Ləbije 26:5 - Maktub gə́ To gə Kəmee

⁵ Bèe ɓa, seḭ a kundaje kó lə sí saar teḛje ne kula kinja kandə nduú’g ləm, kula kinja kandə nduú lé a kaw saar teḛ naḭ dubu né’g ləm tɔ, seḭ a ko̰je muru karje meḛ sí ndan ləm, seḭ a síje lɔm mee ɓee’g lə sí ləm tɔ.

Ləbije 26:5 Iomraidhean Croise

Pakɔsje 144:13

Nésɔje ɓəd-ɓəd rusu damje lə sí Ar dee ruba naŋg pɔ-pɔ ləm, Nékulje lə sí kara d’oji d’ɔs goo na̰ goo na̰ d’as tɔl-dɔg (1.000) ləm, Gə tɔl-dɔg-loo-dɔg (10.000) ləm tɔ mee tad ndɔje’g lə sí ya.

Pakɔsje 90:1

Tamaji lə Moyis, dəw lə Ala. Mbaidɔmbaije, i nja to njo̰loo-kula-dɔ lə sí kédé gə́ ləw saar ɓasinè.

Teḛ-Raga 16:8

Moyis pana: Ɓogənè lé loo gə́ kàr a kandə lé ndá Njesigənea̰ a kar sí da mba kar sí sɔje ləm, bèlè gə ndɔ lé yeḛ a kar sí muru kar meḛ sí ndan ne ləm tɔ, mbata Njesigənea̰ lé oo ndu jém ta lə sí gə́ seḭ imje ne rɔ sí lé ya, mbata jeḛ lé see jeḛ n’toje gə́ ɗije to wa. To jeḛ ɓa seḭ jémje ta imje ne rɔ sí dɔ sí’g el, nɛ to Njesigənea̰ ɓa seḭ imje rɔ sí dəa’g ya.

Gosota-Kəmkàrje 1:33

Nɛ yeḛ gə́ oo ta ləm ndá A kwa rəa gə meendakaḭ ləm, Yeḛ a si lɔm ɓó A ɓəl né majel kára kara el ləm tɔ.

Gosota-Kəmkàrje 18:10

Ri Njesigənea̰ lé to gad-kəi-kaar-kɔgərɔ, Njemeekarabasur aḭ iya rəa keneŋ si ne gə meekulɔm.

Esai 1:19

Ɓó lé seḭ ḭje gə meḛ sí Mba koo ne ta ləm ndá Seḭ a sɔje némajije Gə́ ur dɔ mareeje mee ɓee’g neelé,

Esai 30:23

Yen ŋga yeḛ a kar ndi ər dɔ nédubu gə́ seḭ dubuje dɔ naŋg’d lé Ndá kandə nésɔ gə́ dɔ naŋg a kar sí lé A lel ta sí’g ləm, a kul sí ləm tɔ, Mee ndəa gən lé koso-nékulje lə sí D’a ko̰ mu loo-ko̰-mu’g lə dee gə́ tad rəg-rəg lé.

Jeremi 23:6

Mee ndɔje’g ləa lé Judaje d’a kaji ləm, Israɛlje d’a si lɔm loo-si dee’g ləm tɔ, Aa ooje, ria gə́ d’a ɓaree ne ɓa nee: Njesigənea̰ to njegin meekarabasur lə sí.

Ojee 2:18

Njesigənea̰ pana: Mee ndəa’g neelé Yeḛ a ɓarm ŋgabeeje Ɓó yeḛ a ɓar rəa ɓər ləm el ŋga!

Ojee 2:20

Mee ndəa’g neelé m’a kar manrɔ ləm tɔ mbuna dee-deḛ’g Gə daje gə́ wala ləm, gə yelje gə́ pə̰ dara’g ləma, Gə néje gə́ d’ag naŋg gə ta meḛ dee ləm tɔ. M’a kar ɓandaŋgje, gə kiambasje, gə nérɔje godo mee ɓee’g Gə mba kar dəwje d’wa rɔ dee d’isi gə meekulɔm.

Joɛl 2:19

Njesigənea̰ ila koso-dəwje’g ləa pana: M’a kula gə kó gə mán-nduú gə́ kul gə ubu Gə mba karee as sí nag ya. Tɔɓəi m’a kya̰ loo kar ginkoji dəwje gə raŋg D’ila rɔkul dɔ sí’g bèe el ŋga.

Joɛl 2:22

Seḭ daje gə́ wala lé ɓəlje el Mbata ndag-looje gə́ dɔdilaloo’g lé D’a tel kidi gogo ləm, Kagje d’a kandə gə kandə dee njim-njim ləma, Kag-kodé gə kag-nduú d’a kar sí nébaoje lə dee ləm tɔ.

Joɛl 2:26

Seḭ a sɔje né kaareeje as sí nag-nag ləm, Seḭ a kulaje ne rɔnduba dɔ ri Njesigənea̰ Ala’g lə sí ləm tɔ Mbata néje gə́ dum koo gə́ yeḛ ra ar sí, Bèe ɓa rɔkul a dəb dɔ dəwje’g ləm nda̰ el ŋga.

Amɔs 9:13

Njesigənea̰ pa pana: Aa ooje, mee ndəaje gə́ a gə teḛ lé Njendɔ lé a korè goo njekinjako dəb ləm, Yeḛ gə́ njembula kandə nduú A korè goo njedubu né ləma, Man-nduú gə́ ḭ əməmə lé A kḭ dɔ sém mbalje gə́ tar léŋgé-léŋgé’g Kula dɔdərlooje’g lai ləm tɔ.

Matiyo 23:37

Seḭ njéɓeeje gə́ Jerusalem, seḭ njéɓeeje gə́ Jerusalem lé seḭ gə́ tɔlje njéteggintaje gə tilaje deḛ gə́ d’ula dee rɔ sí’g gə kɔri-ərje lé see gɔl ka̰da ɓa ma m’ndiŋga rɔm mba mbo̰ sí gelm’g to gə́ ko̰ kṵja mbo̰ ne ŋganee gel bagee’g bèe nɛ seḭ ṵdamje ɓad nee ɓəi wa.

Néra Njékaḭkulaje 14:17

Nɛ yeḛ ɔr gin rəa gə́ kédé-kédé gə némeemajije ləa ɓó yeḛ əw el. Yeḛ ar sí mán ndi gə́ dara ləm, yeḛ ar naḭ kàr gə ɓar taa tor na̰ ləma, yeḛ ar kó lə sí unda gə mba kar sí síje ne dan nésɔ’g bèdèg kar meḛ sí ndá ne kaḭ ləm tɔ.

Tel tura Godndu 11:15

m’a kar mu uba mee ndɔje’g lə sí mbata lə nékulje lə sí ndá seḭ a sɔje né karee as sí nag-nag ya.

1 Timote 6:17

Ndəji baoje gə́ dɔ naŋg nee ɓasinè lé mba kar dee beelé dɔ rɔ dee’g el ləm, gə mba kar dee d’unda meḛ dee yel gə́ dɔ nébaoje gə́ a gə to njaŋg el lé el ləm tɔ. Nɛ maji kar dee d’unda meḛ dee yel gə́ dɔ Ala lé gə́ njedaa sí gə néje rib-rib mba kar sí ndá ne meḛ sí kaḭ.

1 Piɛrə 1:5

gə mba kar sí-seḭ gə́ siŋgamoŋ lə Ala aḭ ŋgaŋ sí gə goo meekun lə sí lé mbata kaji gə́ a gə nduba rəa gə́ raga ndəa gə́ rudee a kun ɗiao lé.