Ləbije 23:8 - Maktub gə́ To gə Kəmee

⁸ As ndɔ siri lé seḭ a kinjaje nékinjanéməsje gə́ ka̰ roo karje Njesigənea̰. Ndɔ gə́ njekɔm’g siri lé ndá seḭ a mbo̰je dɔ na̰ kwamje meḛ sí’g: Seḭ a raje kula gə́ seḭ aw raje ta-ta lé el.

Ləbije 23:8 Iomraidhean Croise

Teḛ-Raga 12:16

Ndɔ gə́ dɔtar lé a to ndɔ mbo̰ dɔ na̰ lə sí gə́ to gə kəmee ləm tɔ. Mee ndəaje’g neelé seḭ a raje kula kára kara keneŋ el, nɛ seḭ a raje nésɔ lə sí lə sí ɓa.

Teḛ-Raga 13:6

As ndɔ sí siri lé seḭ a ko̰je muru gə́ əm-tiné godo keneŋ: ndá ndɔ gə́ njekɔm’g siri lé seḭ a raje naḭ gə mba kilaje ne riɓar dɔ Njesigənea̰’g.

Ejekel 45:23

Mee ndɔ ra naḭje gə́ siri neelé yeḛ a kinja bɔ maŋgje siri gə bàl badje siri gə́ rɔ dee maji péd-péd gə mee ndɔje gə́ siri’g nee lai gə́ nékinjaməs gə́ ka̰ roo kar Njesigənea̰ ləm, gə bàl bya̰ kára gə́ nékinjaməs gə́ ka̰ kuga dɔ kaiya gə ndɔje kára-kára lai ləm tɔ.

Ləbije 23:7

Mee ndəa gə́ dɔtar lé seḭ a mbo̰je dɔ na̰ kwamje meḛ sí’g: seḭ a raje kula gə́ seḭ aw raje ta-ta lé el.

Ləbije 23:9

Njesigənea̰ ula Moyis pana:

Bula lə Israɛlje 28:18

Ndɔ gə́ dɔtar lé a to ndɔ mbo̰ dɔ na̰ gə́ to gə kəmee, seḭ a raje kula gə́ seḭ aw raje ta-ta lé el.

Bula lə Israɛlje 28:25

Ndɔ gə́ njekɔm’g siri lé a to ndɔ mbo̰ dɔ na̰ lə sí gə́ to gə kəmee: seḭ a raje kula gə́ seḭ aw raje ta-ta lé el.

Bula lə Israɛlje 28:26

Ndɔ ra naḭ Pa̰dekɔt lé, loo gə́ seḭ a reeje gə dɔ kó lə sí gə́ dɔtar karje Njesigənea̰ lé a to ndɔ mbo̰ dɔ na̰ gə́ to gə kəmee: seḭ a raje kula gə́ seḭ aw raje ta-ta lé el.

Tel tura Godndu 16:8

Mee ndɔje gə́ misa̰ lé seḭ a ko̰je muru gə́ əm-tiné godo keneŋ, ndá ndɔ gə́ njekɔm’g siri lé a to ndɔ mbo̰ dɔ na̰ gə́ to gə kəmee gə mba kwa ne Ala lə sí gə́ Njesigənea̰ meḛ sí’g, seḭ a raje kula kára kara keneŋ el.