Ləbije 26:36 - Maktub gə́ To gə Kəmee

³⁶ Deḛ gə́ mbuna sí’d gə́ d’a si kəmba mee ɓee’g lə njéba̰je lə dee lé m’a kar meḛ dee təd mán, kaa kamje gə́ lel ula ne lé a ɓar goo dee’g kar dee d’aḭ, tɔɓəi d’a kaḭ ne gə́ kaḭ to gə́ dəw aḭ ne no̰ kiambas’g bèe ləm, lé dəw tuba dee el kara d’a toso kwəi ləm tɔ.

Ləbije 26:36 Iomraidhean Croise

Gḭ-Néje 35:5

Gée gə́ gogo deḛ d’ɔd d’aw tɔ. Ɓəl Ala gə́ to ɓəl gə́ boo lé oso dɔ ɓee-booje’g lai gə́ gugu dɔ dee ndá deḛ tuba goo ŋgalə Jakob lé el.

Gḭ-Néje 4:12

Loo gə́ i ndɔ-ndɔ ndá dɔ naŋg a kari né ti el. I a to njekaḭta ləm, gə njekilatar mbir-mbir dɔ naŋg’d nee ləm tɔ.

2 Sôrta Gḭka Israɛlje 14:14

Deḛ tuji kəi-nékulje tɔ ndá d’wa badje gə jambalje bula yaa̰ tɔ. Yen ɓa deḛ tel d’aw Jerusalem gogo ɓəi.

Maktub gə́ wɔji dɔ Jɔb 13:25

See i ndigi kula kəm kam gə́ lel unee aw səa lé ndòo ɓəi wa. Esé see i ndigi kɔr mu gə́ tudu lé ɓəi wa.

Pakɔsje 53:5

Deḛ gə́ ra néje gə́ yèr lé See dee gər rəbee el wa. Deḛ gaŋg dəwje ləm mbidi-mbidi D’ar dee to gə́ nésɔ lə dee, Deḛ ɓar ri Ala bèe el.

Pakɔsje 53:6

Yen ɓa d’a kunda bala ndəb ne pəd-pəd Lal ne gin né gə́ bèe gə́ ka̰ kunda ne bala, Ala a sané sḭgarɔ dee-deḛ Gə́ d’aw d’ula kəm dəwje ləa ndòo, I a kila rɔkul dɔ dee’g mbata Ala mbad dee.

Pakɔsje 89:43

Deḛ gə́ d’oma̰ səa lé I un jikɔl dee gə́ tar, I ar rɔ njéba̰je ləa lel dee yaa̰ tɔ.

Gosota-Kəmkàrje 28:1

Njemeeyèr mbudu ŋgwɔd aḭ al kar dəw kore gée ləm, Njemeekarabasur ndá mée kaḭ to gə́ kura toboḭ bèe ləm tɔ.

Esai 30:17

Dəwje tɔl-dɔg (1.000) d’a kaḭ no̰ dəw kára ba gə́ ndaŋg dee ləm, Ndu ndaŋg lə dəwje gə́ mi ba lé Seḭ a kaḭje ne ləm tɔ Saar mba kar sí naije Asəna gə nétɔji bèe dɔ sém mbal’g ləm, Asəna gə nétɔji gə́ to dɔdərloo’g bèe ləm tɔ.

Esai 7:2

Deḛ d’ula ŋgaka Dabidje taree pana: Aramje d’isi mee ɓee gə́ Eprayim. Ndá dɔɓəŋgərə Akaj gə koso-dəwje ləa unda bala tigi-tigi to gə́ kag-mee-kɔrje gə́ lel biri dee gə́ yo gə́ nee bèe.

Esai 7:4

Maji kari ulá pana: Məəi dɔ rɔi’g ɓó ɓəl ləm, ar kaari ndəb no̰ oŋg’d lə Resin gə Aramje gə no̰ ŋgolə Remalia’g el ləm tɔ. Deḛ lé to dɔdum kagje gə́ joo gə́ sa tuu keneŋ ba.

Jeremi 37:10

Lée seḭ dumje dɔ njérɔje gə́ Kalde gə́ d’aw rɔ sə sí lé lai arje dəwje gə́ d’iŋga doo ya ɓa nai kara deḛ lai lé nana kara a kunda loo mee kəi-surum’g ləa teḛ roo ɓee-boo neelé dula-dula ya.

Jeremi 46:16

Deḛ gə́ yeḛ ar dee d’unda ndolè lé Bula yaa̰, Deḛ tɔr toso dɔ na̰’d gə́ yo gə́ nee Ndá deḛ pana: Ar sí n’telje gə́ rɔ koso-dəwje’g lə sí Gə́ mee ɓee-koji sí’g Gə́ to əw gə kiambas gə́ njetujiloo lé.

Nɔ̰-ndôo gə́ wɔji dɔ Jerusalem 1:3

Judaje d’aw ɓee-ɓər’g Ar dee d’ula kəm dee ndòo ləm, D’ɔm boo-kula ɓər dɔ dee’g ləm tɔ, Deḛ d’isi keneŋ mbuna ginkoji dəwje gə́ raŋg’g Nɛ deḛ d’iŋga loo-si lɔm el. Deḛ lai gə́ to njékula kəm dee ndooje lé D’uba dee naŋg bus gə boo-néurtije.

Nɔ̰-ndôo gə́ wɔji dɔ Jerusalem 1:6

Rɔnduba lə ɓee-boo gə́ Sio̰ godo, Mbaije ləa lé to d’asəna gə arkasje Gə́ d’iŋga nésɔ dee el bèe ləm, Deḛ d’aḭ lal siŋga dee No̰ dəw gə́ aw tuba dee lé ləm tɔ.

Nɔ̰-ndôo gə́ wɔji dɔ Jerusalem 4:19

Njékula kəm sí ndooje lé Rɔ dee wɔilɔ pélé-pélé unda niŋgatə̰dəje Gə́ d’aw pə̰ dara’g bèe, Deḛ korə sí dɔ mbalje’g ləm, Deḛ d’um sí dɔdilaloo’g ləm tɔ.

Ejekel 21:12

Ɓó lé d’a dəji pana: See gelee ban ɓa i tuma̰ ne ŋgururu-ŋgururu bèe wa. Ndá a kila dee keneŋ pana: Mbata oo sorta né gə́ majel. Dɔ ɓəŋgərə dəwje lai a gaŋg mán ləm, ji dəwje lai a kunda ndolé ləm, ndil dəwje lai a kunda bala ləma, no̰ kəji dəwje lai a kunda ndolé ləm tɔ. Aa ooje, ta nee si ree, yee ree mba̰! Mbaidɔmbaije gə́ Njesigənea̰ ɓa pa bèe.

Ejekel 21:15

D’ɔlee d’aree adə làm-làm Mba tɔl ne dəwje mburug-mburug ləm, D’usu mba karee ndɔḭ lèd-lèd ləm tɔ. See jeḛ j’a kalje ne rɔ sí wa. Kag-mbai lə ŋgon neḛ ə̰ji kagje gə́ raŋg lai bəḭ-bəḭ.

Ejekel 21:7

I ŋgon-dəw lé maji kari tel kəmi par gə́ Jerusalem pata ila dɔ looje gə́ to gə kəmee! Teg ginta ila dɔ ɓee gə́ Israɛl!

Ojee 8:3

Israɛlje lé d’uba né gə́ maji d’yá̰ nai njḛ̀, Bèe ɓa njeba̰ lə dee a tuba dee ne.

Ləbije 26:17

M’a tel girm kar sí ndá njéba̰je lə sí d’a dum dɔ sí, deḛ gə́ d’wa sí gə meḛ dee d’a ko̰ɓee dɔ sí’g ləm, lé tuba sí el kara seḭ a kaḭje gə́ kaḭ ləm tɔ.

Ləbije 26:35

Mee ləbje lai gə́ yee a to ne gə́ dɔ nduba lé yee a kwa rəa mbata lə mee ləb-kwa-rɔje gə́ yee iŋga el loo gə́ seḭ síje keneŋ lé.

Tel tura Godndu 1:44

Togə́bè ɓa Amɔrje gə́ d’isi dɔ mbal’g neelé teḛ d’iŋga sí gə rɔ d’un sí ne no̰ dee’g to gə́ tə̰jije gə́ tuba dəw bèe, deḛ tɔl sí dɔ mbal gə́ Seir saar teḛ ne Ɔrma.

Jujé 5:1

Mbaije lə Amɔrje lai gə́ d’isi par gə́ dɔ-gó lə baa gə́ Jurdɛ̰ ləm, gə mbaije lə njé gə́ Kana̰ lai gə́ d’isi ta baa-boo-kad’g ləm tɔ lé, loo gə́ d’oo to gə́ Njesigənea̰ ar baa gə́ Jurdɛ̰ kai rəa dana no̰ Israɛlje’g saar ar sí n’dəsje loo gə́ tudu kurum-kurum’g ndá meḛ dee ila kas bilim ləm, ndil dee teḛ rɔ dee’g ləm tɔ gə mbata lə Israɛlje lé ya.

Jujé 7:5

Njé gə́ Ai tɔl dee as dəwje rɔ-munda-gir-dee-misa̰ jén bèe, deḛ tuba goo dee un kudee tarəwɓee’g saar teḛ Sebarim ndá deḛ tɔl dee loo-suru-ɗum gə́ naŋg’d lə dee. Dəwje neelé meḛ dee ila kas ar meḛ dee təd mán tɔ.

1 Samel 17:24

Loo gə́ Israɛlje lai d’oo dəw neelé ndá deḛ d’aḭ nea̰’g mbata siŋgasa wa dee.