Ləbije 26:44 - Maktub gə́ To gə Kəmee

⁴⁴ Nɛ loo gə́ d’a si mee ɓee’g lə njéba̰je lə dee kara m’a mbad dee gə no̰ el ləm, m’a tel ginkoji lə dee kar dee to gə́ né gə́ d’a tuji dee pugudu el ləma, ma gaŋg kúla manrɔ ləm rɔ sə dee el ləm tɔ, mbata ma m’to Njesigənea̰, Ala lə dee ya.

Ləbije 26:44 Iomraidhean Croise

Gḭ-Néje 17:7

M’a kar ta manrɔ ləm tɔ mbuna sí jeḛ səi gə mbuna ŋgakaije gə́ d’a gə korè gooi gə goo ŋgaka deeje. Ta manrɔ neelé a to gə́ kédé-kédé gə no̰ mba karm m’to ne Ala ləi ləm, gə ka̰ ŋgakaije gə́ d’a gə korè gooi ləm tɔ.

2 Mbaije 13:23

Nɛ Njesigənea̰ oo kəmtondoo lə dee ar mée oso lemsé dɔ dee’g ləm, yeḛ tel kəmee par gə́ rɔ dee’g ləm tɔ mbata manrɔ ləa gə́ yeḛ man ar Abrakam gə Isaak gə Jakob lé, yee ɓa yeḛ ndigi tuji dee ne el ndá saar mee ndəa gən lé kara yeḛ un ne kəmee rəw dɔ dee’g el.

Nehemi 9:17

Deḛ mbad kula dɔ dee ləma, Deḛ d’ar meḛ dee wəi dɔ néraije gə́ dumkoo’g Gə́ i ra mbata maji lə dee ləm tɔ. Deḛ d’uba gwɔbkelkwɔi, Gə goo kɔs ta rəw lə dee lé Ndá deḛ ra dɔ-kədərə Mba tel dɔ kula ɓər’g gogo. Nɛ i to Ala gə́ si pèrèrè Gə mba kar məəi oso lemsé ləm, I to njemeekaw taḭ-taḭ Gə njemeekɔrjol ləm tɔ, Oŋg ḭ səi kalaŋ el ləm, I to bao-meemaji ləm tɔ Ndá i uba dee ya̰ dee el.

Nehemi 9:31

Nɛ gə goo boo-meekɔrjol ləi lé I tuji dee el ləm, I uba dee ya̰ dee el ləm tɔ Mbata i to Ala gə́ njemeekaw taḭ-taḭ ləm, Gə njemeekɔrjol ləm tɔ.

Pakɔsje 103:13

To gə́ meḛ bɔ ŋganje aw taḭ-taḭ dɔ ŋgan deeje’g lé Njesigənea̰ kara mée aw taḭ-taḭ dɔ deḛ gə́ ɓəlee’g lé togə́bè ya tɔ.

Pakɔsje 89:33

N’a kunda dee gə ndəi-kɔb mbata kalta lə dee ləm, N’a kar dee d’oo ko̰ néra kori-korije lə dee ləm tɔ.

Pakɔsje 94:14

Mbata Njesigənea̰ lé Uba dəwje ləa lé ya̰ dee el ləm, Deḛ gə́ to nédɔji ləa lé kara Yeḛ uba dee ya̰ dee gə goo ŋgalee el ləm tɔ

Jeremi 14:21

Mbɔl dɔ rii ɓa Maji kari ə̰ji ne kalimbai-ronduba ləi bəḭ-bəḭ el ləm, Maji kari ula ne sul dɔ’g el ləm tɔ. Ar məəi olé dɔ’g ɓó Gaŋ kúla manrɔ ləi Gə́ i man ar sí lé el!

Jeremi 24:5

Njesigənea̰, Ala lə Israɛlje pa togə́bè pana: To gə́ i ɔr kəm kandə kodéje gə́ maji bèe lé ma kara m’a kɔr kəm Judaje gə́ m’ar dee d’aw ɓee-ɓər gə́ Kalde lé gə mba ra sə dee maji togə́bè tɔ.

Jeremi 30:11

Mbata Njesigənea̰ pana: Ma m’nai səi gə mba kɔri kilai tar, Ginkoji dəwje gə raŋg lai Gə́ ma m’tubai m’ilai mbuna dee’g lé M’a tuji dee pugudu-pugudu, Nɛ i lé ndá m’a tujii pugudu el, M’a kar bo̰ nérai ɔs tai’g gə goo rəbee Ɓó ma m’askəm kya̰’i Lal kwɔjii kəmkàr el!

Jeremi 31:20

Njesigənea̰ ɓa pa bèe pana: See Eprayimje to ŋganəmje Gə́ m’a m’ndigi dee ləm, To ŋganəmje gə́ m’unda dee dan kəm’g ləm tɔ ya wa. Mbata loo gə́ ma m’pata yaa̰ M’wɔji ne dɔ dee lé Meem olé dɔ dee’g unda njé gə́ kédé ya tɔ. Yee ɓa məəm aw ne taḭ-taḭ mbata lə dee gə mbəa, Tɔgərɔ m’a koo kəmtondoo lə dee ya.

Jeremi 33:26

ma m’a kuba ŋgaka Jakob, gə ŋgaka kura ləm Dabid kya̰ dee togə́bè ləm, mbuna ŋgakeaje’g lé m’a kɔr deḛ gə́ d’a gə ko̰ dɔ ŋgaka Abrakam, gə ka̰ Isaak, gə ka̰ Jakob el ŋga ləm tɔ. Mbata m’a kar njé’g lə dee gə́ d’aw ɓee-ɓər’g tel ree ɓée ləm, m’a koo kəmtondoo lə dee ləm tɔ.

Ejekel 16:60

Nɛ n’a kar mee neḛ olé dɔ manrɔ’g lə neḛ gə́ neḛ man n’ari loo gə́ i nai ne gə ma̰di ɓəi ndá n’a manrɔ neḛ kari gə manrɔ gə́ a to gə no̰.

Ləbije 26:11

M’a kar kəi-sim to mbuna sí’g ləm, m’a tel girm kila kar sí el ləm tɔ.

Njé gə́ Rɔmə 11:2

Dəwje ləa gə́ yeḛ gər dee kédé lé Ala unda dee ɓad el. See seḭ gərje el wa. Maktub gə́ to gə kəmee ɔr sor Eli loo gə́ yeḛ no̰ no̰ nee dɔ Israɛlje’g pana:

Njé gə́ Rɔmə 11:26

Togə́bè ɓa ginkoji Israɛlje bura d’a kaji ne, to gə goo ta gə́ ndaŋg mee maktub gə́ to gə kəmee lé pana: Njetaa dɔ dee a kḭ Sio̰. Ndá yeḛ a kar ŋgaka Jakobje d’uba goo kila ndɔl dɔ Ala’g lə dee d’ya̰.

Njéga̰g-Rəwtaje 2:1

Kura lə Njesigənea̰ gə́ dara ḭ Gilgal aw Bokim ndá yeḛ pana: Ma m’ar sí undaje loo mee ɓee gə́ Ejiptə teḛje, tɔɓəi m’aw sə sí mee ɓee gə́ ma man rɔm m’ar bɔ síje-je mba kar sí. Ma m’pana: M’a gaŋg kúla manrɔ ləm gə́ ma man ne rɔm m’ar sí lé pai godo.