Ləbije 25:9 - Maktub gə́ To gə Kəmee

⁹ Ndɔ dɔg lə naḭ gə́ njekɔm’g siri lé seḭ a karje ndu to̰to̰ ɓar ɔr loo lɔi-lɔi, ndɔ kiŋga meekoso lemsé dɔ kaiya’g lé kara seḭ a kimje to̰to̰ gə looje lai-lai mee ɓee’g lə sí tɔ.

Ləbije 25:9 Iomraidhean Croise

Pakɔsje 89:15

Ta gə́ to gə dɔ najee gə néra gə́ danasur lé ɓa gə́ gin kalimbai ləi ləm, Meemaji gə meenda londoŋ ləi lé to nɔḭ’g ya ləm tɔ.

Pakɔsje 89:16

Koso-dəwje gə́ gər ndu to̰to̰ gə́ ɓar lé rɔ dee lel dee, Ǝi Njesigənea̰, deḛ njaa kəmi’g raga ɗaŋg-ɗaŋg ya.

Esai 27:13

Mee ndəa’g neelé d’a kim to̰to̰ gə́ boo, Bèe ɓa deḛ gə́ d’wa dee gə́ ɓər d’aw sə dee Asiri lé D’a tel ree ɓée ləm, Deḛ gə́ d’aḭ d’aw ɓee gə́ Ejiptə kara D’a tel ree ləm tɔ, Ndá deḛ d’a kunda barmba no̰ Njesigənea̰’g Dɔ mbal gə́ to gə kəmee gə́ to Jerusalem.

Ləbije 16:20

Loo gə́ yeḛ tɔl kula gə́ wɔji dɔ kɔr ndɔl kaiya dɔ kəi gə́ to gə kəmee’g ləm, gə dɔ kəi-kubu-kiŋga-na̰’g ləma, gə dɔ loo-nékinjaməs’g ləm tɔ ndá yeḛ a kar dee ree gə bàl bya̰ gə́ nai kəmba lé.

Ləbije 16:29

Yee gə́ nee ɓa to godndu gə́ to saar gə no̰ mbata lə sí: ndɔ dɔg lə naḭ gə́ njekɔm’g siri lé seḭ a saŋgje rɔ sí ləm, seḭ a raje kula kára kara el ləm tɔ, lé gə́ kojiɓee əsé dəw-dɔ-ɓee gə́ si mbuna sí’g kara a ra bèe ya.

Ləbije 16:30

Mbata mee ndəa’g neelé d’a ra né gə mba kuga ne dɔ kaiya lə sí mba kar sí àrje ne kar ta kaiyaje lə sí lai a kɔr ne dɔ sí’g no̰ Njesigənea̰’g tɔ.

Ləbije 23:24

pana: Ula Israɛlje pana: Ndɔ gə́ dɔtar lə naḭ gə́ njekɔm’g siri lé a to ndɔ-kwa-rɔ sí gə́ seḭ a ɓarje ne Njesigənea̰ wəl-wəl ləm, seḭ a mbo̰je ne dɔ na̰ kwamje ne meḛ sí’g ləm tɔ.

Ləbije 23:27

Ndɔ gə́ dɔg lə naḭ gə́ siri neelé a to ndɔ gə́ wɔji dɔ kiŋga meekoso lemsé dɔ kaiya’g: seḭ a mbo̰je dɔ na̰ kwamje meḛ sí’g ləm, seḭ a kwaje ndòo ləma, seḭ a kinjaje nékinjanéməsje gə́ ka̰ roo karje Njesigənea̰ ləm tɔ.

Ləbije 25:8

Seḭ a turaje ləb-kwa-rɔje gə́ siri, ləbje siri gɔl siri tɔɓəi bula lə ləb-kwa-rɔje gə́ siri lé d’a kaḭ as ləb rɔ-sɔ-giree-jinaikara tɔ.

Ləbije 27:17

Ɓó lé yeḛ wa ndɔ ləa unda gə kəmee un kudee mee ləb Jubile’g ndá gadee gə́ d’wɔji lé d’a kaar dɔ’g njaŋg ya,

Ləbije 27:24

Mee ləb Jubile’g lé ndɔ neelé a tel to ka̰ yeḛ gə́ ar maree ndogo səa ləm, a tel to nénduba ləa gogo ləm tɔ.

Bula lə Israɛlje 10:10

Mee ndɔje lə sí gə́ ka̰ kalrɔ ləm, mee ndɔje lə sí gə́ ka̰ ra naḭ ləma, gə mee ndɔje lə sí gə́ ka̰ ra naḭ gə́ teḛ sigi ləm tɔ lé seḭ a kimje to̰to̰je loo gə́ seḭ injaje nékinjanéməsje gə́ ka̰ roo ləm, gə nékinjanéməsje gə́ ka̰ kɔm na̰’d sad ləm tɔ ndá néje neelé a kar mee Ala lə sí olé ne dɔ sí’g. Ma m’to Njesigənea̰, Ala lə sí ya.

Bula lə Israɛlje 36:4

Loo gə́ ləb kalrɔ lə ŋgan Israɛlje gə́ baree naḭ jubile lé a teḛ ndá d’a kila nénduba lə dee dɔ ka̰ yeḛ gə́ ginkoji ləa raŋg gə́ deḛ təa lé ndá d’a kɔr nénduba neelé ji yeḛ gə́ ginkojee to gə́ ginkoji’g lə bɔ síje lé.

Njé gə́ Rɔmə 10:18

Nɛ ma m’pana: See Israɛlje d’oo ta neelé el wa. Deḛ d’oo ya. Ndu dee ɓar ɔr rudu naŋg nee rɔd ya ləm, Ta lə dee ɔr gwɔi naŋg nee njal ləm tɔ.

Njé gə́ Rɔmə 15:19

Yeḛ nja ɓa am siŋgamoŋ mba ra ne némɔrije gə né gə́ dum ra ləm, yeḛ ar siŋgamoŋ lə Ndil Ala nai səm ləm tɔ. Yee ɓa m’ila ne mber tagə́maji lə Kristi m’aree taa ne loo pəl-pəl un kudee Jerusalem saar teḛ Ilyri.

1 Njé gə́ Tesalonikə 1:8

Tɔgərɔ ya, ta lə Mbaidɔmbaije lé ḭ rɔ sí’g oso ɓeeko̰ gə́ Masedoinə ləm gə Akai ləm gə karee el nɛ kɔm gə́ seḭ ɔmje meḛ sí dɔ Ala’g lé nea̰ oso gə loo mbidi-mbidi ar dəwje lai d’oo mba̰ ɓó loo to̰ tamee godo ŋga.

Jujé 6:4

Njékinjanéməsje siri d’a kwa to̰to̰je siri gə́ ra gə gaji badə ji dee’g ɓa d’a njaa ne no̰ sa̰duk-manrɔ’g. Tɔɓəi ndɔ gə́ njekɔm’g siri lé ndá seḭ a njaaje guguje dɔ ɓee lé as gɔl siri tɔ. Ndá njékinjanéməsje lé d’a kim to̰to̰je lé tɔ.