Ləbije 26:38 - Maktub gə́ To gə Kəmee

³⁸ Seḭ a kwəije mbuna ginkoji dəwje gə raŋg’g, tɔɓəi njéba̰je lə sí d’a tuji sí tɔ.

Ləbije 26:38 Iomraidhean Croise

Esai 27:13

Mee ndəa’g neelé d’a kim to̰to̰ gə́ boo, Bèe ɓa deḛ gə́ d’wa dee gə́ ɓər d’aw sə dee Asiri lé D’a tel ree ɓée ləm, Deḛ gə́ d’aḭ d’aw ɓee gə́ Ejiptə kara D’a tel ree ləm tɔ, Ndá deḛ d’a kunda barmba no̰ Njesigənea̰’g Dɔ mbal gə́ to gə kəmee gə́ to Jerusalem.

Jeremi 22:12

Nɛ yeḛ a kwəi mee ɓee gə́ d’wá ɓər d’aw səa keneŋ lé ɓó kəmee a koso dɔ ɓee’g neelé gogo el ŋga.

Jeremi 42:22

Ɓasinè maji kar sí gərje gao to gə́ seḭ a kwəije yoo-kiambas ləm, gə yoo ɓoo-boo ləma, gə yoo-koso ləm tɔ loo gə́ seḭ ndigije kaw síje keneŋ lé.

Ləbije 26:39

Deḛ gə́ mbuna sí’d gə́ d’isi kəmba ɓəi lé d’a kunda ndolé mbata lə néra kori-korije lə dee-deḛ ləm, gə ka̰ bɔ deeje-je ləm tɔ.

Tel tura Godndu 28:48

ndá seḭ a raje né karje njéba̰je lə sí gə́ Njesigənea̰ a gə kula dee kar dee d’ḭ rɔ sə sí lé dan ɓó’g ləm, gə dan kṵdaman’g ləm, gə dan kaw kudu dum’g ləma, gə dan ɓoo-boo’g ləm tɔ, yeḛ a kila néməməna̰ gə́ ra gə larndul gwɔb sí’g saar kar sí uduje ne bo̰.

Tel tura Godndu 28:68

Njesigənea̰ a kar sí telje gə batoje kawje Ejiptə gogo gə rəw gə́ ma m’ula sí kédé m’pana: Seḭ a telje kooje rəw lé gogo el ŋga lé! Lée gə́ neelé ɓa seḭ a rabje rɔ sí karje njéba̰je lə sí ndogo sí gə́ ɓərje gə́ diŋgam gə njé gə́ dené keneŋ, nɛ dəw kára kara a ndogo sí el tɔ.