Ləbije 3:5 - Maktub gə́ To gə Kəmee

⁵ Ŋgalə Aaro̰ lé d’a roo néje neelé loo-nékinjaməs’g korè ne dɔ nékinjaməs gə́ ka̰ roo gə́ to dɔ kir’d gə́ d’ɔm dɔ pər’d lé. To nékinjaməs gə́ ka̰ roo gə́ baḭyee ə̰də lel Njesigənea̰ ya.

Ləbije 3:5 Iomraidhean Croise

1 Mbaije 8:64

Mee ndəa gən lé mbai unda ŋgaw dan loo gə́ to no̰ kəi’g lə Njesigənea̰ lé gə kəmee, mbata lé nee ɓa yeḛ inja nékinjanéməsje gə́ ka̰ roo, gə nékarje, gə ubu nékinjanéməsje gə́ wɔji dɔ kɔm na̰’d keneŋ mbata loo-nékinjaməs gə́ ra gə larkas gə́ to no̰ Njesigənea̰’g lé to gə́ lam ba bèe ɓó as mba kɔm nékinjanéməsje gə́ ka̰ roo, gə nékarje, gə ubu nékinjanéməsje gə́ wɔji dɔ kɔm na̰’d lé keneŋ el.

2 Sôrta Gḭka Israɛlje 35:14

Gée gə́ gogo deḛ gɔl né gə́ wɔji dɔ dee-deḛ ləm, gə mbata lə njékinjanéməsje ləm tɔ mbata njékinjanéməsje gə́ to ŋgaka Aaro̰ lé ra kula saar kàrkemetag gə mba kinja nékinjanéməsje gə́ ka̰ roo ləm, gə ubeeje lé ləm tɔ. Gelee gə́ nee ɓa Ləbije ɓa to ne njégɔl néje mbata lə dee ləm, gə mbata lə ŋgaka Aaro̰ ləm tɔ.

Teḛ-Raga 29:13

I a tusu ubeeje lai gə́ dolè dɔ ŋgan siḭyeje ləm, gə wur ndulee ləm, gə ɓɔlɔlɔ-duneeje gə́ joo ləma, gə ubeeje gə́ dolè dɔ dee ləm tɔ ndá, a roo néje neelé lai dɔ loo-nékinjaməs’g.

Ejekel 44:15

Nɛ njékinjanéməsje gə́ to ginka’g lə Ləbi gə́ gel bɔ’g lə Sadɔk gə́ ra kula mee kəi’g lə neḛ gə́ to gə kəmee loo gə́ Israɛlje ndəm d’aw əw sə neḛ lé deḛ neelé ɓa d’a rəm pər gə́ rɔ neḛ’g mba ra kula kar neḛ ləm, d’a kaar no̰ neḛ’g gə mba kun ubu nékinjanéməsje gə məs kar neḛ ləm tɔ, Mbaidɔmbaije gə́ Njesigənea̰ ɓa pa bèe.

Ejekel 44:7

Seḭ arje dəw-dɔ-ɓeeje gə́ meḛ dee tɔ kujita el ləm, deḛ lal kinja tamɔd dee ləm tɔ lé d’andə mee kəi’g lə neḛ gə́ to gə kəmee d’ila ndɔl dɔ’g, tɔɓəi seḭ unje muru lə neḛ gə ubu nékinjanéməsje gə məs to arje magəje lə sí lai gə́ mina̰ jɔmri-jɔmri ləm, seḭ gaŋgje ne kúla manrɔ lə neḛ ləm tɔ.

Ləbije 1:13

Yeḛ a togo ŋgan siḭ da lé gə gɔleeje gə man, ndá njekinjanéməs a roo néje neelé lai loo-nékinjaməs’g. To né gə́ ka̰ roo ləm, to nékinjaməs gə́ roo gə́ baḭyee ə̰də lel Njesigənea̰ ləm tɔ.

Ləbije 1:17

Yeḛ a ta̰ bagee kya̰ keneŋ lal kɔr, ndá njekinjanéməs lé a roo né neelé loo-nékinjaməs’g, dɔ ta kir gə́ dɔ pər’d. To né gə́ ka̰ roo ləm, to nékinjaməs gə́ roo gə́ baḭyee ə̰də lel Njesigənea̰ ləm tɔ.

Ləbije 1:9

Yeḛ a togo ŋgan siḭ da lé gə gɔleeje gə man ndá njekinjanéməs lé a roo néje neelé lai dɔ loo-nékinjaməs’g. To né gə́ ka̰ roo ləm, to nékinjaməs gə́ roo gə́ baḭyee ə̰də lel Njesigənea̰ ləm tɔ.

Ləbije 3:11

Njekinjanéməs a roo néje neelé loo-nékinjaməs’g. To nésɔ gə́ to nékinjaməs gə́ roo no̰ Njesigənea̰’g ya.

Ləbije 3:4

gə ɓɔlɔlɔ-duneeje gə́ joo ləm, gə ubee gə́ dolè dɔ dee gə́ ɔn dɔ ŋgel-mée ləma, gə dəb wurndulee gə́ boi gə́ yeḛ a kwa mbɔr ɓɔlɔlɔ-duneeje’g kɔr ləm tɔ.

Ləbije 4:31

Njekinjanéməs a kɔr ubeeje lai to gə́ d’ɔr ne ubu nékinjaməs gə́ ka̰ kɔm na̰’d bèe lé tɔ ndá yeḛ a roo loo-nékinjaməs’g, bèe ɓa a to ne né gə́ baḭyee ə̰də lel Njesigənea̰ ɓəi. Yee gə́ bèe ɓa njekinjanéməs a ra mbata lə dəw neelé mba kuga ne dɔ kaiya ləa ndá yeḛ a kiŋga ne meekoso lemsé lé ya tɔ.

Ləbije 4:35

Njekinjanéməs lé a kɔr ubeeje lai to gə́ d’ɔr ne ubu ŋgon badə gə́ to gə́ nékinjaməs gə́ ka̰ kɔm na̰’d bèe lé ndá yeḛ a roo loo-nékinjaməs’g asəna gə nékinjaməs gə́ deḛ roo no̰ Njesigənea̰’g lé tɔ. Yee gə́ bèe ɓa njekinjanéməs lé a ra mbata lə dəw neelé mba kuga ne dɔ kaiya gə́ yeḛ ra ndá yeḛ a kiŋga ne meekoso lemsé ya tɔ.

Ləbije 6:12

Njesigənea̰ ula Moyis pana:

Ləbije 7:28

Njesigənea̰ ula Moyis pana:

Ləbije 9:17

Yeḛ un nékar gə́ to nduji lé ndá ɔr nduji as ŋgo jia kára, tɔɓəi yeḛ roo loo-nékinjaməs’g orè ne gə nékinjaməs gə́ ka̰ roo gə ndɔ rad gə́ ndɔje kára-kára lai lé.

Bula lə Israɛlje 15:8

Ɓó lé d’inja bɔ maŋg gə́ nékinjaməs gə́ ka̰ roo əsé gə́ ka̰ tɔl ta ndukun əsé gə́ ka̰ ra Njesigənea̰ oiyo ndá

Bula lə Israɛlje 18:17

Nɛ i a kar dee d’uga dɔ ŋgondər maŋg əsé ŋgondər badə əsé ŋgondər bya̰ el: dee to néje gə́ to gə kəmee. I a saga məs dee dɔ loo-nékinjaməs’g ləm, i a roo ubu dee ləm tɔ: yee ɓa a to nékinjaməs gə́ roo gə́ baḭyee ə̰də lel Njesigənea̰ ya.

Bula lə Israɛlje 28:12

Nékar gə́ wɔji dɔ bɔ maŋg kára-kára lé a to nduji gə́ ndá léréré gə́ mbɔḭ gə ubu as nékwɔji kwɔi-lə-né jinaikara, nékar gə́ wɔji dɔ bàl badə lé a to nduji gə́ ndá léréré gə́ mbɔḭ gə ubu as nékwɔji kwɔi-lə-né misa̰ tɔ,

Bula lə Israɛlje 28:3

I a kula dee pana: Aa ooje, nékinjaməs gə́ ka̰ roo gə́ seḭ a kinjaje karje Njesigənea̰ ɓa nee: ndɔje kára-kára lai lé ŋgan badje joo gə́ ra ləb kára-kára ləm, gə́ rɔ dee mina̰ el ləm tɔ lé d’a to nékinjanéməsje gə́ ka̰ roo gə́ d’a kinja dee ta-ta gə́ kédé-kédé.

1 Piɛrə 2:5

Seḭje kara toje asəna gə mbalje gə́ to kəmba gə́ d’odo sí rɔd sí dɔ na̰’g mba ra ne kankəm kəi gə́ ka̰ Ndil lé ləm, kar sí toje njékinjanéməsje gə́ d’unda sí gə kəmee mba kar sí unje nékinjaməs gə́ ka̰ ndil lé gə ri Jeju Kristi gə́ a taa kəm Ala rəgm lé ləm tɔ.