Ləbije 26:10 - Maktub gə́ To gə Kəmee

¹⁰ Seḭ a sɔje koje gə́ kal ndá seḭ a kɔrje njé’g ləw gə́ nai mba taa toree gə njé gə́ sigi.

Ləbije 26:10 Iomraidhean Croise

2 Mbaije 19:29

Maji kar né neelé to gə́ nétɔji: D’a sɔ kandə kó gə́ uba gə́ karee ba mee ləb gə́ nee, tɔɓəi kal gə́ njekorè gée gə́ raŋg ndá d’a sɔ da-kó ya ɓəi, nɛ ləb gə́ njekɔm’g munda ndá seḭ a dubuje kó ɓa seḭ a kinjaje ləm, seḭ a ndɔje nduúje ɓa a sɔje kandə dee ləm tɔ.

Joɛl 2:24

Ko a taa loo-kundaje pəl-pəl ləm, Man-nduú gə́ kul gə ubu d’a rusu dura mbula Kandə-nduúje rḛ́dḛ́g-rḛ́dḛ́g ləm tɔ.

Ləbije 25:22

Seḭ a dubuje né mee ləb gə́ jinaijoo’g ndá seḭ a sɔje kandə néje gə́ seḭ injaje kédé lé, saar ləb gə́ njekɔm’g jinaikara ləm, saar loo kinja njé gə́ sigi’g ləm tɔ kara seḭ a sɔje yee gə́ ləw ya ɓəi.

Lugu 12:17

Yeḛ ə̰ji ta mée’g pana: See n’a ra ba̰ ŋga wa. Mbata neḛ n’oo loo as gə mba mbula kó lə neḛ keneŋ el.

Jujé 5:11

Bèlè gə́ njekorè goo ndɔ Pag lé deḛ d’usɔ kandə néje gə́ mee ɓee’g neelé ləm, gə muru gə́ lal əm-tiné ləma, gə kandə néje gə́ ndao ləm tɔ, deḛ d’usɔ néje neelé mee ndəa gə́ kára ba ya.