Ləbije 25:13 - Maktub gə́ To gə Kəmee

¹³ Mee ləb Jubile’g neelé nana kara mbuna sí’g a tel kaw loo’g ləa-ləa.

Ləbije 25:13 Iomraidhean Croise

Esai 61:2

Gə mba kam m’ila mber ləb noji lə Njesigənea̰ ləm, Gə kàr dal ba̰ lə Ala lə sí ləma, Gə mba gɔl ne meḛ dee gə́ d’wa ndòo yoo lé ləm tɔ,

Ejekel 7:13

Mbata njerab-né lé lé yeḛ si mbuna deḛ gə́ d’aw kəmba’g ɓəi kara a tel to gə́ njené gə́ yeḛ rab lé el ŋga, mbata némḭdi gə́ wɔji dɔ bula lə dee gə́ digi-digi neelé a tel ɓəd el ləm, mbata néra gə́ kori-kori ləa lé dəw kára kara a kɔr rəa keneŋ el ləm tɔ.

Ləbije 25:10

Seḭ a kɔrje ləb gə́ njekɔm’g rɔ-mi kṵdáje gə kəmee ləm, seḭ a kilaje mbər kɔr ɓər dɔ dəwje’g lai gə́ d’isi mee ɓee’g neelé ləm tɔ: a to ləb gə́ ɓaree Jubile mbata lə sí, nana kara mbuna sí’g a tel kaw dɔ nduba’g ləa ləm, nana kara mbuna sí’g a tel dan njémeekəije’g ləa ləm tɔ.

Ləbije 25:12

Mbata to ləb Jubile ya, seḭ a kéeje gə́ né gə́ to gə kəmee. Seḭ a sɔje kandə néje gə́ mee ndɔje’g lə sí gə́ kédé ya.

Ləbije 25:28

Ɓó lé yeḛ iŋga ges laree gə́ nai mba kar debee gə́ yeḛ tona lar lé el ndá né gə́ yeḛ tona ne lar lé a nai ji njetona’g saar ləb Jubile ya, ləb Jubile ɓa yeḛ a tel kaw dɔ naŋg’d ləa ndá njetona né kara a teḛ keneŋ kya̰ kar njea tɔ.

Ləbije 25:54

Ɓó lé d’uga dəa gə goo rəbee el ndá yeḛ a kunda loo teḛ kya̰ kula neelé mee ləb Jubile’g, yeḛ gə ŋganeeje səa na̰’d ya.

Bula lə Israɛlje 36:4

Loo gə́ ləb kalrɔ lə ŋgan Israɛlje gə́ baree naḭ jubile lé a teḛ ndá d’a kila nénduba lə dee dɔ ka̰ yeḛ gə́ ginkoji ləa raŋg gə́ deḛ təa lé ndá d’a kɔr nénduba neelé ji yeḛ gə́ ginkojee to gə́ ginkoji’g lə bɔ síje lé.