Ləbije 26:37 - Maktub gə́ To gə Kəmee

³⁷ D’a dar na̰ yo gə́ nee to gə́ d’aar no̰ kiambas’g bèe, lal kar dəw korə dee. Seḭ a kiŋgaje siŋga sí mba kaar ne naŋg gəs no̰ njéba̰je’g lə sí el.

Ləbije 26:37 Iomraidhean Croise

Esai 10:4

Njé gə́ na̰je d’a kwa koŋgoŋ Mbuna ɓərje’g ləm, Njé gə́ raŋg d’a toso naŋg Mbuna njé gə́ d’wəi’g ləm tɔ. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ya ɓəi ləm tɔ.

Jeremi 37:10

Lée seḭ dumje dɔ njérɔje gə́ Kalde gə́ d’aw rɔ sə sí lé lai arje dəwje gə́ d’iŋga doo ya ɓa nai kara deḛ lai lé nana kara a kunda loo mee kəi-surum’g ləa teḛ roo ɓee-boo neelé dula-dula ya.

Jeremi 46:16

Deḛ gə́ yeḛ ar dee d’unda ndolè lé Bula yaa̰, Deḛ tɔr toso dɔ na̰’d gə́ yo gə́ nee Ndá deḛ pana: Ar sí n’telje gə́ rɔ koso-dəwje’g lə sí Gə́ mee ɓee-koji sí’g Gə́ to əw gə kiambas gə́ njetujiloo lé.

Jeremi 6:21

Gelee gə́ nee ɓa Njesigənea̰ pa ne pana: Aa ooje, m’a kar kɔr mbalje To no̰ koso-dəwje’g neelé Gə́ nétuga gɔl dee ya, Ndá bɔ ŋganje gə ŋgan deeje gə́ diŋgam ləm, Njéboataɓeeje gə baokuraje lə dee ləm D’a tuga gɔl dee keneŋ Ndá d’a kudu ne guduru.

Ləbije 26:17

M’a tel girm kar sí ndá njéba̰je lə sí d’a dum dɔ sí, deḛ gə́ d’wa sí gə meḛ dee d’a ko̰ɓee dɔ sí’g ləm, lé tuba sí el kara seḭ a kaḭje gə́ kaḭ ləm tɔ.

Nahum 3:3

Njérɔ gə kundaje d’aw kalaŋ ləm, Kiambasje lə dee kel pəji-pəji ləma, Niŋga-ndəije lə dee ndɔḭ pəl-pəl ləm tɔ. Koso-njérɔje gə́ bula digi-digi d’iŋga doo ləm, Nin dee to naŋg rib-rib ləm, D’wəi gə́ kédé-kédé ləma, Deḛ toso dɔ yoo na̰’g ləm tɔ.

Bula lə Israɛlje 14:42

Maji kar sí awje el! mbata Njesigənea̰ si mbuna sí’g el, ndá arje njéba̰je lə sí d’unda sí d’ɔm sí naŋg el ɓó!

Njéga̰g-Rəwtaje 2:14

Oŋg lə Njesigənea̰ ḭ səa pu dɔ Israɛlje’g ndá yeḛ uba dee ya̰ dee ji gayim-dəwje’g ar dee tuji néje lə dee ləm, yeḛ ar njéba̰je lə dee gə́ gugu dɔ dee sub lé d’wa dee d’ar dee to ɓərje lə dee ləm tɔ ɓó d’askəm kaar naŋg gəs no̰ dee’g el.

Njéga̰g-Rəwtaje 7:22

Dəwje gə́ tɔl-munda (300) lé tel d’im to̰to̰je ya tɔɓəi, ndá mee loo-si dee’g lai lé Njesigənea̰ ar dee-deḛ nja tel tɔs na̰ gə kiambas. Njérɔje d’aḭ saar teḛ Bet-Sita par gə́ Serera saar teḛ ŋgaŋ loo’g lə Abel-Mehola gə́ to ta Tabat’g dəb.

1 Samel 4:2

Pilistije ree d’aar loo-kaar dee’g gə mba rɔ gə Israɛlje ndá rɔ lé ḭ ya tɔ. Pilistije tɔl Israɛlje loo-rɔ’g d’as dəwje tɔl-dɔg-loo-sɔ (4.000) jén bèe.