Ləbije 26:16 - Maktub gə́ To gə Kəmee

¹⁶ aa ooje, né gə́ m’a gə ra sə sí ɓa nee: M’a kula gə néɓəlje, gə rɔko̰ gə́ sɔ siŋga dəw, gə rɔnuŋga dɔ sí’g ndá kəm sí a to ne ndòo ləm, seḭ a síje dan némeeko̰’g ləm tɔ, seḭ a dubuje né ya nɛ a kiŋgaje née el mbata njéba̰je lə sí d’a sɔ lai.

Ləbije 26:16 Iomraidhean Croise

1 Mbaije 8:37

Loo gə́ ɓoo-boo, gə yoo-koso, gə rɔko̰ kwa moro ɗugugu-ɗugugu, gə rɔko̰ gə́ ar kó oji sum wa ɗugugu-ɗugugu, gə beedéje əsé gabəraje d’a teḛ ne ɓee’g, əsé loo gə́ njéba̰je d’a gugu dɔ koso-dəwje ləi sub mee ɓee’g lə dee saar teḛ tarəwkəije’g lə dee, loo gə́ yoo-koso əsé rɔko̰je gə́ ɓəd-ɓəd d’a teḛ,

Maktub gə́ wɔji dɔ Jɔb 18:11

Néɓəl-boo aḭ dəa sub oma̰ səa ləm, Tuba gée ɓiri-ɓiri ləm tɔ.

Maktub gə́ wɔji dɔ Jɔb 20:25

Yeḛ ɔr kandə ɓandaŋg rəa’g, To né gə́ adə njel-njel gə́ ɔs wurndulee teḛ Ndá ɓəl-yoo dəb dəa’g.

Maktub gə́ wɔji dɔ Jɔb 31:8

Maji kam m’dubu né ndá dəw gə́ raŋg ɓa sɔ ləm, Maji kar dee tɔr kó ləm gə ŋgira rɔd-rɔd ya ləm tɔ.

Pakɔsje 109:6

Maji kari ar njemeeyèr ɓa to dəw dəa ləm, Maji kar njekilatar dɔ loo’g lé Aar tar dɔ jikɔlee’g ləm tɔ.

Pakɔsje 73:19

Kwii! léegəneeya deḛ tuji pugudu! Né gə́ to ɓəl gə́ a tuji dee ləm, Kar dee godo ləm tɔ lé uba dee naŋg bus!

Pakɔsje 78:33

Kṵji təa gə́ teḛ lé yeḛ tuji ne ndɔje lə dee ləm, Né gə́ to ɓəl kədm-kədm teḛ ne dɔ dee’g wai rudu ləbje’g lə dee lé ləm tɔ.

Teḛ-Raga 15:26

Yeḛ pana: Ɓó lé seḭ tugaje mbi sí ooje ne ndu Njesigənea̰, Ala lə sí ləm, lé seḭ raje né gə́ taa kəmee ləm, lé seḭ urje mbi sí ooje ne torndiaje ləma, lé seḭ raje godndiaje ləm tɔ ndá rɔko̰je gə́ ɓəd-ɓəd gə́ m’tuji ne njé gə́ Ejiptə lé m’a tuji sí ne el, mbata ma lé m’to Njesigənea̰ gə́ njekaji sí ya.

Gosota-Kəmkàrje 3:33

Ndɔl lə Njesigənea̰ To mee kəi’g lə njémeeyèrje Nɛ yeḛ tɔr ndia dɔ loo-si njémeekarabasurje’g.

Esai 10:4

Njé gə́ na̰je d’a kwa koŋgoŋ Mbuna ɓərje’g ləm, Njé gə́ raŋg d’a toso naŋg Mbuna njé gə́ d’wəi’g ləm tɔ. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ya ɓəi ləm tɔ.

Esai 62:8

Njesigənea̰ man rəa gə goo ji siŋgamoŋ ləa Ndá yeḛ pana: N’a kun kó ləi kar njéba̰je ləi D’ul ne rɔ dee nda̰ el ləm, Ŋgalə dəw-dɔ-ɓeeje d’a kai mán-nduú ləi Gə́ to kandə néndɔje ləi lé nda̰ el ləm tɔ.

Esai 7:2

Deḛ d’ula ŋgaka Dabidje taree pana: Aramje d’isi mee ɓee gə́ Eprayim. Ndá dɔɓəŋgərə Akaj gə koso-dəwje ləa unda bala tigi-tigi to gə́ kag-mee-kɔrje gə́ lel biri dee gə́ yo gə́ nee bèe.

Jeremi 12:13

Deḛ dubu kó nɛ kun ɓa d’inja ləm, Deḛ dao ne dao-dao lal kiŋga né keneŋ ləm tɔ. Maji kar sí naije gə rɔkul dɔ né gə́ seḭ injaje’g Gə goo oŋg lə Njesigənea̰ gə́ taa pər lam-lam lé.

Jeremi 15:3

Njesigənea̰ pana: N’a kula gə nétujije ɓəd-ɓəd as sɔ dɔ dee’g (kiambas mba tɔl dee ne ləm, bisije mba ndɔr dee naŋg kaw sə dee əw ləma, gə yelje gə daje gə́ wala gə mba sɔ dee kar dee godo ləm tɔ).

Jeremi 15:8

Njékəisiŋgaje lə dee Bula d’unda nagəra gə́ ta baa’g, N’ar njetuji oso dɔ dee’g gə dɔ ko̰ basa’g Loo gə́ kàr aar daŋdɔ. Neḛ n’ar néɓəŋgərəti Gə néɓəl-boo teḛ dɔ dee’g wai.

Jeremi 20:4

Mbata Njesigənea̰ pa togə́bè pana: Aa oo, i seḭ gə baokuraje ləi lai n’a gə kɔm sí dan boo-néɓel’g. Deḛ d’a kwəi yoo-kiambas lə njéba̰je lə dee ndá i a koo gə kəmi. Judaje lai kara n’a kuba dee kya̰ dee meḛ ji mbai gə́ Babilɔn’g karee wa dee ɓər aw sə dee Babilɔn ləm, karee tɔl dee gə kiambas ləm tɔ.

Jeremi 5:17

D’a rɔm koje lə sí lai gə muru lə sí ləm, D’a tɔl ŋgan síje gə́ diŋgam gə njé gə́ dené ləm, D’a sɔ badje gə maŋgje lə sí ləm, D’a sɔ nduúje gə kodéje lə sí ləma, D’a tuji ɓee-booje lə sí gə́ siŋga dee to Gə́ seḭ ɔmje meḛ sí dɔ’g lé Gə kiambas ləm tɔ.

Ejekel 24:23

jɔg lə sí a to dɔ sí’g ya ləm, négɔlje lə sí a to gɔl sí’g ya ləm, seḭ a kwaje ndòo yoo el ləma, seḭ a no̰je el ləm tɔ. Nɛ seḭ a kundaje ndolè mbata néra majelje lə sí ləm, seḭ a tuma̰je ŋgururu-ŋgururu mbuna na̰’g ləm tɔ.

Ejekel 33:10

Ma ŋgon-dəw lé maji kam m’ula gel-bɔje lə Israɛl m’pana: Seḭ pajena: Kaltaje lə sí gə kaiya ra síje wa dɔ síjeḛ ya, gelee gə́ nee ɓa jeḛ j’undaje ne ndolè gə mbəa, see j’a kaskəm si kəmba to gə́ ban wa.

Amɔs 5:11

Bèe ndá to gə́ seḭ tubaje njéndooje naŋg ləm, Seḭ waje koje lə dee taaje ləma, Seḭ undaje kəije gə mbalje gə́ tɔl dee ləm tɔ Nɛ seḭ a síje keneŋ el, Seḭ waje ndɔ-nduúje gə́ maji yaa̰ Nɛ seḭ a kaije mán dee el tɔ.

Misee 6:15

Seḭ a dubuje kó ya Nɛ a kinjaje dəa el ləm, Seḭ a kasje ubu kandə koiyo ya Nɛ a ndèmje ubee el ləma, Seḭ a mbulaje kandə nduú ya Nɛ a kaije manee el ləm tɔ.

Ajee 1:6

Seḭ dubuje kó gə tadee rəg-rəg ya nɛ seḭ injaje lam ba bèe. Seḭ sɔje né yaa̰ ya nɛ ndanje ndanee el. Seḭ aije né yaa̰ ya nɛ tɔlje ne kunda lə sí el. Seḭ ulaje kubu ya nɛ rɔ sí nuŋga ne so el tɔ. Nédɔji lə yeḛ gə́ ra kula ar maree godo kalaŋ asəna gə né gə́ ɔm mee ɓɔl gə́ kəmee mbudu’g bèe.

Jakari 14:12

Aa ooje, yoo-koso gə́ Njesigənea̰ a kunda ne koso-dəwje lai Gə́ d’a kḭ rɔ gə Jerusalem ɓa nee: Darɔ dee a ndum koso ludu Loo gə́ d’a kaar tar gə gɔl dee ya ɓəi ləm, Kəm dee a ndum koso ndərəg mee toree’g ləma, Ndo̰ dee kara a ndum koso ludu mee kil dee’g ləm tɔ.

Malasi 2:3

Aa ooje, m’a tuji ŋgaka síje ləm, m’a ɓugu siḭ kəm sí’g ləm tɔ, to siḭ nékulje gə́ seḭ inja deeje gə́ məs lé ya ndá d’a kodo sí-seḭ sə deeje na̰’d kɔm sí kɔrɔ.

Tel tura Godndu 28:51

Deḛ d’a sɔ ŋgan nékulje lə sí gə kandə néje gə́ dɔ naŋg’d lə sí saar kar sí godoje ne, d’a kya̰ kó lə sí el ləm, gə mán-nduú lə sí el ləm, gə ubu lə sí el ləma, ŋgan nékulje lə sí gə́ boi-boi əsé njé gə́ lam-lam el ləm tɔ saar kar sí uduje ne bo̰.

Tel tura Godndu 32:25

Loo gə́ raga lé d’a kwəi Yoo-kiambas ləm, Loo gə́ kəi kara d’a kwəi Yoo-ɓəl ləm tɔ: A to togə́bè mbata lə basaje Gə ŋgama̰dje ləm, Mbata ŋganje gə́ ta mbà’g Gə ɓugaje ləm tɔ.

Ǝbrəje 10:31

Koso gə́ dəw a koso ji Ala gə́ njesikəmba’g lé a to né gə́ to ɓəl kədm-kədm.

Njéga̰g-Rəwtaje 6:11

Kura lə Njesigənea̰ gə́ dara ree si gel kag-terebḭtə gə́ Opra gə́ to ka̰ Joas, gə́ to gel bɔ lə Abiejer. Gedeo̰ gə́ to ŋgonee lé aar unda kó loo-kundá’g mba kodo kaḭ ne Madianje.

1 Samel 2:33

N’a kya̰ dəw kára mbuna njé’g ləi’g mbɔr loo-nékinjaməs’g lə neḛ gə mba kar no̰ tɔ kəmi ləm, kari si ne dan kəmndoo’g ləm tɔ. Nɛ deḛ lai gə́ mee kəi’g ləi lé d’a kwəi loo gə́ siŋga dee to ne kɔgərɔ-kɔgərɔ ya ɓəi.