Ləbije 23:7 - Maktub gə́ To gə Kəmee

⁷ Mee ndəa gə́ dɔtar lé seḭ a mbo̰je dɔ na̰ kwamje meḛ sí’g: seḭ a raje kula gə́ seḭ aw raje ta-ta lé el.

Ləbije 23:7 Iomraidhean Croise

Teḛ-Raga 12:16

Ndɔ gə́ dɔtar lé a to ndɔ mbo̰ dɔ na̰ lə sí gə́ to gə kəmee ləm tɔ. Mee ndəaje’g neelé seḭ a raje kula kára kara keneŋ el, nɛ seḭ a raje nésɔ lə sí lə sí ɓa.

Ləbije 23:21

Mee ndəa gən lé ya, seḭ a kilaje mbər naḭ neelé ndá seḭ a mbo̰je dɔ na̰ kwamje meḛ sí’g: seḭ a raje kula gə́ seḭ aw raje ta-ta lé el. Yee ɓa to godndu gə́ to gə no̰ mbata lə ŋgaka síje mee looje lai gə́ seḭ a síje keneŋ lé.

Ləbije 23:25

Seḭ a raje kula gə́ seḭ aw raje ta-ta lé el, nɛ seḭ a kinjaje nékinjanéməsje gə́ ka̰ roo karje Njesigənea̰ ɓa.

Ləbije 23:8

As ndɔ siri lé seḭ a kinjaje nékinjanéməsje gə́ ka̰ roo karje Njesigənea̰. Ndɔ gə́ njekɔm’g siri lé ndá seḭ a mbo̰je dɔ na̰ kwamje meḛ sí’g: Seḭ a raje kula gə́ seḭ aw raje ta-ta lé el.

Bula lə Israɛlje 29:1

Ndɔ gə́ dɔtar gə́ lə naḭ gə́ njekɔm’g siri lé a to ndɔ mbo̰ dɔ na̰ gə́ to gə kəmee: seḭ a raje kula gə́ seḭ aw raje ta-ta lé el. Ndɔ neelé d’a kim to̰to̰je ɓa kila ne mberee mbuna sí’g.

Bula lə Israɛlje 29:12

Ndɔ dɔg-giree-mi lə naḭ gə́ njekɔm’g siri lé a to ndɔ mbo̰ dɔ na̰ gə́ to gə kəmee. Seḭ a raje kula gə́ seḭ aw raje ta-ta lé el. Seḭ a raje naḭ gə́ wɔji dɔ Njesigənea̰ as ndɔ sí siri.