Ləbije 26:9 - Maktub gə́ To gə Kəmee

⁹ M’a ra sə sí meemaji kar sí ojije ŋganje bula ləm, kar bula lə sí ḭ ne dɔ maree’g gə́ kédé-kédé ləma, m’a kar manrɔ ləm tɔ njaŋg gə mbata lə sí ləm tɔ.

Ləbije 26:9 Iomraidhean Croise

Gḭ-Néje 1:28

Ala tɔr ndia dɔ dee’g, ndá yeḛ ula dee pana: Maji kar sí ojije na̰ budu-budu ləm, ɔsje goo na̰ gə́ kédé-kédé ləm, rusuje naŋg nee njḭ-njḭ ləma, dumje dɔ naŋg nee ləm tɔ. Maji kar sí dumje dɔ ka̰jije gə́ mee baa-boo-kad’g ləm, gə dɔ yelje gə́ d’aw pə̰ dara’g ləma, gə dɔ daje lai gə́ d’aw dɔ naŋg nee ləm tɔ.

Gḭ-Néje 17:20

Ta ləi gə́ wɔji dɔ Ismael kara ma m’oo ya. Aa oo, m’a tɔr ndum dəa’g karee oji ŋganje bula ləm, m’a kar dee d’ɔs goo na̰ goo na̰ saar-saar ləm tɔ, yeḛ a to bɔ ŋgalə mbaije dɔg-gir-dee-joo ndá m’a karee to ginkoji dəwje gə́ boo ya tɔ.

Gḭ-Néje 22:17

ndá m’a tɔr ndum dɔi’g ləm, m’a kar ŋgakaije d’ɔs goo na̰ gə́ kédé-kédé kar dee bula d’asəna gə kéréméje gə́ dara ləm, gə d’asəna gə nagəra gə́ to ta baa-boo-kad’g ləm tɔ. Tɔɓəi ŋgakaije lé d’a taa tarəwkɔg lə njéba̰je lə dee gə́ né ka̰ dee-deḛ ya.

Gḭ-Néje 26:4

M’a kar ŋgakaije d’ɔs goo na̰ gə́ kédé-kédé bula d’asəna gə kéréméje gə́ dara. Dɔ naŋg ɓeeje lai neelé m’a kar ŋgakaije ya. Ginkoji dəwje gə raŋg lai dɔ naŋg nee d’a kiŋga ne dɔkaisəgərə rɔ ŋgakaije’g ya tɔ.

Gḭ-Néje 28:14

Ŋgakaije lé d’a bula kasəna gə nduji naŋg. D’a taa loo par gə́ dɔ-gó gə bər ləm, par gə́ dɔgel gə dɔkɔl ləm tɔ ndá ginkoji dəwje gə raŋg lai gə́ dɔ naŋg nee d’a kiŋga dɔkaisəgərə rɔi’g gə rɔ ŋgakaije’g ya.

Gḭ-Néje 28:3

Maji kar Ala gə́ Bao-siŋgamoŋ lé tɔr ndia dɔi’g ari oji ŋganje bula ləm, ar dee d’ɔs goo na̰ gə́ kédé-kédé kari tel to ne ginkoji dəwje gə raŋg bula ləm tɔ!

Gḭ-Néje 48:4

Yeḛ ulam pana: Aa oo, m’a kari oji ŋganje bula ləm, d’a kɔs goo na̰ goo na̰ ləma, m’a teli gə́ gin koso-dəwje bula ləm tɔ. M’a kar dɔ naŋg neelé to ka̰ ŋgakaije gə́ gooi’g mba karee to ka̰ dee-deḛ ya saar gə no̰.

Gḭ-Néje 6:18

Nɛ ma man rɔm m’ari ya. I seḭ gə ŋganije gə́ diŋgam gə dené ləi gə denéje lə ŋganije gə́ diŋgam lé a ka̰dje mee kəi-kag’d neelé na̰’d ya.

1 Mbaije 3:8

Kura ləi si mbuna koso-dəwje’g ləi gə́ i mbər dee, to koso-dəwje gə́ taa loo pəl-pəl, gə́ dəw askəm tura dee əsé koo bula lə dee el mbata bula lə dee gə́ al dɔ loo sula lé tɔ.

2 Mbaije 13:23

Nɛ Njesigənea̰ oo kəmtondoo lə dee ar mée oso lemsé dɔ dee’g ləm, yeḛ tel kəmee par gə́ rɔ dee’g ləm tɔ mbata manrɔ ləa gə́ yeḛ man ar Abrakam gə Isaak gə Jakob lé, yee ɓa yeḛ ndigi tuji dee ne el ndá saar mee ndəa gən lé kara yeḛ un ne kəmee rəw dɔ dee’g el.

Nehemi 2:20

Bèe ɓa m’tel gə ta nee m’ila dee keneŋ m’pana: Ala gə́ to Mbai dɔ dara lé a kar sí n’teḛje kɔr ya. Jeḛ gə́ n’toje kuraje ləa j’a kḭje gə mba kunda ndògo-bɔrɔ lé. Nɛ seḭ lé dəb loo ka̰ sí əsé né gə́ wɔji dɔ sí əsé nékolé-mee gə́ ka̰ sí godo mee ɓee gə́ Jerusalem lé tɔ.

Nehemi 9:23

I ar bula lə ŋgan deeje ḭ dɔ maree’d gə́ kédé-kédé To gə́ kéréméje gə́ dara bèe ləm, I ar dee d’andə mee ɓee Gə́ i un ndui ar bɔ deeje-je mba kar dee taa Gə́ né ka̰ dee-deḛ lé ləm tɔ.

Pakɔsje 107:38

Yeḛ tɔr ndia dɔ dee’g ar dee bula ne digi-digi ləm, Nékulje lə dee lé yeḛ ar bula lə dee rəm gogo el ləm tɔ.

Pakɔsje 89:3

Mbata ma m’pana: Meemaji lé ŋgira siŋ naŋg siŋ-siŋ, I ar meenda londoŋ ləi to njaŋg mee dara’g.

Teḛ-Raga 1:7

Israɛlje lé d’oji na̰ gə́ kédé-kédé ləm deḛ bula digi-digi ləm siŋga dee kara ḭ dɔ maree’d gə́ kédé-kédé ləm tɔ. Deḛ taa loo mee ɓee’g neelé pəl-pəl.

Teḛ-Raga 2:25

Ala ila kəmee dɔ Israɛlje’g tɔɓəi yeḛ oo kəm dee loo tondoo’g tɔ.

Teḛ-Raga 6:4

Ma lé ma man rɔm m’ar dee gə mba kar dee ɓee gə́ Kana̰ gə́ to ɓee mbá lə dee gə́ deḛ d’isi keneŋ kédé lé gə́ né ka̰ dee-deḛ ya.

Esai 55:3

Urje mbi sí gèŋ, Ndá gə́ reeje rɔm’g, Ooje ta ndá A síje ne kəmba. M’a kun ndum kar sí Gə ndu manrɔ gə́ to gə no̰ Gə mba kar némeemaji gə́ m’ra gə Dabid lé To ne njaŋg.

Jeremi 23:3

M’a mbo̰ ges badje ləm dɔ na̰’d mee ɓeeje lai gə́ m’unda dee m’ɔm dee keneŋ lé ndá m’a tel ree sə dee loo-ko̰-mu’g lə dee gogo. Deḛ d’a koji na̰ bula digi-digi.

Jeremi 23:4

M’a kunda njékulbadje dɔ dee’g kar dee d’ul dee. Deḛ d’a ɓəl el ŋga ləm, d’a ndəb pəd-pəd el ŋga ləma, yeḛ gə́ kára kara a kigi el ləm tɔ. Njesigənea̰ ɓa pa bèe.

Jeremi 33:3

Ɓarm ndá m’a kilai keneŋ ndá m’a kulai boo-néje gə néje gə́ to loo-kiya’d gə́ i gər el lé.

Ejekel 16:62

N’a manrɔ neḛ kari ndá i a gər to gə́ neḛ n’to Njesigənea̰

Ejekel 36:9

Aa ooje, mee neḛ a to dɔ sí’g ləm, n’a tel rɔ neḛ gə́ rɔ sí’g ləm tɔ ndá seḭ a toje gə́ loo-ndɔje gə́ dubu néje keneŋ.

Ləbije 26:15

seḭ ə̰jije godndumje bəḭ-bəḭ ləma, seḭ ooje ndukunje ləm gə́ né gə́ ram kəm sí’g gə mba ra ne godndumje lai el ɓa gaŋgje ne kúla manrɔ ləm gə́ ma man ne rɔm m’ar sí lé ləm tɔ ndá

Lugu 1:72

Togə́bè ɓa yeḛ teggin némeekɔrjol ləa gə́ yeḛ ra ar ka síjeḛ lé ləm, Yeḛ ar mée olé dɔ manrɔ’g ləa gə́ to gə kəmee ləm tɔ.

Tel tura Godndu 28:11

Njesigənea̰ a daa sí gə némajije kar ŋgan meḛ síje, gə ŋgan meḛ nékulje lə sí, gə kandə néje gə́ dɔ naŋg’d lə sí d’ḭ dɔ maree’d gə́ kédé-kédé mee ɓee gə́ Njesigənea̰ man rəa ar bɔ síje-je gə mba kar sí lé.

Tel tura Godndu 28:4

Ŋgan meḛ síje ləm, gə kandə néje gə́ dɔ naŋg’d lə sí ləma, gə ŋgan meḛ koso-nékulje lə sí gə́ boi-boi gə njé gə́ lam-lam ləm tɔ lé néje nee lai lé ndutɔr a nai dɔ dee’g.

Tel tura Godndu 7:13

Yeḛ a kunda sí dan kəmee’g ləm, yeḛ a tɔr ndia dɔ sí’g ləma, a kar sí ɔsje goo na̰ gə́ kédé-kédé ləm tɔ, yeḛ a tɔr ndia dɔ ŋgan síje gə́ meḛ sí’g ləm, gə dɔ kandə néje gə́ dɔ naŋg’d lə sí: kó ləm, mán-nduú ləma, gə ubu ləm tɔ, a tɔr ndia dɔ nékulje’g lə sí gə́ lam-lam əsé gə́ boi-boi kar dee d’oji na̰ mee ɓee gə́ yeḛ man ne rəa ar bɔ síje-je gə mba kar sí lé tɔ.

Ǝbrəje 8:9

Manrɔ gə́ sigi lé a to kasəna gə yeḛ gə́ ləw gə́ ma man ne rɔm m’ar bɔ deeje el. To ndɔ gə́ m’wa ji dee wɔgədɔ m’ɔr dee Ejiptə’g m’teḛ sə dee Mbata deḛ d’ai meḛ dee sam-sam dɔ manrɔ’g ləm el, Bèe ɓa ma kara dɔm to̰ ne kəw el. Mbaidɔmbaije ɓa pa bèe.