Ləbije 3:17 - Maktub gə́ To gə Kəmee

¹⁷ Yee neelé to godndu gə́ to gə no̰ mbata ŋgaka síje gə́ kédé-kédé gə looje lai-lai gə́ seḭ a síje keneŋ ya: Seḭ a sɔje ubee əsé məsee el.

Ləbije 3:17 Iomraidhean Croise

Gḭ-Néje 9:4

Nɛ seḭ a sɔje dakasrɔ da gə məsee gə́ to kəmə ləa lé na̰’d el.

2 Sôrta Gḭka Israɛlje 29:35

Nékinjaməsje gə́ raŋg gə́ ka̰ roo lé to yaa̰ gə ubu nékinjanéməsje gə́ ka̰ kɔm na̰’d ləm, gə néje gə́ ka̰ tər naŋg gə́ wɔji dɔ nékinjanéməsje gə́ ka̰ roo ləm tɔ. Bèe ɓa deḛ tel gɔl ne kulaje mee kəi’g lə Njesigənea̰ lé gogo.

Nehemi 8:10

Deḛ d’ula dee tɔɓəi pana: Aw sɔje da gə́ to ubu ləm, aw aije nékai gə́ lel ləma, ulaje gə gesee arje deḛ gə́ d’wa dɔ gɔl ka̰ dee el ləm tɔ mbata ɓogənè to ndɔ gə́ to gə kəmee mbata lə Mbaidɔmbaije lə sí. Arje kəm sí to ndòo el mbata rɔlel lə Njesigənea̰ ɓa a to siŋga sí ya.

Teḛ-Raga 27:21

Mee kəi-kubu-kiŋga-na̰’d gə́ to gə kəmee neelé, gir kubu gə́ gaŋg ne mee kəi gə́ to no̰ nékɔrgoota’g lé, lé neelé ɓa Aaro̰ gə ŋganeeje gə́ diŋgam d’a gɔl ubu neelé gə́ mba kar pərndɔje lé d’a ndogó ne no̰ Njesigənea̰’g loondul’g saar kar loo àr. Yee ɓa gə́ godndu gə́ to gə no̰ mbata lə ŋgakadɔg deeje ləm, Israɛlje lé kara d’a kaa dəa kər-kər ləm tɔ.

Teḛ-Raga 28:43

Aaro̰ gə ŋganeeje gə́ diŋgam d’a kula kubuje neelé rɔ dee’g loo gə́ d’a kandə mee kəi-kubu-si-Ala’g əsé loo gə́ d’a rəm pər gə́ loo-nékinjaməs’g mba ra kula gə́ wɔji dɔ loo gə́ to gə kəmee, togə́bè ɓa d’a kar ta wa ne dɔ dee el ləm, d’a kwəi ne el ləm tɔ. Yee neelé to godndu gə́ a to gə no̰ mbata lə Aaro̰ gə ŋgakadɔgeeje tɔ.

Ejekel 33:25

Gelee gə́ nee ɓa maji kari ula dee pana: Mbaidɔmbaije gə́ Njesigənea̰ pa togə́bè pana: Seḭ sɔje dakasrɔ da gə məsee na̰’d ləm, seḭ waje magəje lə sí meḛ sí’g ləma, seḭ ilaje məs ləm tɔ. Ŋga see ɓee lé a to ka̰ sí ya wa.

Ejekel 44:15

Nɛ njékinjanéməsje gə́ to ginka’g lə Ləbi gə́ gel bɔ’g lə Sadɔk gə́ ra kula mee kəi’g lə neḛ gə́ to gə kəmee loo gə́ Israɛlje ndəm d’aw əw sə neḛ lé deḛ neelé ɓa d’a rəm pər gə́ rɔ neḛ’g mba ra kula kar neḛ ləm, d’a kaar no̰ neḛ’g gə mba kun ubu nékinjanéməsje gə məs kar neḛ ləm tɔ, Mbaidɔmbaije gə́ Njesigənea̰ ɓa pa bèe.

Ejekel 44:7

Seḭ arje dəw-dɔ-ɓeeje gə́ meḛ dee tɔ kujita el ləm, deḛ lal kinja tamɔd dee ləm tɔ lé d’andə mee kəi’g lə neḛ gə́ to gə kəmee d’ila ndɔl dɔ’g, tɔɓəi seḭ unje muru lə neḛ gə ubu nékinjanéməsje gə məs to arje magəje lə sí lai gə́ mina̰ jɔmri-jɔmri ləm, seḭ gaŋgje ne kúla manrɔ lə neḛ ləm tɔ.

Ləbije 10:15

D’a ree gə ubeeje gə́ ka̰ roo na̰’d gə biŋgee gə́ ra nduree ləm, gə kaaree gə́ ra nduree no̰ Njesigənea̰’g mba kundá gə kəmee ləm tɔ, d’a to mbata ləi-i gə ŋganije səi na̰’d gə goo godndu gə́ to gə no̰ to gə́ Njesigənea̰ un ne ndia dɔ’g lé.

Ləbije 10:9

Loo gə́ seḭ a gə ka̰dje kəi-kubu-kiŋga-na̰’g ndá i gə ŋganije na̰’d lé seḭ a kaije mán-nduú gə́ mḭ el ləm, əsé nékai gə́ mḭ el ləm tɔ, nà seḭ a kwəije, yee neelé a to godndu gə́ a to gə no̰ mbata lə ŋgaka síje gə́ kédé-kédé

Ləbije 16:29

Yee gə́ nee ɓa to godndu gə́ to saar gə no̰ mbata lə sí: ndɔ dɔg lə naḭ gə́ njekɔm’g siri lé seḭ a saŋgje rɔ sí ləm, seḭ a raje kula kára kara el ləm tɔ, lé gə́ kojiɓee əsé dəw-dɔ-ɓee gə́ si mbuna sí’g kara a ra bèe ya.

Ləbije 16:34

Yee ɓa a to godndu gə́ a to saar gə no̰ mbata lə sí, gɔl kára mee ləb kára-kára’g lé d’a ra né mba kuga ne dɔ kaiya lə Israɛlje gə́ deḛ ra ya. Deḛ ra né gə́ Njesigənea̰ un ndia dɔ’g ar Moyis lé ya.

Ləbije 17:7

D’a kinja nékinjanéməsje lə dee kar ndilje gə́ yèr gə́ deḛ ndaji ne bàl bya̰je gə mba to ne kaiya dəwje el ŋga. Yee ɓa a to godndu gə́ a to saar-saar gə no̰ mbata lə dee ləm, gə mbata lə ŋgaka deeje ləm tɔ.

Ləbije 19:26

Seḭ a sɔje da kára kara gə məsee na̰’d el. Seḭ a toje njénékooje el ləm, a toje njéndo̰-ərje gə mba koo ne né gə́ a gə teḛ dɔ sí’g el ləm tɔ.

Ləbije 23:14

Seḭ a ko̰je muru el ləm, a sɔje dɔ kó gə́ yɔlé əsé yee gə́ ndao el ləm tɔ saar ndɔ gə́ seḭ a kunje nékarje lə sí kar Ala ɓa. Yee ɓa to godndu gə́ a to gə no̰ mbata lə ŋgaka síje mee loo gə́ rara-rara gə́ seḭ a síje keneŋ lé ya.

Ləbije 23:21

Mee ndəa gən lé ya, seḭ a kilaje mbər naḭ neelé ndá seḭ a mbo̰je dɔ na̰ kwamje meḛ sí’g: seḭ a raje kula gə́ seḭ aw raje ta-ta lé el. Yee ɓa to godndu gə́ to gə no̰ mbata lə ŋgaka síje mee looje lai gə́ seḭ a síje keneŋ lé.

Ləbije 24:3

Aaro̰ a kunda kag pərndɔje lé gir kubu gaŋg mee kəi gə́ to no̰ sa̰duk-kɔrgoota mee kəi-kubu-kiŋga-na̰’g lé, ndá yeḛ a kɔm ubee keneŋ mba kar pəree ndogó ne ta-ta, un kudee loondul’g saar kar loo àr ne no̰ Njesigənea̰’g. Yee ɓa to godndu gə́ to gə no̰ mbata lə ŋgaka síje ya.

Ləbije 24:9

Mbəje neelé a to ka̰ Aaro̰ gə ka̰ ŋganeeje ndá d’a sɔ mee loo gə́ to gə kəmee’g, mbata a to né gə́ to gə kəmee doi mbata lə dee, a to ges nékar gə́ ka̰ roo no̰ Njesigənea̰’g. Yee ɓa to godndu gə́ to gə no̰ ya.

Ləbije 3:16

Njekinjanéməs lé a roo néje neelé loo-nékinjaməs’g. Ubeeje lai to gə́ nésɔ gə́ to nékinjaməs gə́ ka̰ roo gə́ baḭyee ə̰də lel Njesigənea̰ ya.

Ləbije 4:1

Njesigənea̰ ula Moyis pana:

Ləbije 6:15

Njekinjanéməs gə́ mbuna ŋgalə Aaro̰’d gə́ d’a gə tər ubu dəa’g gə mba karee taa toree lé yeḛ nja kara a ree gə nékar neelé togə́bè ya tɔ. Yee ɓa to godndu gə́ to gə no̰, no̰ Njesigənea̰’g: d’a roo bura ya.

Ləbije 6:18

Ula Aaro̰ gə ŋganeeje pana: Aa ooje, godndu gə́ wɔji dɔ nékinjaməs gə́ ka̰ kiŋga meekoso lemsé lé ɓa to nee: Loo gə́ d’inja gwɔb nékinjaməs gə́ ka̰ roo keneŋ lé lée neelé ɓa d’a kinja gwɔb nékinjaməs gə́ ka̰ kiŋga meekoso lemsé no̰ Njesigənea̰’g keneŋ bèe ya to: to né gə́ to gə kəmee doi ya.

Ləbije 6:22

Diŋgamje gə́ to njékinjanéməsje ya ba ɓa d’a sɔ né neelé, to né gə́ to gə kəmee doi ya.

Ləbije 7:23

Ula Israɛlje pana: Seḭ a sɔje ubu maŋg əsé ubu ŋgon badə əsé ubu ko̰ bya̰ el.

Ləbije 7:34

Mbata mbuna nékinjaməs gə́ ka̰ kɔm na̰’d gə́ Israɛlje d’a gə kinja lé ma nja m’un ndum mba kar kaar daje gə́ d’ula gə́ yo gə́ nee ləm, gə biŋgee gə́ deḛ d’ula ndiŋ gə́ tar ləm tɔ lé d’a to ka̰ Aaro̰ gə́ to njekinjanéməs gə ŋganeeje gə goo godndu gə́ to gə no̰ gə́ Israɛlje d’a ra lé ya.

Ləbije 7:36

Yee gə́ bèe ɓa to né gə́ Njesigənea̰ un ndia ar Israɛlje mba kar dee d’ar dee, un kudee mee ndəa gə́ d’wa dɔ dee gə ubu lé, a to godndu gə́ a to gə no̰ mbuna ŋgaka deeje’d gə́ kédé-kédé ya.

Bula lə Israɛlje 19:21

Yee ɓa a to godndu gə́ a to mbata lə dee gə no̰ ya. Yeḛ gə́ a saga mán kɔr won rɔ lé a togo kubuje ləa ləm, yeḛ gə́ a kɔrɔ rɔ mán kɔr won rɔ lé kara rəa a mina̰ saar kar kàr andə ləm tɔ.

Matiyo 16:24

Yen ŋga Jeju ula njékwakiláje pana: Nana ɓa gə́ ndigi kaw goom’g ndá maji karee ya̰ rəa yag ləm, a kun kag-dəs ləa-yeḛ nja kodo ləm tɔ ɓa a kaw ne goom’g ɓəi.

Matiyo 26:28

mbata yee neelé to məsm, yee to məs manrɔ gə́ ula dɔ naŋg nee mbata lə dəwje bula-bula gə nékoga kaiyaje tɔ.

Néra Njékaḭkulaje 15:29

Né gə́ kəm ra gə́ j’ula sí lé ɓa nee: Ɔgje rɔ sí dɔ da gə́ deḛ pole ne magəje ləm, gə dɔ məs’g ləm, gə dɔ nékulje gə́ mbiri gwɔs dee’g ləma, gə dɔ mɔdkaiya’g ləm tɔ. Néje neelé ɓa maji kar sí ɔgje rɔ sí dɔ’g ya. J’ɔm sí ji Ala’g.

Njé gə́ Epesə 1:7

Mbɔl dɔ məsee-yeḛ nja ɓa jeḛ j’iŋga ne nékoga dɔ sí gə́ ɔr kaiya dɔ sí’g gə goo boo-noji ləa

Njé gə́ Epesə 5:26

Man ləm, gə kankəmta ləm tɔ lé ɓa yeḛ ɔr ne won kaiya rəa’g unda ne gə kəmee

Tel tura Godndu 12:16

Nɛ né kára ba lé seḭ a sɔje məs el: seḭ a kɔmeje naŋg to gə́ mán bèe ya.

Tel tura Godndu 12:23

Nɛ né kára ba lé ɔgje rɔ sí dɔ sɔ məsee’g mbata məs lé to kəmee lə né ndá seḭ a sɔje dakasee gə kəmə ləa na̰’d el tɔ.

Tel tura Godndu 12:24

Seḭ a sɔje məsee el: seḭ a kɔmeje naŋg to gə́ mán bèe.

Tel tura Godndu 15:23

Né kára ba lé məsee ɓa seḭ a sɔje el, seḭ a kɔmeje naŋg to gə́ mán bèe ya tɔ.

Tel tura Godndu 32:14

Gə ubu mbà-maŋgje gə mbà-badje Na̰’d gə ubu ŋgan badje, Gə ka̰ bàl badje gə́ Basan Gə bàl bya̰je ləm tɔ, Yeḛ ar dee gum kó gə́ maji dum lé tɔ. Tɔɓəi seḭ aije mán-nduú gə́ mḭ Gə́ to asəna gə məs bèe.

1 Timote 4:4

Tɔgərɔ ya, néje lai gə́ Ala unda dee lé to néje gə́ maji ya. Né gə́ rara gə́ i oo loo mba ra Ala oiyo dɔ’g ndá maji kunda né neelé ɓad el,