Ləbije 26:4 - Maktub gə́ To gə Kəmee

⁴ m’a kar sí mán ndi gə naḭyee-naḭyee ləm, naŋg a kinja gə néje ləa ɓagəsa ləma, kagje gə́ mee ndɔje’g kara d’a kandə njim-njim ləm tɔ.

Ləbije 26:4 Iomraidhean Croise

1 Mbaije 17:1

Eli, dəw gə́ Tisbe gə́ dɔ naŋg gə́ Galaad lé ula Akab pana: Njesigənea̰ Ala lə Israɛlje gə́ m’to kura ləa lé to Njesikəmba! Mee ləbje’g neelé tàl a kwa el ləm, ndi kara a kər el ləm tɔ nɛ gə goo ta gə́ ma nja m’a pa ɓa.

Maktub gə́ wɔji dɔ Jɔb 5:10

Yeḛ ar ndi ər dɔ naŋg nee ləm, Yeḛ ar manee taa mee ndɔje ləm tɔ.

Pakɔsje 104:13

Loo-sii gə́ to tar ndoi lé I saa ne mán dɔ mbalje’g Ar kandə kula raije lé kara Rusu ne naŋg nee tub-tub.

Pakɔsje 67:6

Ǝi Ala, maji kar koso-dəwje lé pidii, Maji kar koso-dəwje lai d’ɔs gajii ya.

Pakɔsje 67:7

Naŋg lé kinja gə nésɔje ɓagəsa ya, Ala gə́ to Ala lə sí lé tɔr ndia dɔ sí’g.

Pakɔsje 68:9

Naŋg yə ɓugu-ɓugu ləm, Dara kara léḛ ne sələlə-sələlə nɔḭ-i Ala’g lé ləma, Dɔ mbal gə́ Sinai lé kara ula déréré-dèrèrè No̰ Ala gə́ to Ala lə Israɛlje lé ləm tɔ.

Pakɔsje 85:12

Meenda londoŋ uba dɔ naŋg nee Ndá meekarabasur gə́ to dan dara’g lé Ila kəmee oo tɔ.

Pakɔsje 85:13

Njesigənea̰ nja ɓa ar sí j’isi dan maji’g, Bèe ɓa dɔ naŋg lə sí a kinja gə kandə néje ya.

Esai 30:23

Yen ŋga yeḛ a kar ndi ər dɔ nédubu gə́ seḭ dubuje dɔ naŋg’d lé Ndá kandə nésɔ gə́ dɔ naŋg a kar sí lé A lel ta sí’g ləm, a kul sí ləm tɔ, Mee ndəa gən lé koso-nékulje lə sí D’a ko̰ mu loo-ko̰-mu’g lə dee gə́ tad rəg-rəg lé.

Esai 5:6

M’a kya̰ karee tuji: Dəw a tuga barkəmee el ləm, D’a ndɔ mée el ləm tɔ, Kun-pɔrɔrɔje gə kunje d’a ra tɔg keneŋ ləm, M’a kun ndum kar loo-kil-lə-ndije Gə mba kar dee d’ar ndi ər keneŋ el ləm tɔ.

Jeremi 14:22

See mbuna magəje’g lə ginkoji dəwje gə raŋg lé Yee gə́ ar ndi ər to keneŋ wa. Esé see dara ɓa ar ndi ər wa. See to i Njesigənea̰, Ala lə sí el wa. Jeḛ j’unda meḛ sí yel gə́ dɔi’g, Mbata to i ya ɓa ra néje neelé lai.

Ejekel 36:30

N’a kar kandə kagje gə kandə néndɔje lə sí ḭ dɔ maree’d gə́ kédé-kédé mba kar rɔkul-boo lə ɓoo-boo tibi mbɔr sí mbuna ginkoji dəwje gə raŋg’g el ŋga.

Joɛl 2:22

Seḭ daje gə́ wala lé ɓəlje el Mbata ndag-looje gə́ dɔdilaloo’g lé D’a tel kidi gogo ləm, Kagje d’a kandə gə kandə dee njim-njim ləma, Kag-kodé gə kag-nduú d’a kar sí nébaoje lə dee ləm tɔ.

Ləbije 25:19

Dɔ naŋg a kar sí ka̰dee ləm, seḭ a sɔje né karje meḛ sí ndan ləma, seḭ a síje ne lɔm ləm tɔ.

Ləbije 25:21

M’a tɔr ndum dɔ sí’g mee ləb gə́ njekɔm’g misa̰ ndá dɔ naŋg a kar sí kandə néje gə́ a kas sí kəm ləb munda.

Jakari 8:12

Mbata kandə néje gə́ deḛ dubu lé A teḛkɔr ləm, Nduú a kul bo̰-bo̰ gə ka̰dee ləm, Naŋg a kar dee nésɔ dee ləma, Dara a kar dee mán-tàl ləm tɔ, Bèe ɓa n’a kar ges koso-dəwje gə́ nai neelé D’al rɔ dee wɔji dɔ néje’g neelé lai ya.

Matiyo 5:45

Yen ɓa seḭ a toje ne ŋgan Bɔ síje gə́ si dara lé, mbata yeḛ ar kàr ləa uba dɔ njémeeyèrje’g gə dɔ njémeemajije’g ləm, yeḛ ar ndi ər dɔ njéra né gə́ gə dɔ najee-je gə dɔ njéra né gə́ gə dɔ najee-elje ləm tɔ.

Néra Njékaḭkulaje 14:17

Nɛ yeḛ ɔr gin rəa gə́ kédé-kédé gə némeemajije ləa ɓó yeḛ əw el. Yeḛ ar sí mán ndi gə́ dara ləm, yeḛ ar naḭ kàr gə ɓar taa tor na̰ ləma, yeḛ ar kó lə sí unda gə mba kar sí síje ne dan nésɔ’g bèdèg kar meḛ sí ndá ne kaḭ ləm tɔ.

Tel tura Godndu 11:13

Ɓó lé seḭ tədje kag godndumje gə́ ma m’un m’ar sí ɓogənè ləm, ɓó lé seḭ undaje Ala lə sí gə́ Njesigənea̰ dan kəm sí’g gə ŋgaw meḛ sí gə rɔ sí bura ləm tɔ ndá

Tel tura Godndu 11:14

m’a kar ndi ər mee ɓee’g lə sí gə naḭyee-naḭyee, ndi gə́ doŋgɔr ləm, gə rudu ndi ləm tɔ ndá seḭ a kinjaje dɔ kó lə sí ləm, a kiŋgaje mán-nduú lə sí ləma, gə ubu lə sí ləm tɔ,

Tel tura Godndu 28:12

Njesigənea̰ a kɔr kəm dara gə́ to loo gə́ nébaoje ləa gə́ maji dum to keneŋ kar sí gə mba kula ne gə mán ndi dɔ ɓee’g lə sí gə naḭyee-naḭyee ləm, gə mba tɔr ndia dɔ kulaje lai gə́ seḭ a raje ləm tɔ, ginkoji dəwje gə raŋg bula d’a tona sí né, nɛ seḭ a tona deeje né el.

Maktub gə́ Jak ula ne ar ngan-Allaje 5:7

Ŋgakɔmje, ilaje meḛ sí dɔ maree’g saar ndɔ ree lə Mbaidɔmbaije. Aa ooje, njendɔ ndɔ lé ila mée po̰ ŋgina ne ndi gə́ doŋgɔr ləm, gə ŋgaŋ ndi gə́ gogo ləm tɔ ɓa mba kiŋga ne dɔ kó gə́ maji gə́ a teḛ mbi ɓəi.

Loo gə́ killa rea kəm Ja̰’g 11:6

Siŋga dee as kudu loo-kil-lə-ndi kar ndi ər el ndəa gə́ d’ɔr ne goo ta lé saar ləm, mba kar manje tel məs ləma, gə kunda naŋg nee kar rɔko̰je gə́ gə ria-ria oso dɔ dəwje’g to gə́ meḛ dee wɔji lé ləm tɔ.