Ləbije 25:14 - Maktub gə́ To gə Kəmee

¹⁴ Ɓó lé seḭ raje né arje mar síje ndogo sə sí əsé seḭ kara ndogoje sə dee né tɔ ndá maji kar dəw kára kara mbuna sí’g su ne kəm ŋgokea̰ el.

Ləbije 25:14 Iomraidhean Croise

2 Sôrta Gḭka Israɛlje 16:10

Mee Asa ḭ səa pu dɔ njekoota-mee-Ala’g ndá yeḛ wá ilá daŋgai’g mbata mée ea̰ dəa’g. Tɔɓəi mee ndəaje gən ya Asa ula kəm dəwje gə́ na̰je ndòo yaa̰ tɔ.

Pakɔsje 10:18

Gə mba gɔl ne ta lə ŋganalje Gə deḛ gə́ d’ula kəm dee ndòo lé gə goo rəbee ləm, Gə mba kar dəw gə́ to nduji naŋg lé Ǝw rəa kula ɓəl meḛ mareeje’g ləm tɔ.

Gosota-Kəmkàrje 14:31

Yeḛ gə́ ra né gə́ kədərə gə njéndooje lé Ila rɔkul-boo dɔ njekunda dee’g, Nɛ yeḛ gə́ oo kəmtondoo lə njendoo lé Ila riɓar dəa’g.

Gosota-Kəmkàrje 21:13

Yeḛ gə́ udu mbia jigi dɔ ndu no̰’g lə njendoo lé Yeḛ nja kara a no̰ ya to nɛ d’a kilá keneŋ el saar.

Gosota-Kəmkàrje 22:16

Yeḛ gə́ buguru njendoo gə mba kar nékiŋgaje ləa-yeḛ nja ḭ ne dɔ maree’d gə́ kédé-kédé ləm, Gə yeḛ gə́ ar bao né ləm tɔ lé deḛ joo bɔr d’a tel si dan ndòo’g.

Gosota-Kəmkàrje 28:16

Njeko̰ɓee gə́ gosonégər lalee lé Néra buguru ləa ḭ dɔ maree’d gə́ kédé-kédé, Nɛ yeḛ gə́ to njeba̰ lə mal nékiŋga gə́ gə goo rəbee el lé Ar ndɔje ləa ḭ dɔ maree’d gə́ kédé-kédé.

Gosota-Kəmkàrje 28:3

Dəw gə́ lal né gə́ buguru njéndooje lé To asəna gə ndi gə́ ər gə lel gə́ ar nésɔ lal dəwje.

Gosota-Kəmkàrje 28:8

Yeḛ gə́ wɔji lar dɔ maree’g ləm, Taa manee dɔ’g ləm tɔ Gə mba kar némajije ləa-yeḛ ḭ dɔ maree’d gə́ kédé-kédé lé Mbo̰ dee mbata lə yeḛ gə́ a koo kəmtondoo lə njéndooje.

Njekillamber 5:8

Né gə́ maji mbata lə ɓee dan néje’g lai lé To gə́ mbai gə́ ula rɔnduba dɔ kula ndɔ’g.

Esai 1:17

Ndooje loo ra né gə́ maji ləm, Ndolèje goo néra gə́ gə dɔ najee ləm, Aaje dɔ yeḛ gə́ d’ula kəmee ndòo ləm, Ɔrje kəmta lə ŋgonal gə goo rəbee ləma, Aḭje bada dɔ njekəisiŋga’g ləm tɔ.

Esai 33:15

Yeḛ gə́ njaa dan néra gə́ gə dɔ najee’g ləm, Gə pata gə goo néra gə́ danasur ləm, Yeḛ gə́ ə̰ji néndogo-gel bəḭ-bəḭ ləm, Yeḛ gə́ yə jia ɔs ne néndogo-gel rəw ləm, Yeḛ gə́ udu mbia dɔ sorta kila məs’g ləma, Yeḛ gə́ libi kəmee jib-jib gə mba koo ne né gə́ majel lé el ləm tɔ.

Esai 5:7

Ndɔ-nduú lə Njesigənea̰ gə́ njeboo-néje lé Yee ɓa to gel-bɔje lə Israɛl. Dəwje gə́ Juda lé To gə́ loo ndɔ gə́ yeḛ unda dan kəmee’g. Yeḛ unda mée yel gə mba koo ne néra gə́ danasur rɔ dee’g Nɛ aa ooje, məs ɓa d’ila! Yeḛ unda mée yel gə mba koo ne néra gə́ gə dɔ najee Nɛ aa ooje, ndu kii no̰ ndòo ɓa oo keneŋ!

Esai 58:6

Aa ooje, kɔg-mee-ɓoo gə́ taa kəm lé ɓa nee: Tudu kúla lar gə́ ka̰ meeyèr ləm, Tudu kúla lar gə́ ka̰ kula ɓərje ləm, Kya̰ goo deḛ gə́ d’ula kəm dee ndòo kar dee d’aw ləma, Néje lai gə́ to néməməna̰ lé Təd gwɔb dee’g ləm tɔ,

Jeremi 22:17

Nɛ i lé kəmi gə dɔ ɓəŋgəri To mba tɔl ne mal kiŋga né gə goo rəbee el ləm, Gə mba kila ne məs yeḛ gə́ ta wa dəa el ləma, Gə mba kula kəm loo ndòo Ra ne né gə́ kərm-kərm ləm tɔ.

Ejekel 22:7

Loo gə́ mee ɓee-boo’g ləi lé dəwje d’ə̰ji bɔ deeje gə ko̰ deeje bəḭ-bəḭ ləm, d’ula kəm dəw-dɔ-ɓee ndòo ləma, deḛ buguru ŋgonal gə njekəisiŋga ləm tɔ.

Ləbije 19:13

Seḭ a buguruje mar síje el ləm, a ɓogo deeje el ləm tɔ. Njékulaje lə sí kara seḭ a ŋgəmje nékoga dɔ ji dee saar teḛ bèlè el tɔ.

Ləbije 25:15

Seḭ a turaje goo bula lə ləbje gə́ d’orè goo Jubile gə́ dəs ɓa mba ndogo gə mar síje né ɓəi, yeḛ kara a tura goo ləbje gə́ a kiŋga né keneŋ ɓa a kar sí ndogoje səa né ɓəi tɔ.

Ləbije 25:17

Dəw kára kara mbuna sí’g a buguru maree el ləm, seḭ a ɓəlje Ala lə sí ləm tɔ, mbata ma m’to Njesigənea̰, Ala lə sí.

Misee 7:3

Ji dee adə lam-lam gə mba ra ne némajel, Mbaije gə njégaŋ-rəwtaje dəji néndogo-gel Ɓa gə mba ra ne né gə́ maji ləm, Dəwje gə́ boi lé riba dɔ mal nékiŋga Gə́ ra dee ŋgwɔd-ŋgwɔd ləm tɔ, Yee ɓa d’ɔm ne na̰’d téréré dɔ néra dee’g.

Lugu 3:14

Deḛ gə́ njérɔje tɔ ŋga dəjee pana: Ŋga jeḛ lé see j’a ra ba̰ to wa. Yeḛ ila dee keneŋ pana: Maji kar sí taaje lar lə dəw kára kara dɔ buguru el ləm, seḭ a kilaje taŋgɔm dɔ dəw’g el ləm tɔ. Nékoga-dɔ-ji sí lé ɓa seḭ a kundaje meḛ sí dɔ’g ya.

1 Njé gə́ Kɔrḭtə 6:8

Seḭ nja seḭ raje né gə́ to gə goo rəbee el ləm, seḭ nja seḭ uba deeje néje lə dee taaje ləm tɔ. Deḛ gə́ to gə́ ŋgako̰ síje gə́ njétaamee-Kristije nja seḭ raje sə dee togə́bè tɔ!

Njéga̰g-Rəwtaje 4:3

Israɛlje no̰ ɓar Njesigənea̰ mbata Jabḭ aw gə pusu-rɔje gə́ ra gə larndul tɔl-jinaikara (900) ndá yeḛ ra sə dee néje gə́ kərm-kərm gə́ al dɔ dee sula as ləb rɔ-joo.