Ləbije 26:15 - Maktub gə́ To gə Kəmee

¹⁵ seḭ ə̰jije godndumje bəḭ-bəḭ ləma, seḭ ooje ndukunje ləm gə́ né gə́ ram kəm sí’g gə mba ra ne godndumje lai el ɓa gaŋgje ne kúla manrɔ ləm gə́ ma man ne rɔm m’ar sí lé ləm tɔ ndá

Ləbije 26:15 Iomraidhean Croise

Gḭ-Néje 17:14

Diŋgam gə́ lal kinja tamɔdee, gə́ deḛ d’inja tamɔdee el lé d’a karee udu bo̰ mbuna koso-dəwje’g ləa, mbata yeḛ ɔs ta manrɔ ləm ŋgərəŋ.

2 Mbaije 17:15

Deḛ d’uba godndiaje d’ya̰ ləm, gə ta manrɔ ləa gə́ yeḛ man ne rəa ar bɔ deeje-je ləma, gə ta ndəji kɔrje gə́ yeḛ ndəji dee ləm tɔ lé d’ya̰. Deḛ d’aw goo néje gə́ gə mḭdé ba ar dee nja kara tel to ne néje gə́ gə mḭdé ba ya tɔ, ndolè ne goo ginkoji dəwje gə raŋg gə́ gugu gir dee gə́ Njesigənea̰ ɔg dee dɔ ndaji kəm dee’g lé.

2 Sôrta Gḭka Israɛlje 36:16

Nɛ deḛ d’ula sul dɔ njékaḭkulaje’g lə Ala d’ə̰ji dee ne bəḭ-bəḭ ləm, d’unda njéteggintaje lé gə́ nékogo ləm tɔ saar d’ar oŋg lə Njesigənea̰ ḭ ne səa dɔ koso-dəwje’g ləa ar loo kwa ŋgaŋgee godo tɔ.

Pakɔsje 50:17

Ta gə́ d’wɔjii lé i ə̰ji bəḭ-bəḭ ləm, Taje lə neḛ kara i mbad ya ləm tɔ.

Teḛ-Raga 19:5

Ɓasinè lé ɓó lé seḭ ooje ndum ləm, gə seḭ aarje dɔ ndu manrɔ’g ləm ləm tɔ ndá seḭ a toje dəwje ləm ma ya doŋgɔ mbuna dəwje’g lai mbata dɔ naŋg nee lai lé to kama ya ,

Teḛ-Raga 24:7

Yeḛ un maktub manrɔ tura kəm dəwje’g, ndá deḛ pana: Jeḛ j’a raje néje lai gə́ Njesigənea̰ pa ləm, j’a kilaje ŋgonkoji dəa’g ləm tɔ.

Gosota-Kəmkàrje 1:30

Deḛ ndigi takwɔji-kəmkàr ləm el ləma, Ta̰dəjije ləm lai lé kara D’oo gə́ né el ləm tɔ.

Gosota-Kəmkàrje 1:7

Ɓəl Njesigənea̰ ɓa To gin gosonégər gə́ dɔtar, Mbəje lé d’ə̰ji takəmkàr Gə tandoo lé bəḭ-bəḭ.

Gosota-Kəmkàrje 5:12

Ndá i a pa pana: See to gə́ ban ɓa ma m’ə̰ji ta Gə́ deḛ gɔlm ne lé bəḭ-bəḭ ləm Meem mbad ta gə́ deḛ pa səm lé ləm,

Esai 24:5

Ɓee lé dəwje gə́ d’isi keneŋ d’aree mina̰ Mbata deḛ d’al ta ta godndu Njesigənea̰’g ləm, D’ɔs ndukunje ləa rəw ləma, Deḛ gaŋg kúla manrɔ ləa gə́ to gə no̰ lé ləm tɔ.

Jeremi 11:10

Deḛ tel d’uru dan néraje gə́ kori-kori’g lə bɔ deeje-je gə́ dɔtar gə́ mbad koo taje ləm lé ləm, deḛ ndolè goo magəje gə́ dɔ ɓee’g ɓa pole dee ləm tɔ. Gel-bɔje lə Israɛl gə gel-bɔje lə Juda d’uba goo ta manrɔ lə neḛ gə́ n’ar bɔ deeje-je lé d’ya̰ ya.

Jeremi 31:32

Manrɔ gə́ sigi neelé a to kasəna gə yee gə́ ma man ne rɔm m’ar bɔ deeje-je mee ndɔ gə́ m’wa ji dee m’ɔr dee ne wɔgədɔ mee ɓee gə́ Ejiptə’g m’teḛ sə dee lé el. Ma m’to gə́ ɓée deeje ya nɛ lé bèe kara d’uba manrɔ neelé d’ya̰. Njesigənea̰ ɓa pa bèe.

Jeremi 6:19

I dɔ naŋg neelé maji kari oo ta, Aa oo, m’a gə kar némeeko̰ ree Dɔ koso-dəwje’g neelé Gə goo kandə takə̰jije lə dee, Mbata deḛ d’ur mbi dee Dɔ taje’g ləm el ləm, Deḛ d’ə̰ji godndum bəḭ-bəḭ ləm tɔ.

Ejekel 16:59

Mbata Mbaidɔmbaije gə́ Njesigənea̰ pa togə́bè pana: N’a ra səi né to gə́ i ra lé, i gə́ ə̰ji ta rɔkubu bəḭ-bəḭ gaŋg ne kúla manrɔ lé.

Ləbije 26:11

M’a kar kəi-sim to mbuna sí’g ləm, m’a tel girm kila kar sí el ləm tɔ.

Ləbije 26:43

D’a kuba ɓee lə dee kya̰, tɔɓəi dɔ naŋg a kal rəa mee ləb-kwa-rɔje’g ləa loo gə́ yee a nai ne gə́ dɔ nduba gə́ əw sə dee, d’a kuga ɓaŋg néra gə́ kori-korije lə dee mbata deḛ d’ə̰ji ndukunje ləm bəḭ-bəḭ ləm, d’oo godndumje gə́ né gə́ ram kəm dee’g ləm tɔ.

Ləbije 26:9

M’a ra sə sí meemaji kar sí ojije ŋganje bula ləm, kar bula lə sí ḭ ne dɔ maree’g gə́ kédé-kédé ləma, m’a kar manrɔ ləm tɔ njaŋg gə mbata lə sí ləm tɔ.

Malasi 2:2

Njesigənea̰ gə́ njeboo-néje lé pana: Ɓó lé seḭ ooje ta el ləm, əsé arje ta kula rɔnduba dɔ rim’g lé wa dɔɓəŋgərə sí el ləm tɔ ndá m’a kar ndɔl oso mbuna sí’g ləm, m’a kila ndɔl dɔ nétɔrnduje’g lə sí ləm tɔ. Oiyo, m’a kila ndɔl dɔ’g ya mbata seḭ arje taree wa dɔɓəŋgərə sí el.

Bula lə Israɛlje 15:31

Mbata yeḛ ə̰ji ta lə Njesigənea̰ bəḭ-bəḭ ləm, yeḛ tuji godndu ləm tɔ, yeḛ neelé d’a kɔree ləm, ta néra kori-kori ləa kara a kwa dəa ləm tɔ.

Néra Njékaḭkulaje 13:41

Seḭ njékimlooje, aaje loo ooje, Arje meḛ sí ndəb pəd-pəd ɓó gə uduje ne, Mbata né gə́ n’a gə ra ɓó lé d’ɔr soree d’ar sí kédé kara seḭ a taaje gə meḛ sí el, Nɛ n’a ra né mee ndəa gə́ seḭ a síje keneŋ gə kəmə sí ɓəi ya.

Njé gə́ Rɔmə 8:7

Yeḛ gə́ wa goo rəa dɔ darɔ’g ndá yeḛ wa ba̰ gə Ala, mbata darɔ lé oso kul dɔ godndu Ala’g lé el mbata asəna̰’d aree el.

Tel tura Godndu 31:16

Njesigənea̰ ula Moyis pana: Aa oo, i a gə kwəi. Ndá dəwje neelé d’a gə kḭ kubam kya̰’m gə mba goo magəje gə́ dɔɓee’d gə́ d’andə mbuna dee’g lé. D’a gə kubam kya̰’m ləm, d’a gə kal dɔ manrɔ ləm gə́ ma man m’ar dee lé ləm tɔ.

1 Njé gə́ Tesalonikə 4:8

Gelee gə́ nee ɓa, yeḛ gə́ ɔs ta ndoo neelé rəw ndá Ala gə́ njekar Ndil gə́ to gə kəmee to meḛ sí’g ɓa yeḛ ɔsee rəw kən ɓó dəw gə́ kari ba el.

Ǝbrəje 8:9

Manrɔ gə́ sigi lé a to kasəna gə yeḛ gə́ ləw gə́ ma man ne rɔm m’ar bɔ deeje el. To ndɔ gə́ m’wa ji dee wɔgədɔ m’ɔr dee Ejiptə’g m’teḛ sə dee Mbata deḛ d’ai meḛ dee sam-sam dɔ manrɔ’g ləm el, Bèe ɓa ma kara dɔm to̰ ne kəw el. Mbaidɔmbaije ɓa pa bèe.

1 Samel 12:15

Nɛ ɓó lé seḭ ilaje koji dɔ godndu Njesigənea̰’g el ləm, seḭ toje njékɔs ta lə Njesigənea̰ rəwje ləm tɔ ndá ji Njesigənea̰ a rɔ sə sí to gə́ rɔ ne gə bɔ síje-je bèe ya tɔ.