Ləbije 3:16 - Maktub gə́ To gə Kəmee

¹⁶ Njekinjanéməs lé a roo néje neelé loo-nékinjaməs’g. Ubeeje lai to gə́ nésɔ gə́ to nékinjaməs gə́ ka̰ roo gə́ baḭyee ə̰də lel Njesigənea̰ ya.

Ləbije 3:16 Iomraidhean Croise

Gḭ-Néje 4:4

Abel kara ree gə ŋgandər nékulje gə́ mbuna nékulje’g ləa gə ubu dee tɔ. Abel gə nékarnoji ləa taa kəm Njesigənea̰ rəgm.

2 Sôrta Gḭka Israɛlje 29:35

Nékinjaməsje gə́ raŋg gə́ ka̰ roo lé to yaa̰ gə ubu nékinjanéməsje gə́ ka̰ kɔm na̰’d ləm, gə néje gə́ ka̰ tər naŋg gə́ wɔji dɔ nékinjanéməsje gə́ ka̰ roo ləm tɔ. Bèe ɓa deḛ tel gɔl ne kulaje mee kəi’g lə Njesigənea̰ lé gogo.

2 Sôrta Gḭka Israɛlje 7:7

Loo gə́ to dana bab gə́ wɔji dɔ gadloo gə́ to no̰ kəi’g lə Njesigənea̰ lé Salomo̰ unda gə kəmee, mbata lé gə́ neelé yeḛ roo nékinjaməs gə́ ka̰ roo ləm, gə ubu nékinjanéməsje gə́ wɔji dɔ kɔm na̰’d ləm tɔ lé keneŋ mbata loo-nékinjaməs gə́ ra gə larkas gə́ Salomo̰ ra lé as mba roo nékinjanéməsje gə́ ka̰ roo gə nékinjanéməsje gə́ to nduji gə́ ndá léréré, gə ubu néje lé dɔ’g el.

Teḛ-Raga 29:13

I a tusu ubeeje lai gə́ dolè dɔ ŋgan siḭyeje ləm, gə wur ndulee ləm, gə ɓɔlɔlɔ-duneeje gə́ joo ləma, gə ubeeje gə́ dolè dɔ dee ləm tɔ ndá, a roo néje neelé lai dɔ loo-nékinjaməs’g.

Teḛ-Raga 29:22

I a kodo ubu bàl badə neelé ləm, gə ɓo̰gee ləm, gə ubee gə́ dolè dɔ ŋgan siḭyeje ləm, gə wur ndulee ləm, gə ɓɔlɔlɔ-duneeje gə́ joo gə ubee gə́ dolè dɔ dee’g ləma, gə biŋgee gə́ dɔkɔl ləm tɔ mbata to bàl badə gə́ ka̰ kɔr dee kunda dee ne gə kəmee.

Esai 53:10

Mee Njesigənea̰ ndigi Mba kar dee d’ula kəmee ndòo, Loo gə́ yeḛ a kya̰ rəa Gə́ nékinjaməs gə mbata lə kaiya Ndá yeḛ a koo ŋgakeaje ləm, Ləbje ləa d’a kḭ dɔ maree’d gə́ kédé-kédé ləm tɔ, Né gə́ mee Njesigənea̰ ndigi lé Yeḛ a karee aw lée’g béréré ya.

Ejekel 44:15

Nɛ njékinjanéməsje gə́ to ginka’g lə Ləbi gə́ gel bɔ’g lə Sadɔk gə́ ra kula mee kəi’g lə neḛ gə́ to gə kəmee loo gə́ Israɛlje ndəm d’aw əw sə neḛ lé deḛ neelé ɓa d’a rəm pər gə́ rɔ neḛ’g mba ra kula kar neḛ ləm, d’a kaar no̰ neḛ’g gə mba kun ubu nékinjanéməsje gə məs kar neḛ ləm tɔ, Mbaidɔmbaije gə́ Njesigənea̰ ɓa pa bèe.

Ləbije 17:6

Njekinjanéməs a kɔm məs daje dɔ loo-nékinjaməs’g lə Njesigənea̰ gə́ to mbɔr tarəw kəi-kubu-kiŋga-na̰’g, yeḛ a roo ubee ndá baḭyee a kə̰d lel Njesigənea̰ tɔ.

Ləbije 4:26

Yeḛ a roo ubeeje lai loo-nékinjaməs’g to gə́ deḛ ra gə ubu nékinjaməs gə́ ka̰ kɔm na̰’d lé bèe ya. Yee gə́ bèe ɓa njekinjanéməs lé a ra mbata lə mbai neelé mba kuga ne dɔ kaiya ləa ndá yeḛ a kiŋga ne meekoso lemsé lé ya tɔ.

Ləbije 4:31

Njekinjanéməs a kɔr ubeeje lai to gə́ d’ɔr ne ubu nékinjaməs gə́ ka̰ kɔm na̰’d bèe lé tɔ ndá yeḛ a roo loo-nékinjaməs’g, bèe ɓa a to ne né gə́ baḭyee ə̰də lel Njesigənea̰ ɓəi. Yee gə́ bèe ɓa njekinjanéməs a ra mbata lə dəw neelé mba kuga ne dɔ kaiya ləa ndá yeḛ a kiŋga ne meekoso lemsé lé ya tɔ.

Ləbije 8:25

Yeḛ odo ubee, gə ɓo̰gee, gə ubeeje lai gə́ dolè dɔ ŋgan siḭyeje’g, gə dəb wurndulee gə́ boi, gə ɓɔlɔlɔ-duneeje gə́ joo gə ubu dee, gə biŋgee gə́ dɔkɔl tɔ,

Ləbije 9:24

Pər ḭ no̰ Njesigənea̰’g ndá roo nékinjaməs gə́ ka̰ roo gə ubuje gə́ to loo-nékinjaməs’g lé. Koso-dəwje lai d’oo ndá deḛ ra né u-u-u gə rɔlel tɔɓəi deḛ d’oso rəb dəb kəm dee naŋg tɔ.

Matiyo 22:37

Jeju ilá keneŋ pana: Mbaidɔmbaije Ala ləi lé i a kundá dan kəmi’g ndigee dɔɓəŋgəri’g ləm, gə ŋgaw məəi bura ləma, gə takə̰ji ləi bura ləm tɔ.