Ləbije 3:12 - Maktub gə́ To gə Kəmee

¹² Ɓó lé nékinjaməs ləa to gə́ ko̰ bya̰ ndá yeḛ a ree ne no̰ Njesigənea̰’g ya.

Ləbije 3:12 Iomraidhean Croise

Esai 53:2

Yeḛ ra tɔg nea̰’g to gə́ ŋgon kag gə́ reao̰ ba ləm, Asəna gə barkəm kag gə́ uba dɔ naŋg gə́ tudu kurum-kurum’g ləm tɔ. Yeḛ ra kura el ləm, Panjaa ləa kara askəm kar kəm sí mbo̰ sɔmɔmo̰ dəa’g el ləma, Rɔndɔḭ ləa as taa kəm sí rəgm el ləm tɔ.

Esai 53:6

Jeḛ lai n’to j’asjena gə badje Gə́ ndəm d’ila rima-rima, Nana kara un rəw gə́ mée wɔji, Nɛ Njesigənea̰ odo néra kori-korije lə sí lai ɔm dəa’g.

Ləbije 1:10

Ɓó lé nékinjaməs ləa to gə́ nékul gə́ lam bèe gə́ to ŋgon badə əsé ŋgon bya̰ gə́ ka̰ roo lé ndá maji karee wa bàlee gə́ rəa mina̰ el ɓa.

Ləbije 1:2

Maji kari ula Israɛlje pana: Loo gə́ dəw kára mbuna sí’g a gə ree gə nékinjaməs kar Njesigənea̰ ndá lé to gə́ nékul gə́ mbuna daje gə́ boi-boi’g əsé yee gə́ mbuna daje gə́ lam-lam’g bèe kara yeḛ a kwa ree ne ya.

Ləbije 1:6

Yeḛ a kɔr ndar da-kul gə́ ka̰ roo neelé ndá a gaŋgee dana ɗuguru-ɗuguru ya.

Ləbije 10:16

Moyis saŋg bàl bya̰ gə́ wɔji dɔ kuga dɔ kaiya lé ndá, aa oo, deḛ rée mba̰ ya. Togə́bè ɓa mee ḭ səa pu dɔ Eləajar’g gə Itamar’g to ŋgalə Aaro̰je gə́ nai lé aree pana:

Ləbije 3:1

Loo gə́ dəw a gə kun nékinjaməs gə́ ka̰ kɔm na̰’d gə Njesigənea̰ ndá ɓó lé yeḛ a kwa da-kul gə́ boi, lé to gə́ bɔ maŋg əsé ko̰ maŋg kara yeḛ a kwa yee gə́ rəa mina̰ el ɓa a kaw ne no̰ Njesigənea̰’g ɓəi.

Ləbije 9:15

Gée gə́ gogo yeḛ aw gə nékinjaməs gə́ to ka̰ koso-dəwje lé. Yeḛ wa bàl bya̰ gə́ to nékinjaməs gə́ ka̰ kuga kaiya lə koso-dəwje ndá yeḛ inja gwɔbee gə́ nékinjaməs gə́ wɔji dɔ ka̰ kaiya to gə́ yeḛ ra ne gə njé gə́ kédé lé tɔ.

Ləbije 9:3

I a kula Israɛlje pana: Maji kar sí waje bàl bya̰ gə́ nékinjaməs gə́ wɔji dɔ kuga dɔ kaiya ləm, gə ŋgon maŋg kára ləm gə ŋgon badə kára ləm tɔ, dee gə́ ra ləb dee kára-kára ba gə́ rɔ dee mina̰ el lé gə́ nékinjaməs gə́ ka̰ roo ləm,

Bula lə Israɛlje 15:6

Mbata lə bàl badə lé d’a ree gə nékar gə́ to nduji gə́ ndá léréré as nékwɔji kwɔi-lə-né misa̰ gə́ podé gə ubu as litər joo ləm,

Njé gə́ Rɔmə 8:3

Né gə́ dum godndu lé mbata darɔ dəw ɓa as ra torndia el lé Ala nja ra ar ta wa ne dɔ kaiya lə darɔ loo gə́ yeḛ ula ne Ŋgonee gə́ gəd-gəd gə́ to tana gə darɔ síjeḛ njékaiyaje mba kɔr ne ta kaiya meḛ dəwje’g ləm,

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.