Ləbije 26:39 - Maktub gə́ To gə Kəmee

³⁹ Deḛ gə́ mbuna sí’d gə́ d’isi kəmba ɓəi lé d’a kunda ndolé mbata lə néra kori-korije lə dee-deḛ ləm, gə ka̰ bɔ deeje-je ləm tɔ.

Ləbije 26:39 Iomraidhean Croise

2 Sôrta Gḭka Israɛlje 34:24

Njesigənea̰ pa togə́bè pana: Aa ooje, m’a gə kar nékəmndooje teḛ dɔ loo gə́ nee’g ləm, gə dɔ dəwje gə́ d’isi keneŋ ləm tɔ. Yee ɓa gə́ néndɔlje lai gə́ ndaŋg mee maktub gə́ tura no̰ mbai gə́ Juda’g lé.

Esdras 9:7

Un kudee mee ndəa’g lə bɔ síje-je lé ta gə́ boo wa dɔ sí saar teḛ ɓogənè ndá gə goo néra kori-korije lə sí ɓa deḛ d’ɔm sí ne jeḛ gə mbaije lə sí gə njékinjanéməsje lə sí ji mbaije gə́ to dəw-dɔ-ɓeeje ləm, gə ta kiambas’g ləm, d’wa sí gə́ ɓərje ləm, d’unda sí banrɔ ləma, d’ar rɔkulee wa kəm sí saar ɓogənè ləm tɔ.

Nehemi 1:9

Nɛ ɓó lé jeḛ n’tel reeje rɔi’g ləm, ɓó lé jeḛ j’aaje dɔ godnduije n’raje née ləm tɔ ndá lé d’a kwa sí ɓər kaw sə sí rudu dara’g kara lée gə́ neelé ɓa i a mbo̰ sí dɔ na̰’d ləm, i a tel ree sə sí loo gə́ i ɔr unda gə mba kar rii ɓar keneŋ lé ləm tɔ.

Teḛ-Raga 20:5

I a kunda barmba dəb kəmi naŋg no̰ dee’g el ləm, i a kula kəm rɔi ndòo mbata lə dee el ləm tɔ, mbata ma Njesigənea̰, Ala ləi lé ma m’to Ala gə́ kəm əḭ dɔ koso-dəwje’g ləm gə́ m’ar bo̰ néra yèr lə bɔ ŋganje gə́ d’ḛjim bəḭ-bəḭ lé ɔs ta ŋgan deeje’g saar njéboakojije lə dee gə́ kudu munda əsé gə́ kudu sɔ tɔ,

Teḛ-Raga 34:7

meenoji ləa to saar-saar mbata lə ŋgaka deeje gə́ tɔl-dɔg-loo kára ləm, yeḛ ar mée oso lemsé dɔ deḛ gə́ néra dee to gə goo rəbee el ləm, gə dɔ njékal dɔ godnduje ləma, gə dɔ kaiya ra dee’g ləm tɔ, nɛ dəw gə́ ta wa dəa mba̰ lé yeḛ a kée gə́ njegelgodo el ləm, a kar bo̰ néra gə́ gə goo rəbee el lə bɔ ŋganje ɔs ta ŋgan deeje’g ləm, gə ŋgan meḛ ŋgan deeje ləm tɔ saar teḛ ne dɔ ŋgakadɔg deeje’g loo munda əsé loo sɔ bèe ya.

Esai 14:21

Waje dɔ gɔl loo-tɔl-ŋganje Mbata néra gə́ yèr lə bɔ deeje lé! Maji kar dee d’ḭ gə mba dum dɔ naŋg nee el ləm, Gə mba kar njéba̰je taa dɔ naŋg nee pəl-pəl el ləm tɔ!

Esai 24:16

Jeḛ j’ooje ndu pa gwɔi naŋg’d pana: Rɔnduba nai gə njera né gə́ gə dɔ najee! Nɛ ma ndá m’pana: Siŋgam godo, siŋgam godo! Meeko̰ oso dɔm’g ya! Njékun dɔ looje ra né Gə goo kun dɔ loo lə dee ləm, D’aar njaŋg dɔ kun dɔ loo’g lə dee ləm tɔ.

Jeremi 29:12

Seḭ a no̰je ɓarje rim ləm, a kaw raje tamaji tam’g ləm tɔ ndá m’a koo ndu sí ya.

Jeremi 3:25

Jeḛ lé n’toje naŋg dan rɔkul’g ləm, Rɔkul gə́ boo ɓa gə́ néko̰ dɔ sí ləm tɔ, Mbata jeḛ n’raje kaiya j’ɔsje ne ta lə Njesigənea̰, Ala lə sí rəw Jeḛ gə bɔ síje-je Un kudee loo gə́ jeḛ nai ne basa ɓəi Saar teḛ ɓogənè ləm, Jeḛ j’oo ndu Njesigənea̰, Ala lə sí gə́ né el ləm tɔ.

Jeremi 31:29

Mee ndəaje’g neelé Ndá dəw a pana: Bɔ-ŋganje d’usɔ besere nduú Ndá tɔl ŋgaŋ ŋgan deeje lé A pa bèe el.

Nɔ̰-ndôo gə́ wɔji dɔ Jerusalem 1:3

Judaje d’aw ɓee-ɓər’g Ar dee d’ula kəm dee ndòo ləm, D’ɔm boo-kula ɓər dɔ dee’g ləm tɔ, Deḛ d’isi keneŋ mbuna ginkoji dəwje gə́ raŋg’g Nɛ deḛ d’iŋga loo-si lɔm el. Deḛ lai gə́ to njékula kəm dee ndooje lé D’uba dee naŋg bus gə boo-néurtije.

Nɔ̰-ndôo gə́ wɔji dɔ Jerusalem 4:9

Deḛ gə́ d’wəi yoo-kiambas lé ndá Meḛ ti mbidi aree maji yaa̰ Unda dee-deḛ gə́ d’wəi yoo-ɓoo ɓa Guru ne naŋg lal kiŋga nésɔ dee.

Ejekel 18:19

Seḭ pajena: See gelee ban ɓa ta néra gə́ kori-kori lə bɔ ŋgonje lé ŋgon a kuba pəree el wa. To mbata ŋgon lé ra né gə́ danasur gə́ gə dɔ najee ləm, mbata yeḛ aa dɔ tornduje lə neḛ lai ra née ləm tɔ, yeḛ a si kəmba ya.

Ejekel 20:43

Lée neelé ɓa meḛ sí a kolé dɔ panjaa’g lə sí ləm, gə dɔ néje lai gə́ seḭ raje arje rɔ sí mina̰ ne ləm tɔ. Seḭ nja kara a kooje rɔ sí gə́ né gə́ to kḛji mbata néje lai gə́ mina̰ gə́ seḭ raje lé.

Ejekel 24:23

jɔg lə sí a to dɔ sí’g ya ləm, négɔlje lə sí a to gɔl sí’g ya ləm, seḭ a kwaje ndòo yoo el ləma, seḭ a no̰je el ləm tɔ. Nɛ seḭ a kundaje ndolè mbata néra majelje lə sí ləm, seḭ a tuma̰je ŋgururu-ŋgururu mbuna na̰’g ləm tɔ.

Ejekel 33:10

Ma ŋgon-dəw lé maji kam m’ula gel-bɔje lə Israɛl m’pana: Seḭ pajena: Kaltaje lə sí gə kaiya ra síje wa dɔ síjeḛ ya, gelee gə́ nee ɓa jeḛ j’undaje ne ndolè gə mbəa, see j’a kaskəm si kəmba to gə́ ban wa.

Ejekel 36:31

Yen ɓa meḛ sí a kolé ne dɔ panjaa sí’g gə néra síje gə́ majel’g. Seḭ a kooje rɔ sí gə́ né gə́ to kḛji kəm sí’g gə mbata néra síje gə́ kori-kori ləm, gə néra síje gə́ mina̰ jɔmri-jɔmri lé ləm tɔ.

Ejekel 4:17

Muru gə mán a lal dee ləm, kaar dee a kwa dee paḭ-paḭ loo gə́ d’oo na̰ ləma, d’a kunda mbəbəg mbata lə néra kori-korije lə dee ləm tɔ.

Ejekel 6:9

Njé’g lə sí gə́ taa rɔ dee lé meḛ dee a kolé dɔ neḛ’g mbuna ginkoji dəwje gə raŋg’d gə́ d’a kaw sə dee gə́ ɓərje mbuna dee’g lé mbata n’a tɔ meekədərə lə dee gə́ d’uba ne neḛ d’ya̰ ne neḛ lé ləm, gə kəm dee gə́ ndolè ne goo magəje lə dee ləm tɔ, deḛ ya d’a kḛji rɔ dee bəḭ-bəḭ mbata lə néraje gə́ mina̰ gə́ deḛ ra ləm, mbata néra ramje lə deḛ lai ləm tɔ.

Ojee 5:15

M’a kɔd kaw ləm, m’a tel ree si loo-sim’g ləm tɔ Saar kar dee d’wa ndoo rɔ dee dɔ ta gə́ wa dɔ dee’g ləm D’a tel saŋgəm mba koo kəm-ma ɓa ləm tɔ. Loo gə́ d’a si dan néurti’g ndá D’a kɔs badm tel ree rɔm-ma’g ya.

Jakari 10:9

N’a sané dee mbuna koso-dəwje’g Ndá loo gə́ d’isi əw lé meḛ dee a kolé dɔ neḛ’g, D’a si kəmba gə ŋgan deeje na̰’d ndá d’a tel ree.

Bula lə Israɛlje 14:18

Njesigənea̰ lé oŋg ḭ səa kalaŋ el ləm, yeḛ to bao-meemaji ləma, yeḛ ar mée ti mbidi dɔ néra gə́ kori-kori’g ləm gə dɔ kal dɔ godndu’g ləm tɔ, nɛ yeḛ gə́ ta wa dəa mba̰ lé yeḛ a kée gə́ njegelgodo el ləm, yeḛ a kar bo̰ néra gə́ gə goo rəbee el lə bɔ ŋganje ɔs ta ŋgan deeje’g saar teḛ ne dɔ ŋgakadɔg deeje gə́ loo munda əsé sɔ ləm tɔ.

Tel tura Godndu 28:65

Mbuna ginkoji dəwje gə raŋg’g neelé seḭ a kiŋgaje loo-kwa-rɔ gə́ kəm kila dabla gɔl sí keneŋ godo. Njesigənea̰ a kar dɔɓəŋgərə sí unda bala ləm, kəm sí a to ndòo ləma, rɔ sí a si dan meeko̰’g ləm tɔ.

Tel tura Godndu 30:1

Loo gə́ néje lai nee d’a teḛ dɔ sí’g, ndutɔr gə ta ndɔl gə́ ma m’unda no̰ sí’g lé ɓó lé seḭ taa deeje gə meḛ sí mbuna ginkoji dəwje’g lai gə́ Ala lə sí gə́ Njesigənea̰ a gə tuba dee no̰ sí’g ləm,

Tel tura Godndu 5:9

I a kunda barmba dəb kəmi naŋg no̰ dee’g el ləm, i a kula rɔi ndòo mbata lə dee el ləm tɔ, mbata ma Ala ləi gə́ Njesigənea̰ lé m’to Ala gə́ kəm əḭ gə mba njé’g ləm, nɛ deḛ gə́ d’ḛjim bəḭ-bəḭ lé ma m’to njekar bo̰ néraje lə bɔ ŋganje ɔs ta ŋgan deeje’g saar teḛ ne dɔ ŋgaka deeje gə́ njekɔm’g munda əsé sɔ’g tɔ,

Tel tura Godndu 8:20

Seḭ a tujije to gə́ ginkoji dəwje gə raŋg gə́ Njesigənea̰ ar dee tuji pugudu no̰ sí’g bèe to mbata seḭ ooje ndu Ala lə sí gə́ Njesigənea̰ el.