Ləbije 25:6 - Maktub gə́ To gə Kəmee

⁶ Ɓó lé seḭ ndɔje ndɔ mee ləb-kwa-rɔ’g lə dɔ naŋg lé el kara yee a kinja gə nésɔ sí ləm, gə ka̰ kuraje lə sí gə́ diŋgam əsé njé gə́ dené ləm, gə ka̰ kuraje lə sí gə́ ra kula mba kiŋga ne lar ləm, gə ka̰ dəw-dɔ-ɓeeje gə́ d’isi sə si na̰’d ləm,

Ləbije 25:6 Iomraidhean Croise

2 Mbaije 19:29

Maji kar né neelé to gə́ nétɔji: D’a sɔ kandə kó gə́ uba gə́ karee ba mee ləb gə́ nee, tɔɓəi kal gə́ njekorè gée gə́ raŋg ndá d’a sɔ da-kó ya ɓəi, nɛ ləb gə́ njekɔm’g munda ndá seḭ a dubuje kó ɓa seḭ a kinjaje ləm, seḭ a ndɔje nduúje ɓa a sɔje kandə dee ləm tɔ.

Teḛ-Raga 23:11

Nɛ ləb gə́ njekɔm’g siri lé seḭ a kya̰je loo ndɔ neelé kaareeje wa rəa: njéndooje gə́ mbuna dəwje’g lə sí lé d’a kiŋga nésɔje keneŋ kar meḛ dee lel dee ləm, daje gə́ mee ndɔ’g kara d’a sɔ geseje gə́ nai keneŋ ləm tɔ. Seḭ a raje togə́bè mbata ndɔ nduú lə sí ləm gə mbata kag koiyoje lə sí ləm tɔ.

Ləbije 25:20

Loo gə́ seḭ a pajena: Lé j’a gə dubu né el ləm, j’a gə kinja né el ləm tɔ ndá see ɗi ɓa j’a sɔ mee ləb gə́ njekɔm’g siri lé wa.

Ləbije 25:21

M’a tɔr ndum dɔ sí’g mee ləb gə́ njekɔm’g misa̰ ndá dɔ naŋg a kar sí kandə néje gə́ a kas sí kəm ləb munda.

Ləbije 25:5

Seḭ a tḭjaje dɔ kó gə́ ka̰dee ɔm naŋg loo-kinja-kó gə́ kédé ɓa uba lé el ləm, seḭ a tḭjaje kandə nduú gə́ lal tḭja barkəmeeje el ləm tɔ. A to ləb-kwa-rɔ lə dɔ naŋg lé.

Ləbije 25:7

a to ka̰ nékulje lə sí ləma, gə ka̰ daje gə́ wala mee ɓee’g lə sí ləm tɔ, néje lai gə́ seḭ iŋgaje naŋg lé a to gə́ nésɔ sí ya.

Néra Njékaḭkulaje 2:44

Deḛ lai gə́ d’un meḛ dee lé deḛ ra ɓee loo kára ba ləm, d’ɔm néje lə dee na̰’d loo kára ba ləm tɔ.

Néra Njékaḭkulaje 4:32

Koso-dəwje gə́ d’un meḛ dee neelé d’ɔm meḛ dee na̰’d sad d’isi d’asəna gə dəw gə́ kára ba bèe. Dəw kára kara mbuna dee’g oo néje ləa gə́ né kea̰-yeḛ nja gə karee el, nɛ deḛ lai d’oo néje lə dee gə́ ka̰ na̰ ya.