Ləbije 25:21 - Maktub gə́ To gə Kəmee

²¹ M’a tɔr ndum dɔ sí’g mee ləb gə́ njekɔm’g misa̰ ndá dɔ naŋg a kar sí kandə néje gə́ a kas sí kəm ləb munda.

Ləbije 25:21 Iomraidhean Croise

Gḭ-Néje 26:12

Isaak dubu kó dɔ naŋg’d neelé ndá mee ləb gə́ neelé yeḛ iŋga kó aree uru kugu. Mbata Njesigənea̰ tɔr ndia dəa’g saar-aar ya.

Gḭ-Néje 41:47

Mee ləbje gə́ siri gə́ kó unda kəm yaa̰ lé naŋg kinja gə koje aree ur kugu ndil-ndil.

Pakɔsje 133:3

To asəna gə mán-tàl gə́ ḭ dɔ mbal gə́ Hermo̰’g Oso dɔ looje gə́ ndəw gə́ Sio̰ bèe, Lée neelé ɓa Njesigənea̰ ula gə né ndutɔr keneŋ Yee ɓa to si kəmba saar-saar gə no̰ lé.

Teḛ-Raga 16:29

Ooje maji, Njesigənea̰ ar sí ndɔ ndɔ-kwa-rɔ lé, gelee gə́ nee ɓa ndɔ gə́ njekɔm’g misa̰ lé yeḛ ar sí muru gə́ as ndɔ joo. Maji kar nana kara si loo-siée’g ɓó ndɔ gə́ njekɔm’g siri lé dəw kára kara a kḭ kya̰ loo-siée kaw raŋg el.

Teḛ-Raga 16:5

Ndɔ gə́ njekɔm’g misa̰ lé loo gə́ d’a kwa dɔ gɔl né gə́ deḛ d’odo lé ndá d’a kiŋga karee as gɔl joo unda yeḛ gə́ d’aw d’odo gə́ ndɔje kára-kára lé.

Gosota-Kəmkàrje 10:22

Ndutɔr lə Njesigənea̰ ɓa Ar dəw tel to ne bao, Tɔɓəi yeḛ ila nékəmndoo kára kara dɔ’g el.

Ejekel 34:26

N’a kar dee-deḛ gə looje gə́ gugu dɔ mbal sub lé to nétɔrnduje, n’a kar ndi ər mee naḭyee-naḭyee’g ndá a to ndi gə́ ka̰ ndutɔr.

Ləbije 25:4

Nɛ ləb gə́ njekɔm’g siri a to ləb-kwa-rɔ lə dɔ naŋg ləm, ləb-kwa-rɔ kula ne rɔnduba dɔ Njesigənea̰’g ləm tɔ: seḭ a dubuje né mee ndɔje’g lə sí el ləm, seḭ a tḭjaje barkəm nduúje lə sí el ləm tɔ.

Ləbije 25:6

Ɓó lé seḭ ndɔje ndɔ mee ləb-kwa-rɔ’g lə dɔ naŋg lé el kara yee a kinja gə nésɔ sí ləm, gə ka̰ kuraje lə sí gə́ diŋgam əsé njé gə́ dené ləm, gə ka̰ kuraje lə sí gə́ ra kula mba kiŋga ne lar ləm, gə ka̰ dəw-dɔ-ɓeeje gə́ d’isi sə si na̰’d ləm,

2 Njé gə́ Kɔrḭtə 9:10

Yeḛ gə́ njekun kó né kar njedubee ləm, aree nésəa ləm tɔ lé yeḛ nja a kar sí né gə́ seḭ awje ndée ləm, a kar kó né lə sí ɔs dɔ maree-maree ləma, yeḛ a kar kandə meekarabasur lə sí lé ḭ dɔ maree’g maree’g ləm tɔ.

Tel tura Godndu 28:3

Ndutɔr a nai dɔ deḛ gə́ d’isi mee ɓee-booje’g ləm, gə dɔ deḛ gə́ d’isi mee wala’g ləm tɔ.

Tel tura Godndu 28:8

Njesigənea̰ a kun ndia mba kar ndutɔr nai sə sí dɔ damje’g lə sí ləm, gə dɔ kulaje lai gə́ seḭ a raje ləm tɔ. Yeḛ a tɔr ndia dɔ sí’g gə néje gə́ gə ria-ria mee ɓee’d gə́ Njesigənea̰, Ala lə sí ar sí lé.