Ləbije 27:21 - Maktub gə́ To gə Kəmee

²¹ Loo gə́ njendogee a kɔr rəa keneŋ kya̰ mee ləb Jubile’g ndá ndɔ neelé a to gə kəmee kar Njesigənea̰ asəna gə ndɔ gə́ deḛ d’un ndu dee dɔ’g gə no̰ bèe. Bèe ɓa yee a tel to gə́ ka̰ njekinjanéməs lé ya.

Ləbije 27:21 Iomraidhean Croise

Esdras 10:8

tɔɓəi gə goo ndukun lə ŋgan-mbaije gə ŋgatɔgje lé nana ɓa gə́ teḛ keneŋ mee ndɔ gə́ munda’g lé el ndá d’a taa néje ləa mbad ləm, yeḛ nja kara d’a kɔgee loo-siée loo-kwa-dɔ-na̰’g lə deḛ gə́ d’ḭ ɓee-ɓər’g tel ree lé ləm tɔ.

Ejekel 44:29

D’a kul rɔ dee gə nékarje gə nékinjanéməsje gə́ ka̰ kuga dɔ kaiya ləm, gə ka̰ kalta ləm tɔ, tɔɓəi néje lai gə́ deḛ d’unda gə kəmee mbata lə neḛ mee ɓee gə́ Israɛl ndá a to mbata lə dee-deḛ ya.

Ləbije 25:10

Seḭ a kɔrje ləb gə́ njekɔm’g rɔ-mi kṵdáje gə kəmee ləm, seḭ a kilaje mbər kɔr ɓər dɔ dəwje’g lai gə́ d’isi mee ɓee’g neelé ləm tɔ: a to ləb gə́ ɓaree Jubile mbata lə sí, nana kara mbuna sí’g a tel kaw dɔ nduba’g ləa ləm, nana kara mbuna sí’g a tel dan njémeekəije’g ləa ləm tɔ.

Ləbije 25:28

Ɓó lé yeḛ iŋga ges laree gə́ nai mba kar debee gə́ yeḛ tona lar lé el ndá né gə́ yeḛ tona ne lar lé a nai ji njetona’g saar ləb Jubile ya, ləb Jubile ɓa yeḛ a tel kaw dɔ naŋg’d ləa ndá njetona né kara a teḛ keneŋ kya̰ kar njea tɔ.

Ləbije 25:31

Kəije gə́ to mee ŋgan-ɓeeje gə́ ndògo-bɔrɔ godo keneŋ lé d’a koo dee asəna gə dɔ naŋgje bèe, d’a kaskəm kuga dɔ dee ndá yeḛ gə́ ar dee lar lé a teḛ keneŋ kya̰ kar njeaje mee ləb Jubile’g tɔ.

Ləbije 27:20

Ɓó lé yeḛ tel uga dɔ ndɔ lé el ɓa ar dəw gə́ raŋg ndogo ndá yeḛ a kaskəm tel kuga dəa gogo el ŋga.

Ləbije 27:22

Ɓó lé dəw kára wa ndɔ ləa gə́ yeḛ ndogo gə́ ndogo gə́ to nénduba ləa el ɓa unda gə kəmee ar Njesigənea̰ ndá

Bula lə Israɛlje 18:14

Né gə́ rara gə́ mee ɓee gə́ Israɛl gə́ deḛ manrɔ dee dɔ’g mba kundá gə kəmee kar Njesigənea̰ lé a to kaḭ.

Tel tura Godndu 13:17

Seḭ a mbo̰je nébanrɔje lai ndaa-loo’g ndá seḭ a rooje ɓee-boo neelé dula-dula gə nébanrɔje lai gə́ to keneŋ no̰ Njesigənea̰ Ala’g lə sí: yee a tel to nduba ya piu-piu gə no̰ ɓó d’a tel kundá gogo nda̰ el.

Jujé 6:17

Ɓee-boo neelé gə néje lai gə́ to keneŋ lé seḭ a tuji deeje pugudu-pugudu gə goo ndukun lə Njesigənea̰. Nɛ Rahab gə́ to kaiya-dené gə deḛ lai gə́ d’isi səa mee kəi’g na̰’d lé seḭ a kya̰ deeje kəmba mbata yeḛ iya njétənlooje gə́ jeḛ j’ula dee lé tɔ.