Ləbije 27:2 - Maktub gə́ To gə Kəmee

² Ula ŋgan Israɛlje togə́bè pana: Ɓó lé dəw un ndia mba kunda dəw gə kəmee kar Njesigənea̰ ndá debee neelé a to ka̰ Njesigənea̰ gə goo kwɔji gə́ d’a kwɔji gadee lé ɓa.

Ləbije 27:2 Iomraidhean Croise

2 Mbaije 12:5

Joas ula njékinjanéməsje pana: Larje lai gə́ d’unda gə kəmee d’odo ree ne kəi lə Njesigənea̰ gə́ to lar kuga dɔ dəwje gə goo kwɔji gə́ d’wɔji mee ndəa’g neelé ləm, gə larje lai gə́ dəwje d’ḭ ne gə meḛ dee ree ne mee kəi’g lə Njesigənea̰ ləm tɔ lé

Njekillamber 5:3

Loo gə́ i un ndui ar Ala ndá Gə́ tila gə́ tila dɔ karee aw lée’g béréré el Mbata yeḛ ndigi ta lə mbəje el. Maji kari tɔl ta ndukun ləi gə́ un lé bém ya.

Ləbije 27:1

Njesigənea̰ ula Moyis pana:

Bula lə Israɛlje 21:2

Yen ŋga Israɛlje manrɔ dee d’ar Njesigənea̰ pana: Ɓó lé i ɔm dəwje neelé ji sí’g ndá j’a tuji ɓee-boo lə dee pugudu-pugudu ya.

Bula lə Israɛlje 30:3

Loo gə́ dəw a gə kun ndia kar Njesigənea̰, əsé a man rəa kɔm ne na̰’d gə maree gə mba ra née ndá yeḛ a kuba goo tapea lé kya̰ el, nɛ yeḛ a ra néje lai gə goo ta gə́ teḛ təa’g lé ya.

Bula lə Israɛlje 6:2

Ula Israɛlje ta ndá i a kula dee pana: Loo gə́ diŋgam əsé dené a kɔr rəa mbuna mareeje’g mba kun ndukun gə́ ɓaree najirea gə mba kunda ne rəa gə kəmee kar Njesigənea̰ lé ndá

Tel tura Godndu 23:24

Nɛ ta né gə́ teḛ ta sí-seḭ’g lé seḭ a kaaje dəa kər-kər gə goo ndukun gə́ seḭ ḭje gə meḛ sí unje arje Ala lə sí gə́ Njesigənea̰ lé gə mba ra née karee aw lée’g béréré gə goo taree gə́ seḭ paje lé ya.

Njéga̰g-Rəwtaje 11:39

Loo gə́ rudu naḭ gə́ joo lé un ɗiao mba̰ ndá yeḛ ree rɔ bɔbeeje’g tɔɓəi yeḛ ar ndukun lé aw lée’g béréré dəa’g ya. Yeḛ gər diŋgam el. Un kudee mee ndəa gən lé ndá yee neelé tel to néjiɓee lə Israɛlje ya,

1 Samel 1:11

Yeḛ man rəa ar Njesigənea̰ pana: Njesigənea̰ gə́ njeboo-néje, ɓó lé i ndigi ndá oo kəmtondoo lə kura ləi gə́ dené ləm, ɓó lé i ar məəi olé dɔm’g ɓó ar məəi wəi dɔ ŋgonjelookisi’g ləi gə́ dené el ləma, ɓó lé i ar ŋgonjelookisi ləi ŋgon gə́ diŋgam ləm tɔ ndá m’a kundá gə kəmee kar Njesigənea̰ saar yeḛ a kwəi ne. Yiŋga kara a kinja yiŋga dəa bur el ləm tɔ.

1 Samel 1:28

Togə́bè ɓa ma m’ndigi kya̰ ŋgon neelé kar Njesigənea̰ ya. Yeḛ a to ka̰ Njesigənea̰ ya saar a kwəi ne. Yen ŋga deḛ d’unda barmba no̰ Njesigənea̰’g tɔ.