Ləbije 27:26 - Maktub gə́ To gə Kəmee

²⁶ Ŋgondər nékul lé dəw kára kara a kaskəm kwá kundá gə kəmee el ŋga mbata to ka̰ Njesigənea̰ gə goo to gə́ yee to gə́ ŋgondər lé ya, lé to gə́ maŋg əsé badə kara to ka̰ Njesigənea̰ ya mba̰.

Ləbije 27:26 Iomraidhean Croise

2 Mbaije 7:5

Deḛ d’ḭ gə loo gə́ to piro-piro d’aw loo-si njérɔje gə́ Siri, nɛ loo gə́ deḛ teḛ loo-si njérɔje gə́ Siri mba̰ ndá aa oo, dəw kára kara godo keneŋ.

Nehemi 10:36

Gə ləbje kára-kára lai lé jeḛ j’wɔjije mba kaw gə dɔ koje lə sí gə́ dɔtar gə́ j’iŋgaje dɔ naŋg’d lə sí ləm, gə kandə kagje gə́ doŋgɔr lai ləm tɔ mee kəi’g lə Njesigənea̰.

Teḛ-Raga 13:2

Ŋgandərje gə́ rara gə́ d’oji dee mbuna Israɛlje’g lé seḭ a kunda deeje gə kəmee kamje, lé to ŋgandər dəwje əsé ŋgandər daje kara ləm tɔ.

Teḛ-Raga 22:30

Seḭ a toje dəwje ləm gə́ toje gə kəmee doi. Seḭ a sɔje dakas da gə́ maree wa tiee mbidi-mbidi el, seḭ a kɔmje kɔrɔ karje bisije ɓa tɔ.

Ləbije 27:27

Ɓó lé wɔji dɔ da gə́ mina̰ ndá d’a kuga dəa gə goo lar gə́ d’wɔji tɔɓəi d’a kila lar dɔ maree’g as gadee gə́ kaiyee loo mi ɓa d’un təa kára d’ar bèe, ɓó lé d’uga dəa el ndá d’a rabee ndogee gə goo laree gə́ d’wɔji lé tɔ.

Bula lə Israɛlje 18:17

Nɛ i a kar dee d’uga dɔ ŋgondər maŋg əsé ŋgondər badə əsé ŋgondər bya̰ el: dee to néje gə́ to gə kəmee. I a saga məs dee dɔ loo-nékinjaməs’g ləm, i a roo ubu dee ləm tɔ: yee ɓa a to nékinjaməs gə́ roo gə́ baḭyee ə̰də lel Njesigənea̰ ya.

Bula lə Israɛlje 3:13

Mbata ŋgondər gə́ rara kara to kama ya doŋgɔ doi, mee ndəa gə́ m’unda ne ŋgandərje lai mee ɓee gə́ Ejiptə lé ma m’ɔr ŋgandər Israɛlje lai m’unda dee gə kəmee gə́ kamaje ya doŋgɔ doi, ŋgandər dəwje lai, gə ŋgandər daje ləm tɔ: d’a to kamaje ya doŋgɔ doi. Ma m’to Njesigənea̰.

Tel tura Godndu 15:19

Ŋgandər nékulje lə sí lai gə́ to bàlje gə́ d’oji dee mbuna nékulje’g lə sí gə́ boi-boi əsé gə́ lam-lam lé seḭ a kunda deeje gə kəmee karje Ala lə sí gə́ Njesigənea̰. Ŋgondər maŋg lə sí lé seḭ a raje ne kula el ləm, seḭ a kinjaje bḭ ŋgondər badə lə sí el ləm tɔ.