Ləbije 3:6 - Maktub gə́ To gə Kəmee

⁶ Ɓó lé yeḛ a kwa da-kul gə́ lam, gə́ to bàl badə əsé ma̰də badə ɓa gə́ nékinjaməs gə́ ka̰ kɔm na̰’d gə Njesigənea̰ ndá yeḛ a kwa yee gə́ rəa mina̰ el ɓa.

Ləbije 3:6 Iomraidhean Croise

Esai 60:7

Koso-nékulje lə njé gə́ Kedar D’a mbo̰ na̰ rɔi’g, Bàl badje lə njé gə́ Nebajot D’a to néra kula ləi, D’a kaw sə dee dɔ loo-nékinjaməs’g ləm ndá D’a taa kəm rəgm ləm, M’a kula rɔnduba dɔ kəi rɔnduba’g ləm ləm tɔ.

Ləbije 1:10

Ɓó lé nékinjaməs ləa to gə́ nékul gə́ lam bèe gə́ to ŋgon badə əsé ŋgon bya̰ gə́ ka̰ roo lé ndá maji karee wa bàlee gə́ rəa mina̰ el ɓa.

Ləbije 1:2

Maji kari ula Israɛlje pana: Loo gə́ dəw kára mbuna sí’g a gə ree gə nékinjaməs kar Njesigənea̰ ndá lé to gə́ nékul gə́ mbuna daje gə́ boi-boi’g əsé yee gə́ mbuna daje gə́ lam-lam’g bèe kara yeḛ a kwa ree ne ya.

Ləbije 19:5

Loo gə́ seḭ a kinjaje gwɔs nékinjaməs gə́ ka̰ kɔm na̰’d gə Njesigənea̰ ndá seḭ a kḭjáje gə goo rəbee mba karee taa kəmee ɓa.

Ləbije 22:20

Seḭ a kinjaje yee gə́ rəa ya̰ maree kára kara el mbata a taa kəm Njesigənea̰ el tɔ.

Ləbije 23:19

Seḭ a kinjaje gwɔs bàl bya̰ kára gə́ nékinjaməs gə́ ka̰ kuga dɔ kaiya ləm, gə ŋgan badje joo gə́ ra ləb dee kára-kára gə́ nékinjaməs gə́ ka̰ kɔm na̰’d ləm tɔ.

Bula lə Israɛlje 15:5

tɔɓəi a ree gə nékar gə́ ka̰ kai gə́ to mán-nduú gə́ mḭ as litər kára gə gesee mbata lə nékinjaməs gə́ ka̰ roo əsé nékinjaməs gə́ to ŋgon badə kára-kára ya.

Bula lə Israɛlje 6:14

Yeḛ a kun nékar ləa kar Njesigənea̰ togə́bè: Bàl badə gə́ ra ləb kára gə́ rəa mina̰ el lé a to nékinjaməs gə́ ka̰ roo ləm, ma̰də badə gə́ ra ləb kára gə́ rəa mina̰ el lé a to nékinjaməs gə́ ka̰ kuga dɔ kaiya ləma, bàl badə gə́ rəa mina̰ el lé a to nékinjaməs gə́ ka̰ kɔm na̰’d sad ləm tɔ,

Néra Njékaḭkulaje 4:27

Tɔgərɔ ya Herɔdə gə Po̰sə Pilatə d’ɔm na̰’d téréré gə ginkoji dəwje gə raŋg gə Israɛlje gə́ mee ɓee’g neelé mba kḭ gə kura ləi Jeju gə́ i wa dəa gə ubu ɔree unda ne gə kəmee doi lé ya

Njé gə́ Galati 3:28

Bèe ndá Jib əsé Grek godo ləm, ɓər əsé ŋgonkoji godo ləma, diŋgam əsé dené kara godo ləm tɔ, mbata seḭ lai seḭ toje gə́ na̰’d kára ba kiao gin Kristi’g ya.

Njé gə́ Galati 4:4

Nɛ loo gə́ ndəa gə́ Ala wɔji lé aw lée’g béréré ndá yeḛ ula Ŋgonee ar dené ojee gin godndu’g,

Njé gə́ Epesə 1:10

mba kar loo gə́ ndɔ gə́ wɔji dəa a kaw lée’g béréré ndá yeḛ a mbo̰ néje lai na̰’d gin Kristi’g ya, néje gə́ dara ləm, gə néje gə́ naŋg nee ləm tɔ,