Ləbije 26:6 - Maktub gə́ To gə Kəmee

⁶ M’a kar meekulɔm to mee ɓee’g ləm, dəw kára kara a jɔg sí dɔ ɓi’g lə sí el ləm tɔ, m’a kar daje gə́ majel godo mee ɓee’g ləm, dəw a dəs gə kiambas mee ɓee’g lə sí el ləm tɔ.

Ləbije 26:6 Iomraidhean Croise

2 Mbaije 2:24

Yeḛ tel kəmee aa dee gərərə ndá yeḛ man dee gə ri Njesigənea̰. Yen ŋga ko̰ da-ursje joo d’unda loo mee kag-kɔr’g teḛ d’ar dee-deḛ basaje gə́ rɔ-sɔ-gir-dee-joo mbuna mar deeje’g lé doo gə́ toɓəl.

1 Sôrta Gḭka-Israɛlje 22:9

Yeḛ ulam tɔɓəi pana: I a koji ŋgon gə́ diŋgam ndá yeḛ a to dəw gə́ njesi lɔm, yeḛ ɓa m’a karee loo-kwa-rɔ loo gə́ m’a kɔree ne ji njéba̰je’g ləa gə́ gugu dəa sub lé, mbata Salomo̰ ɓa a to ria ndá m’a kar Israɛlje d’isi ne dan maji’g ləm, loo a to lɔm ləm tɔ ləb si kəmba’g ləa lé.

2 Sôrta Gḭka Israɛlje 20:30

Bèe ɓa ɓeeko̰ lə Josapat to ne lɔm mbata Ala ləa ar loo-kwa-rɔ to gə looje lai.

Maktub gə́ wɔji dɔ Jɔb 11:19

I a to naŋg ndá dəw kára kara a jɔgi el, Dəwje bula d’a bɔr bèli.

Maktub gə́ wɔji dɔ Jɔb 5:23

Mbata mbalje gə́ loo-ndɔ’g ləi d’a kɔgi loo el ləm, Daje gə́ wala kara seḭ sə deeje a síje lɔm ləm tɔ.

Pakɔsje 144:14

Ma̰də maŋgje lə sí d’oji na̰ gə́ kédé-kédé ləm, Tuji gə́ boo kára kara godo ləm, Njekawɓer gə́ kára kara godo ləma, Ndu no̰ gə́ bèe kara ɓar mbuna rəwje’g lə sí el ləm tɔ.

Pakɔsje 147:14

Yeḛ ar dɔ naŋg ɓee lə sí si dan meelɔm’g ləm, Yeḛ ar meḛ sí nda̰ tub gə kó néje gə́ maji dum ləm tɔ.

Pakɔsje 29:11

Njesigənea̰ lé ar dəwje ləa siŋga dee ləm, Njesigənea̰ lé tɔr ndia dɔ dəwje’g ləa Ar dee d’isi ne dan rɔlel’g ləm tɔ.

Pakɔsje 3:5

M’no̰ gə ndum gə́ boi wəl m’ar Njesigənea̰ Ndá yeḛ ilam keneŋ dɔ mbal’g ləa gə́ to gə kəmee doi.

Pakɔsje 4:8

Rɔlel gə́ i unda dɔɓəŋgərəm’g lé Ur dɔ ka̰ dee-deḛ’g Loo gə́ koje gə nduúje lə dee daa na̰ rɔ dee’g lé.

Pakɔsje 85:8

Njesigənea̰, maji kari ar sí j’oo meemaji ləi ləm, Kaji ləi lé kara maji kari ar sí j’aji ne ya ləm tɔ.

Teḛ-Raga 23:29

M’a tuba dee mee ləb gə́ kára ba ɓa kɔm dee əw el nà banelə dɔ naŋg a tel to wəl ləm, daje gə́ wala d’a bula kunda njé gə́ kédé mba jɔg sí ləm tɔ.

Gosota-Kəmkàrje 3:24

Loo gə́ i to naŋg ndá I a ɓəl né kára kara el ləm, Loo gə́ i a to naŋg lé I a toɓi gə meelɔm ya ləm tɔ.

Gosota-Kəmkàrje 6:22

Deḛ d’a kɔr nɔḭ rəw-kabi’g ləm, D’a kaa dɔi loo-tooi’g ləma, D’a kwɔji səi ta loo gə́ i ndel dɔ ɓi’g ləm tɔ.

Esai 35:8

Rəw gə́ kul yududu gə́ to rəw-kwɔi a to keneŋ Ndá d’a ɓaree rəw gə́ to gə kəmee, Dəw gə́ mina̰ kára kara a dəs keneŋ el, Rəbee a to mbata lə koso-dəwje lə Njesigənea̰, Deḛ gə́ d’a njaa keneŋ lé Lé to mbəje kara D’a kaskəm ndəm rəw el.

Esai 35:9

Rəbee neelé toboḭ a godo keneŋ, Da gə́ mḭ gə́ rara kara a njaa keneŋ el ləm, Dəw kára kara a kiŋga dee keneŋ el ləm tɔ, Nɛ deḛ gə́ d’uga dɔ dee ɓa d’a njaa keneŋ.

Esai 45:7

Ma m’ra lookàr ləm, M’unda loondul ləm tɔ, Ma m’ar meekulɔm to ləm, Gə m’unda némeeko̰ ləm tɔ, Ma m’to Njesigənea̰, Ma m’to njera néje neelé lai.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Jeremi 30:10

I kura ləm Jakob, maji kari ɓəl el, Njesigənea̰ ɓa pa bèe, Israɛl, maji kari unda bala el! Mbata m’a kɔri dɔ naŋg gə́ əw’g ləm, M’a kɔr ŋgakaije ɓee-ɓər’d Gə́ d’isi keneŋ lé ləm tɔ, Jakob a tel ree ndá yeḛ a kiŋga Loo-kwa-rɔ gə loo-si-lɔm ləm, Dəw kára kara a jɔgee el ləm tɔ.

Jeremi 31:26

Yen ɓa m’ndel dɔ ɓi’g ndá m’oo loo, ɓi ləm gə́ m’to lé maji yaa̰.

Ejekel 14:15

Ɓó lé n’ar daje gə́ majel taa mee ɓee pəl-pəl mba tuji dəwje kar bula lə dee rəm ləm, ɓó lé ɓee neelé tel to dɔdilaloo ar dəw kára kara dəs keneŋ el mbata daje neelé ləm tɔ

Ejekel 14:17

Esé ɓó lé neḛ n’ree gə kiambas n’wɔji ne dɔ ɓee neelé ləm, lé m’pana: Maji kar kiambas ta̰ mbuna ɓee neelé ləma, ɓó lé neḛ n’tuji dəwje gə daje mee ɓee’g neelé pugudu-pugudu ləm tɔ

Ejekel 14:21

Bèe ya Mbaidɔmbaije gə́ Njesigənea̰ pa togə́bè pana: Lée n’ula gə nékwɔji-kəmkàrje lə neḛ gə́ sɔ gə́ to ɓəl kədm-kədm gə́ to kiambas ləm, gə ɓoo-boo ləm, gə daje gə́ majel ləma, gə yoo-koso ləm tɔ lé mba kar bo̰ néra njé gə́ Jerusalem ɔs ta dee’g mba tuji ne dəwje gə daje keneŋ pugudu-pugudu lé

Ejekel 34:25

N’a manrɔ neḛ mba kar dee d’isi ne gə meelɔm ləm, n’a kar daje gə́ majel godo mee ɓee’g neelé ləm tɔ. D’a si dɔdilaloo’d gə́ majee ləm, d’a toɓi mee kag-kɔr’d gə́ majee ləm tɔ.

Ejekel 34:27

Kagje gə́ mee ndɔ’g d’a kandə gə kandə dee njim-njim ləm, dɔ naŋg a teḛ gə ka̰dee ləm tɔ. D’a si gə meelɔm mee ɓee’g lə dee ndá d’a gər to gə́ neḛ n’to Njesigənea̰ loo gə́ n’a ti kúla néməmənaje lə dee ləm, n’a kɔr dee ji deḛ gə́ d’ar dee ra kula ɓər d’ar dee ləm tɔ.

Ejekel 5:17

N’a kula gə ɓoo-boo gə daje gə́ majel dɔ sí’g kar dee tuji ŋgan síje kya̰ sí kari ba, yoo-koso gə kɔm məs d’a dəs mbuna sí’g, n’a kila rɔ dɔ sí’g tɔ. To neḛ Njesigənea̰ ɓa m’pata nee ya.

Ojee 2:18

Njesigənea̰ pana: Mee ndəa’g neelé Yeḛ a ɓarm ŋgabeeje Ɓó yeḛ a ɓar rəa ɓər ləm el ŋga!

Ojee 2:20

Mee ndəa’g neelé m’a kar manrɔ ləm tɔ mbuna dee-deḛ’g Gə daje gə́ wala ləm, gə yelje gə́ pə̰ dara’g ləma, Gə néje gə́ d’ag naŋg gə ta meḛ dee ləm tɔ. M’a kar ɓandaŋgje, gə kiambasje, gə nérɔje godo mee ɓee’g Gə mba kar dəwje d’wa rɔ dee d’isi gə meekulɔm.

Ləbije 25:18

Raje godndumje ləm, aaje dɔ ndukunje ləm kər-kər gə mba ra née ləm tɔ, togə́bè ɓa seḭ a síje ne lɔm mee ɓee’g neelé.

Ləbije 25:19

Dɔ naŋg a kar sí ka̰dee ləm, seḭ a sɔje né karje meḛ sí ndan ləma, seḭ a síje ne lɔm ləm tɔ.

Ləbije 26:22

M’a kula daje gə́ majel mbuna sí’g kar dee tɔl ŋgan síje ji sí’g ləm, d’a tuji nékulje lə sí ləma, d’a kar bula lə sí nai lam ba bèe ləm tɔ, rəwje lə sí kara d’a kwa ŋgɔ njag-njag ya.

Ləbije 26:25

M’a kar dee ree rɔ sə sí gə kiambas mba dal ne ba̰ manrɔ ləm gə́ ma man ne rɔm m’ar sí lé, loo gə́ seḭ a mbo̰je dɔ na̰ mee ɓee-booje’g lə sí ndá m’a kula gə yoo-koso mbuna sí’g, tɔɓəi m’a kya̰ sí ji njéba̰je’g lə sí tɔ.

Ləbije 26:7

Seḭ a tubaje njéba̰je lə sí kar dee d’wəi yoo-kiambas no̰ sí’g.

Misee 4:4

Deḛ kára-kára lai lé nana kara a si gel kag-nduú’g ləa gə gel kag-kodé’g ləa-ləa ləm, Dəw kára kara gə́ a kɔm ɓəl dɔ dee’g a godo ləm tɔ, Mbata Njesigənea̰ gə́ njeboo-néje ɓa pa bèe.

Soponi 3:13

Ges Israɛlje gə́ nai lé D’a ra né gə́ kori-kori el ŋga ləm, D’a pata ŋgɔm el ləma, Dəw a kiŋga ta sukəmloo ta dee’g el ləm tɔ, Nɛ d’a kul rɔ dee ləm, d’a kwa rɔ dee ləm tɔ Ndá dəw kára kara a kɔm ɓəl dɔ dee’g el.

Ajee 2:9

Rɔnduba lə kəi gə́ gogo neelé a boi yaa̰ kur dɔ yee gə́ kédé’g lé. Njesigənea̰ gə́ njeboo-néje ɓa pa bèe. Lée neelé ɓa n’a kar dee meekulɔm keneŋ. Njesigənea̰ gə́ njeboo-néje ɓa pa bèe.

Jakari 9:10

N’a tuji pusu-rɔje lə Eprayimje ləm, Gə kundaje gə́ Jerusalem ləm tɔ, Ɓandaŋ-rɔje lé d’a tuji. Yeḛ a kila mber meekulɔm Kar ginkoji dəwje gə raŋg ləm, Yeḛ a ko̰ɓee un kudee dɔ baa-boo-kad’d gə́ kára saar teḛ ne yee gə́ raŋg’d ya Un kudee dɔ mán baa-boo’g saar kɔr rudu naŋg njal ləm tɔ.

Tagə́maji gə́ Ja̰ ndang 14:27

Ma m’ya̰ sí gə meekulɔm, nɛ meekulɔm ləm ya m’ar sí. Ma lé m’ar sí to gə́ naŋg nee ɓa ar sí lé el. Maji karje meḛ sí pélé wəs-wəs el ləm, gə ɓəlje el ləm tɔ.

Néra Njékaḭkulaje 12:6

Mee til gə́ bèlè d’a gə teḛ səa raga kəm koso-dəwje’g lé Piɛrə to dan njérɔje gə́ joo gə́ tɔ kúla gə́ rəa’g rɔ dee’g lé ndá yeḛ toɓi. Njérɔje joo d’aar takəi’g raga d’aar ŋgəm takəi daŋgai lé tɔ.

Njé gə́ Rɔmə 5:1

Jeḛ lé mbɔl dɔ meekun lə sí ɓa Ala ɔr ne ta dɔ sí’g yee ɓa Mbaidɔmbaije lə sí Jeju Kristi lé ar sí j’ɔm na̰’d yəg gə Ala tɔ.