Ləbije 25:23 - Maktub gə́ To gə Kəmee

²³ Dɔ naŋg lə sí lé seḭ a kar deeje ndogo sə sí gə no̰ el, mbata ɓee neelé to kama ləm, seḭ síje səm keneŋ asəna gə dəw-dɔ-ɓeeje bèe ləm tɔ.

Ləbije 25:23 Iomraidhean Croise

Gḭ-Néje 23:4

Ma m’to dəw-dɔ-ɓee gə́ m’isi mbuna sí’g. Amje loo kára gə́ rɔ sí’g nee gə́ dɔɓar mba karm m’dubu yoo-dené ləm keneŋ kam m’oo yée nɔm’g bèe el.

Gḭ-Néje 47:9

Jakob ila Parao̰ keneŋ pana: Ləbje gə́ m’isi ne kəmba asəna̰ gə mbá bèe lé aḭ tɔl-dəa-rɔ-munda (130). Ndɔje lə ləbje gə́ m’isi ne kəmba lé aḭ bula el ləm, majel yaa̰ ləm tɔ ɓó bula as gə ndɔje lə bɔmje-je gə́ d’isi ne kəmba asəna gə mbáje bèe lé el tɔ.

1 Mbaije 21:3

Nɛ Nabot tel ila Akab’g pana: Maji kar Njesigənea̰ ɔgm dɔ kun nénduba gə́ to né ka̰ kamje-je kari ya!

1 Sôrta Gḭka-Israɛlje 29:15

Jeḛ j’isi nɔḭ’g asəna gə mbáje gə njédə̰tarje to gə́ bɔ síje-je lai bèe, ndɔ si kəmba lə sí dɔ naŋg nee to asəna gə ndil kag bèe ndá nékunda mee yel dɔ’g kára kara godo.

2 Sôrta Gḭka Israɛlje 7:20

m’a tɔr sí mee ɓee’g ləm gə́ ma m’ar sí lé ləm, m’a kɔr rɔm mee kəi’g nee gə́ m’unda gə kəmee gə́ rim ɓar keneŋ kunda rɔm ŋgərəŋ ləm tɔ ndá kəi neelé a to nédəjindu gə nékogo mbuna ginkoji dəwje gə raŋg’g lai ya.

Pakɔsje 119:19

Ma lé m’to gə́ mbá dɔ naŋg nee, Bèe ndá maji kari lɔm səm dɔ godnduije lé el.

Pakɔsje 24:1

Pa lə Dabid Naŋg neelé gə néje lai gə́ to keneŋ ləm, Dɔ naŋg neelé gə dəwje gə́ d’isi keneŋ ləm tɔ lé Deḛ to ka̰ Njesigənea̰ nja kára ba.

Pakɔsje 39:12

I lé ar bo̰ néra dəw ɔs təa’g Gə goo néra kori-korije ləa ləm, Né ləa gə́ maji dum maree lé I tuji to gə́ diri tuji ne né bèe ləm tɔ. Tɔgərɔ ya, dəw gə́ rara gə́ aar tar lé To asəna gə kəmə gə́ kila pugudu bèe.

Pakɔsje 39:13

Njesigənea̰, maji kari oo tamaji ləm ya ləm, Ur mbii oo ne ndu no̰ ləm ya ləm tɔ. Maji kar ma̰-no̰je ləm kuli gə́ mán el! Mbata ma m’to gə́ mbá mee kəi’g ləi ləm, Ma m’to gə́ njedəstar to gə́ bɔmje-je lai bèe ləm tɔ.

Pakɔsje 85:1

Pakɔs lə Koréje gə́ d’ar bao-pa mba karee ɔs sə dee lé.

Teḛ-Raga 19:5

Ɓasinè lé ɓó lé seḭ ooje ndum ləm, gə seḭ aarje dɔ ndu manrɔ’g ləm ləm tɔ ndá seḭ a toje dəwje ləm ma ya doŋgɔ mbuna dəwje’g lai mbata dɔ naŋg nee lai lé to kama ya ,

Teḛ-Raga 2:22

Sepora oji ŋgon gə́ diŋgam ndá Moyis unda ria lə Gersɔm mbata yeḛ pana: Neḛ n’isi ɓee mbá’g ya.

Esai 8:8

A kula taa ɓee gə́ Juda pəl-pəl Ndá a ruba pɔ-pɔ taa ne loo pəl-pəl ləm, A kaw saar teḛ ta gwɔsee’g liriri ləm tɔ. Bageeje gə́ yee naji dee lé D’a taa dɔ naŋg ləi pəl-pəl ya, əi Emanuɛl!

Ejekel 48:14

Deḛ d’a kaskəm ndogo el ləm, d’a mbél ne maree el ləma, kandə néje gə́ dɔtar gə́ mee ɓee’g neelé d’a kar njé gə́ raŋg el ləm tɔ mbata to néje gə́ d’unda gə kəmee d’ar Njesigənea̰ ya.

Ojee 9:3

D’a si mee ɓeeko̰’g lə Njesigənea̰ el, Eprayimje d’a tel kisi mee ɓee gə́ Ejiptə ləm, Nésɔje gə́ mina̰ ɓa d’a sɔ mee ɓee gə́ Asiri ləm tɔ.

Joɛl 2:18

Kəm Njesigənea̰ əḭ dɔ ɓee’g ləa Ar mée aw taḭ-taḭ, Bèe ɓa yeḛ oo ne kəmtondoo lə koso-dəwje ləa.

Joɛl 3:2

Tɔgərɔ ya, mee ndəaje’g neelé Kuraje gə́ diŋgam gə njé gə́ dené kara M’a kɔm Ndiləm dɔ dee’g tɔ.

Ləbije 25:10

Seḭ a kɔrje ləb gə́ njekɔm’g rɔ-mi kṵdáje gə kəmee ləm, seḭ a kilaje mbər kɔr ɓər dɔ dəwje’g lai gə́ d’isi mee ɓee’g neelé ləm tɔ: a to ləb gə́ ɓaree Jubile mbata lə sí, nana kara mbuna sí’g a tel kaw dɔ nduba’g ləa ləm, nana kara mbuna sí’g a tel dan njémeekəije’g ləa ləm tɔ.

Ləbije 25:24

Ɓeeje lai gə́ to ka̰ sí-seḭ lé seḭ a gɔlje rəbee gə́ ka̰ kuga dɔ dɔ naŋgje gə́ seḭ tonaje ne lar lé ya.

Tel tura Godndu 32:43

Seḭ ginkoji dəwje gə raŋg ɔsje pa Ulaje ne rɔnduba dɔ koso-dəwje’g ləa! Mbata Njesigənea̰ dal ba̰ məs kuraje ləa ləm, Yeḛ dal ba̰ né gə́ njéba̰je ləa Ra ləm tɔ ndá Yeḛ uga dɔ ɓee ləa ləm Gə dɔ koso-dəwje ləa ləm tɔ.

1 Piɛrə 2:11

Seḭ gə́ ma m’unda sí dan kəm’g gə́ awje dɔ naŋg nee asəna gə mbáje ləm, gə njédə̰tarje ləm tɔ lé ma m’ndəji sí mba kar sí ɔgje rɔ sí dɔ mal né gə́ ka̰ darɔ gə́ rɔ gə meḛ sí lé.