Ləbije 26:8 - Maktub gə́ To gə Kəmee

⁸ Dəwje mi mbuna sí’g d’a korə njéba̰je lə sí gə́ tɔl ləm, deḛ gə́ tɔl mbuna sí’g d’a tuba deḛ gə́ tɔl-dɔg-loo-dɔg ləm tɔ ndá njéba̰je lə sí d’a kwəi yoo-kiambas no̰ sí’g ya.

Ləbije 26:8 Iomraidhean Croise

1 Sôrta Gḭka-Israɛlje 11:11

Aa ooje, deḛ gə́ to bao-rɔje gə́ d’ɔm gel Dabid’g lé ri dee ɓa nee: Jasobeam, ŋgolə Hakmoni to yeḛ gə́ kára mbuna ɓé-njérɔje gə́ boo-boo’g. Yeḛ un niŋga-ndəi ləa wa tar tɔl ne dəwje tɔl-munda (300) mee ndɔ-rɔ gə́ kára ba lé.

1 Sôrta Gḭka-Israɛlje 11:20

Abisai, ŋgoko̰ Joab lé to mbai dɔ deḛ gə́ yeḛ ɔm dee’g munda neelé. Yeḛ wa niŋga-ndəi ləa tar tɔl ne dəwje tɔl-munda (300) ndá ria ɓar ne mbuna deḛ gə́ munda’g neelé tɔ.

Este 9:16

Jibje gə́ raŋg gə́ d’isi dəb ɓeeko̰’g lə mbai lé mbo̰ dɔ na̰ gə mba kaḭ bada dɔ rɔ dee’g. Yee ɓa deḛ d’iŋga ne loo-kwa-rɔ dee. Loo gə́ deḛ taa rɔ dee ji njéba̰je’g lə dee ndá deḛ gə́ d’ə̰ji dee bəḭ-bəḭ lé tɔl dee as tɔl-dɔg-loo rɔ-siri giree-mi (75.000). Nɛ deḛ d’ula ji dee d’un ne né lə dee el.

Ləbije 26:7

Seḭ a tubaje njéba̰je lə sí kar dee d’wəi yoo-kiambas no̰ sí’g.

Jakari 12:8

Mee ndəa’g neelé Njesigənea̰ a kaḭ bada dɔ njé gə́ Jerusalem’g ndá njerəm gə́ dan dee’g mee ndəa’g neelé siŋgá a kasəna gə ka̰ Dabid bèe ləm, gel-bɔje lə Dabid d’a to kəm dee’g asəna gə Ala bèe ləma, d’a to kasəna gə kura lə Njesigənea̰ gə́ dara no̰ dee’g bèe ləm tɔ.

Bula lə Israɛlje 14:9

Nɛ maji kar sí ḭje ɔsje Njesigənea̰ rəw el ləm, ɓəlje dəwje gə́ mee ɓee’g neelé el ləm tɔ mbata d’a to naḭ dɔ muru lə sí ləm, né gə́ njetaa dɔ dee godo ləm tɔ: Njesigənea̰ nai sə sí ya ɓó ɓəl deeje el!

Bula lə Israɛlje 31:4

Seḭ a kulaje njérɔje tɔl-dɔg-dɔg (1.000) kwɔji ne dɔ ginkoji lə dee lə dee gə goo ginkojije lə Israɛlje lai ya.

Tel tura Godndu 28:7

Njesigənea̰ a kar sí unje baŋga dɔ njéba̰je’g lə sí gə́ d’a kḭ gə mba rɔ sə sí, d’a kunda loo teḛ gə rəw gə́ kára ba mba rɔ sə sí nɛ d’a kaḭ no̰ sí’g gə rəwje siri.

Tel tura Godndu 32:30

Ɓó lé yeḛ gə́ to mbal lə dee Uba dee ya̰ dee el ləm, Ɓó lé Njesigənea̰ ya̰ dee ji dee’g el ləm tɔ ndá, See dəw kára ba a tuba goo dəwje gə́ tɔl-dɔg (1.000) to gə́ ban wa, Esé see dəwje joo ba d’a kar dəwje gə́ tɔl-dɔg-loo-dɔg (10.000) d’aḭ to gə́ ban wa.

Jujé 23:10

Dəw kára ba mbuna sí’g tuba dəwje gə́ tɔl-dɔg (1.000) ar dee d’aḭ nea̰’g, mbata Njesigənea̰, Ala lə sí rɔ gə mbata lə sí to gə́ yeḛ pa ne taree ar sí lé tɔ.

Njéga̰g-Rəwtaje 15:15

Yeḛ oo siŋga ka ta mulayḛ̀je gə́ to sigi ɓəi naŋg ndá yeḛ ula jia un tɔl ne dəwje tɔl-dɔg (1.000).