Ləbije 3:9 - Maktub gə́ To gə Kəmee

⁹ Nékinjaməs gə́ ka̰ kɔm na̰’d neelé néje gə́ yeḛ a kɔr keneŋ mba roo no̰ Njesigənea̰’g lé ɓa nee: Ubee ləm, gə ɓo̰gee bura gə́ d’wa təd ta siŋga dunee’g ləma, gə ubee gə́ dolè dɔ ŋgan siḭyeje gə ubee lai gə́ wa dɔ ŋgan siḭyeje gə́ tar ləm,

Ləbije 3:9 Iomraidhean Croise

2 Samel 6:17

Gée gə́ gogo loo gə́ deḛ ree gə sa̰duk-manrɔ lə Njesigənea̰ mba̰ ndá deḛ d’unda lée’g dan mee kəi-kubu gə́ Dabid ra wɔji ne dəa lé. Tɔɓəi Dabid inja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ ar Njesigənea̰.

1 Mbaije 3:15

Salomo̰ ndel dɔ ɓi’g ndá yeḛ oo to gə́ Ala wɔji səa ta gə ni. Salomo̰ tel aw Jerusalem ndá yeḛ aw aar no̰ sa̰duk-manrɔ’g lə Njesigənea̰. Yeḛ inja nékinjanéməsje gə́ ka̰ roo ləm, gə nékinjanéməsje gə́ wɔji dɔ kɔm na̰’d ləm tɔ, tɔɓəi yeḛ ra muru-gad mbata lə kuraje ləa lai tɔ.

1 Mbaije 8:63

Salomo̰ wa bɔ maŋgje tɔl-dɔg-loo rɔ-joo giree-joo (22.000) ləm, gə badje tɔl-dɔg-loo rɔ-joo (20.000) ləm tɔ gə́ nékinjanéməsje gə́ wɔji dɔ kɔm na̰’d. Bèe ɓa, mbai lé gə Israɛlje lai d’un ne kəi lə Njesigənea̰ d’unda ne gə kəmee.

1 Mbaije 8:64

Mee ndəa gən lé mbai unda ŋgaw dan loo gə́ to no̰ kəi’g lə Njesigənea̰ lé gə kəmee, mbata lé nee ɓa yeḛ inja nékinjanéməsje gə́ ka̰ roo, gə nékarje, gə ubu nékinjanéməsje gə́ wɔji dɔ kɔm na̰’d keneŋ mbata loo-nékinjaməs gə́ ra gə larkas gə́ to no̰ Njesigənea̰’g lé to gə́ lam ba bèe ɓó as mba kɔm nékinjanéməsje gə́ ka̰ roo, gə nékarje, gə ubu nékinjanéməsje gə́ wɔji dɔ kɔm na̰’d lé keneŋ el.

1 Sôrta Gḭka-Israɛlje 16:1

Loo gə́ deḛ ree gə sa̰duk-manrɔ lə Ala mba̰ ndá d’unda dan mee kəi-kubu gə́ Dabid la wɔji ne dəa tɔɓəi deḛ d’inja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ no̰ Njesigənea̰’g.

Teḛ-Raga 29:22

I a kodo ubu bàl badə neelé ləm, gə ɓo̰gee ləm, gə ubee gə́ dolè dɔ ŋgan siḭyeje ləm, gə wur ndulee ləm, gə ɓɔlɔlɔ-duneeje gə́ joo gə ubee gə́ dolè dɔ dee’g ləma, gə biŋgee gə́ dɔkɔl ləm tɔ mbata to bàl badə gə́ ka̰ kɔr dee kunda dee ne gə kəmee.

Gosota-Kəmkàrje 23:26

Ŋgonəm, ya̰ məəi am ləm, Maji kar rəw-kabm lé taa kəmi ləm tɔ.

Esai 53:10

Mee Njesigənea̰ ndigi Mba kar dee d’ula kəmee ndòo, Loo gə́ yeḛ a kya̰ rəa Gə́ nékinjaməs gə mbata lə kaiya Ndá yeḛ a koo ŋgakeaje ləm, Ləbje ləa d’a kḭ dɔ maree’d gə́ kédé-kédé ləm tɔ, Né gə́ mee Njesigənea̰ ndigi lé Yeḛ a karee aw lée’g béréré ya.

Ləbije 17:5

Gelee gə́ nee ɓa Israɛlje d’a kinja daje gə́ məs mee looje’g lə dee el nɛ d’a ree sə dee rɔ njekinjanéməs’g no̰ Njesigənea̰’g tarəw kəi-kubu-kiŋga-na̰’g mba kar dee d’inja dee gə́ nékinjanéməsje gə́ ka̰ kɔm na̰’d gə Njesigənea̰ ya.

Ləbije 7:3

D’a ree gə ubeeje lai ləm, gə ɓo̰gee ləm, gə ubee gə́ dolè dɔ ŋgan siḭyeje ləm,

Ləbije 8:25

Yeḛ odo ubee, gə ɓo̰gee, gə ubeeje lai gə́ dolè dɔ ŋgan siḭyeje’g, gə dəb wurndulee gə́ boi, gə ɓɔlɔlɔ-duneeje gə́ joo gə ubu dee, gə biŋgee gə́ dɔkɔl tɔ,

Ləbije 9:19

Deḛ d’aree ubu bɔ maŋg gə ubu bàl badə, gə ɓoŋ bàl badə, gə ubee gə́ dolè dɔ ŋgan siḭyeeje’g gə ɓɔlɔlɔ-duneeje, gə dəb wurndulee gə́ boi lé tɔ,

Bula lə Israɛlje 7:88

Bula lə daje mbata nékinjaməs gə́ ka̰ kɔm na̰’d sad lé ɓa nee: maŋgje rɔ-joo-gir-dee-sɔ ləm, bàl badje rɔ-misa̰ ləm, bàl bya̰je rɔ-munda ləma, ŋgan badje gə́ ra ləb kára-kára d’as rɔ-misa̰ ləm tɔ. Yee ɓa to nénojije gə́ ree ne gə mba kunda ne loo-nékinjaməs gə kəmee loo gə́ deḛ saga ubu dɔ’g mba̰ lé tɔ.

1 Samel 10:8

Tɔɓəi i a kḭ nɔm’g kédé kaw Gilgal ndá aa oo, m’a kḭ kaw rɔi’g kaw kinja nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d ləm tɔ. I a ŋgina as ndɔ siri saar kam m’ree rɔi’g gə mba kam m’ulai né gə́ kəm kari ra ɓa.