Ləbije 25:48 - Maktub gə́ To gə Kəmee

⁴⁸ d’a kaskəm kuga dəa goo ndogo gə́ yeḛ ar dee ndogee’g ya, ŋgokea̰ gə́ kára mbuna mareeje’g askəm kuga dəa ya tɔ.

Ləbije 25:48 Iomraidhean Croise

2 Mbaije 4:1

Dené kára mbuna denéje’g lə njéteggintaje ra ndòo rɔ Elije’g pana: Ŋgabmje gə́ to kura ləi lé wəi, nɛ i gər gao to gə́ yeḛ lé to njekwa Njesigənea̰ mée’g. Nɛ njeɓaŋ ree mba taa ŋganəmje gə́ joo gə mba kwa dee gə́ ɓərje ləa.

Nehemi 5:5

Lé bèe ya kara darɔ sí to asəna gə darɔ ŋgako̰ síje ya ləm, ŋgan síjeḛje to d’asəna gə ŋgan dee-deḛje ya ləm tɔ, nɛ aa ooje, jeḛ j’arje ŋgan síje gə́ diŋgam gə njé gə́ dené ra kula ɓər tɔɓəi ŋgan síje gə́ dené gə́ na̰je tel to ne ɓərje mba̰ tɔ, jeḛ kara siŋga sí godo ləm, ndɔje lə sí gə ndɔ-nduúje lə sí to ka̰ njé gə́ raŋg ləm tɔ.

Nehemi 5:8

Ndá m’ula dee m’pana: Gə goo siŋga sí lé ɓa jeḛ n’telje j’ugaje ne dɔ ŋgako̰ síje gə́ to Jibje gə́ ginkoji dəwje gə́ raŋg ndogo dee lé. Nɛ seḭ lé seḭ ndogoje ŋgako̰ síje ŋga see jeḛ ya tɔɓəi j’a tel ndogo deeje wa. Deḛ d’isi guu ɓó d’oo ta gə́ kəm tel kilam keneŋ el.

Ləbije 25:25

Ɓó lé ŋgokɔḭ tel to gə́ njendoo ɓa wa ges dɔ nduba ləa tona ne lar ndá dəw gə́ to ta ləa mba kuga dəa gə́ to njenoji ləa gə́ pər gə́ ur dɔ mareeje’g lé a ree mba kuga dɔ né gə́ ŋgokea̰ wa tona ne lar lé.

Ləbije 25:35

Ɓó lé ŋgoko̰ sí tel to gə́ njendoo gə́ né godo jia’g ndá seḭ a laaje səa mbata to gə́ yeḛ to dəw-dɔ-ɓee gə́ si mee ɓee’g lə sí lé, gə mba karee si ne sə sí tɔ.

Ləbije 25:47

Ɓó lé dəw-dɔ-ɓee gə́ si sə sí tel to gə́ bao ɓa ŋgoko̰ sí gə́ si mbɔr sí’g tel to gə́ njendoo ar dəw-dɔ-ɓee gə́ si sə sí əsé dəw kára mbuna njémeekəije’g lə dəw-dɔ-ɓee lé ndogee ndá

Ləbije 25:49

Ŋgoko̰ bɔbeeje əsé ŋgon mee ŋgoko̰ bɔbeeje gə́ diŋgam əsé yeḛ gə́ kára mbuna njénojije’g ləa gə́ gəd lé a kaskəm kuga dəa, əsé ɓó lé néje ləa-yeḛ as ndá yeḛ nja a kuga dɔ rəa tɔ.