tɔ, gə goo rəbee gə́ d’wɔji njaŋg ya, tɔɓəi d’a kinja bàl bya̰ kára gə́ nékinjaməs gə́ ka̰ kuga dɔ kaiya tɔ.

Matiyo 20:28

Yee gə́ bèe ɓa Ŋgon-dəw ree ne naŋg nee mba ra ne né kar dəwje gə́ dɔ naŋg nee ɓó gə mba kar dəwje gə́ dɔ naŋg nee ɓa ra né d’aree el. Yeḛ ree gə mba kila rəa kɔ gə́ nékoga dɔ dəwje bula ya.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Ǝbrəje 13:11

Məs nékulje lé ŋgɔ-njekinjanéməs aw ne mee kəi gə́ to gə kəmee mba kuga dɔ kaiya’g ya nɛ dakasrɔ dee lé yeḛ aw ne gir loo-si dee gə́ raga gə mba roo.