Ləbije 23:6 - Maktub gə́ To gə Kəmee

⁶ Ndɔ dɔg-giree-mi lə naḭ gə́ neelé a to ndɔ ra naḭ gə́ ka̰ muru gə́ lal əm-tiné kwɔji ne dɔ Njesigənea̰, as ndɔ sí siri lé, seḭ a ko̰je muru gə́ lal əm-tiné ya.

Ləbije 23:6 Iomraidhean Croise

Teḛ-Raga 12:14

Seḭ a karje meḛ sí olé dɔ ndɔ’g neelé ndá seḭ a raje ne naḭ gə́ wɔji dɔ Njesigənea̰. Seḭ a raje kaareeje to asəna gə godndu gə́ a to saar-saar gə no̰ mbata lə ŋgaka síje ya.

Teḛ-Raga 23:15

Seḭ a raje naḭ gə́ wɔji dɔ muru gə́ lal əm-tiné, as ndɔ sí siri mee ndəaje gə́ seḭ wɔjije mee naḭ gə́ Abib lé seḭ a ko̰je muru gə́ lal əm-tiné, to gə́ m’a m’un ne ndum m’ar sí lé mbata to mee naḭ neelé ya ɓa seḭ undaje ne loo mee ɓee gə́ Ejiptə teḛje, tɔɓəi dəw kára kara a ree kaar nɔm’g gə jia kari ba el.

Teḛ-Raga 34:18

Seḭ a tɔsje kəm sí dɔ naḭ gə́ wɔji dɔ muru gə́ əm-tiné godo keneŋ lé, as ndɔ sí siri, mee ndɔje gə́ d’wɔji mee naḭ Abib’g lé seḭ a ko̰je muru gə́ əm-tiné godo keneŋ to gə́ ma m’un ne ndum m’ar sí lé mbata mee naḭ Abib’g lé ɓa seḭ undaje ne loo mee ɓee gə́ Ejiptə teḛje ya.

Tel tura Godndu 16:3

Ndɔ ra naḭ lé seḭ a ko̰je muru gə́ əm-tiné to keneŋ el nɛ muru gə́ lal əm-tiné ɓa a ko̰je as ndɔ sí siri, muru gə́ lal əm-tiné lé to muru nékəmndoo lə sí mbata seḭ ḭje rad mee ndəa gə́ seḭ undaje ne loo mee ɓee gə́ Ejiptə teḛje lé: seḭ a raje togə́bè mba kar mee ndɔje lai gə́ seḭ síje ne kəmba lé meḛ sí a kolé ne dɔ ndɔ gə́ seḭ undaje ne loo mee ɓee gə́ Ejiptə teḛje ne lé ya.

Tel tura Godndu 16:8

Mee ndɔje gə́ misa̰ lé seḭ a ko̰je muru gə́ əm-tiné godo keneŋ, ndá ndɔ gə́ njekɔm’g siri lé a to ndɔ mbo̰ dɔ na̰ gə́ to gə kəmee gə mba kwa ne Ala lə sí gə́ Njesigənea̰ meḛ sí’g, seḭ a raje kula kára kara keneŋ el.