Ləbije 4:18 - Maktub gə́ To gə Kəmee

¹⁸ Yeḛ a rad məs dɔ kum loo-nékinjanéməsje gə́ ḭta gə́ to no̰ Njesigənea̰’g mee kəi-kubu-kiŋga-na̰’g, ndá a kɔm ges məs bɔ maŋg lé naŋg no̰ loo-nékinjaməs gə́ ka̰ roo né keneŋ gə́ to tarəw kəi-kubu-kiŋga-na̰’g lé tɔ.

Ləbije 4:18 Iomraidhean Croise

2 Sôrta Gḭka Israɛlje 29:22

Njékinjanéməsje tḭja gwɔb bɔ maŋgje ndá deḛ taa məs dee d’aw saga dɔ loo-nékinjaməs’g, deḛ tḭja gwɔb bàl badje ndá deḛ taa məs dee d’aw ne d’aw saga dɔ loo-nékinjaməs’g, deḛ tḭja gwɔb ŋgan badje ndá taa məs dee d’aw saga dɔ loo-nékinjaməs’g tɔ.

Teḛ-Raga 29:12

I a taa məs bɔ maŋg neelé ndá a kula ŋgon ji-i keneŋ mba rad dɔ kum loo-nékinjanéməsje gə́ ḭta lé ləm, a kɔm məs gə́ nai lé gɔl loo-nékinjaməs’g lé ləm tɔ.

Teḛ-Raga 30:10

Gɔl kára mee ləb kára-kára lé Aaro̰ a kɔm məs nékinjaməs gə́ wɔji dɔ kaiya dɔ gaji loo-tuu-né’g, məs da gə́ d’inja mba kuga né dɔ kaiya lé ɓa yeḛ aar né togə́bè gɔl kára mee ləb kára-kára mbuna ŋgaka síje’g ya. Yee ɓa a to né gə́ to gə kəmee doi no̰ Njesigənea̰’g tɔ.

Ləbije 4:25

Njekinjanéməs lé a kula ŋgaw jia dan məs da-kul gə́ ka̰ kiŋga meekoso lemsé lé ndá a rad dɔ kum loo-nékinjanéməsje gə́ ḭta gə́ ka̰ roo né keneŋ, tɔɓəi yeḛ a kɔm məs naŋg no̰ loo-nékinjaməs gə́ ka̰ roo né keneŋ lé tɔ.

Ləbije 4:30

Njekinjanéməs a kula ŋgaw jia dan məs da-kul’g neelé ndá a rad dɔ kum loo-nékinjanéməsje gə́ ḭta gə́ ka̰ roo né keneŋ tɔɓəi yeḛ a kɔm ges məs lé naŋg no̰ loo-nékinjaməs’g lé ya tɔ.

Ləbije 4:34

Njekinjanéməs lé a kula ŋgaw jia dan məs da-kul’g neelé ndá a rad dɔ kum loo-nékinjanéməsje gə́ ḭta gə́ ka̰ roo né keneŋ, tɔɓəi yeḛ a kɔm ges məs neelé naŋg no̰ loo-nékinjaməs’g lé tɔ.

Ləbije 4:7

Ŋgɔ-njekinjanéməs neelé a rad məs lé dɔ kum loo-tuu-néje gə́ ə̰də sululu gə́ ḭta gə́ to no̰ Njesigənea̰’g mee kəi-kubu-kiŋga-na̰’g lé, ndá yeḛ a kɔm ges məs bɔ maŋg lé gel loo-nékinjaməs gə́ ka̰ roo né keneŋ gə́ to tarəw kəi-kubu-kiŋga-na̰’g lé tɔ.

Ləbije 5:9

yeḛ a saga məs yel gə́ wɔji dɔ kiŋga meekoso lemsé neelé kaar loo-nékinjaməs’g ndá yeḛ a korè yel lé mbḛ̀ mba kar ges məs gə́ nai lé karee aḭ naŋg no̰ loo-nékinjaməs’g, to nékinjaməs gə́ wɔji dɔ kiŋga meekoso lemsé ya.

Ləbije 8:15

Moyis inja gwɔbee ndá yeḛ taa məsee tɔɓəi rad məs neelé gə ŋgaw jia dɔ kum loo-nékinjanéməsje gə́ ḭta undá ne gə kəmee, yeḛ ɔm ges məs lé naŋg no̰ loo-nékinjaməs’g undá ne gə kəmee mba kinja ne nékinjaməs gə́ ka̰ kuga dɔ kaiya lé tɔ.

Ləbije 9:9

Ŋgalə Aaro̰ d’un məs lé d’aree, yeḛ ula ŋgaw jia dan məs’g ləm, yeḛ rad dɔ kum loo-nékinjanéməsje gə́ ḭta ləma, yeḛ ɔm naŋg no̰ loo-nékinjaməs’g ləm tɔ.