Ləbije 23:40 - Maktub gə́ To gə Kəmee

⁴⁰ Ndɔ gə́ dɔtar lé seḭ a kodoje kandə kagje gə́ maji-maji ləm, gə barkəm kag-tumburje ləm, gə barkəm kagje gə́ kam dee ndər dɔ na̰’d tib-tib ləma, gə barkəm kag-tuŋguje gə́ ma̰-nia’g ləm tɔ ndá seḭ a kalje ne rɔ sí no̰ Njesigənea̰, Ala’g lə sí, as ndɔ sí siri.

Ləbije 23:40 Iomraidhean Croise

Pakɔsje 137:2

Jeḛ naa̰ kṵdu-kagje lə sí kəm kag-tuŋguje’g.

Pakɔsje 92:12

Meem lelm yaa̰ mba koo ne njéba̰je ləm gə́ d’isi tuji ləm, Mbim kara m’ur njor m’oo ne ndu njékoma̰ səmje gə́ to njémeeyèrje lé ya ləm tɔ.

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 44:4

D’a kidi pug-pug Asəna gə mu gə́ idi bèe ləm, Asəna gə kag-tuŋguje gə́ d’uba kəm-rəw-manje’g bèe ləm tɔ.

Esai 66:10

Seḭ lai gə́ undaje Jerusalem dan kəm sí’g lé Raje səa rɔlel ləm, Areeje to gə́ nékalrɔ lə sí ləm tɔ. Seḭ lai gə́ waje ndòo-yée lé Talje səa jagəra-jagəra gə rɔlel,

Ləbije 23:39

Ndɔ dɔg-giree-mi lə naḭ gə́ njekɔm’g siri lé loo gə́ seḭ a kinjaje kandə néje gə́ mee ɓee’g lə sí lé ndá seḭ a raje naḭ kwaje ne Njesigənea̰ meḛ sí’g as ndɔ sí siri: ndɔ gə́ dɔtar a to ndɔ-kwa-rɔ ləm, yee gə́ njekɔm’g jinaijoo kara a to ndɔ-kwa-rɔ ya ləm tɔ.

Ləbije 23:41

Seḭ a raje naḭ neelé kwaje ne Njesigənea̰ meḛ sí’g as ndɔ sí siri gə ləb sí ləb sí. Yee ɓa to godndu gə́ to gə no̰ mbata lə ŋgaka síje ya. Seḭ a reaje mee naḭ gə́ njekɔm’g siri lé ya.

Matiyo 21:8

Njé gə́ na̰je bula mbuna boo-dəwje’g neelé mbalé kubuje lə dee naŋg dɔ kag-rəw’g ləm, njé gə́ raŋg ti mbi kamje lab naŋg mbələŋ-mbələŋ rəbee ləm tɔ.

Tagə́maji gə́ Ja̰ ndang 12:13

ndá deḛ ti kam marje ji dee’g d’ɔr ne nea̰. Deḛ ra né u-u-u pana: Hosana! Maji kar dɔkaisəgərə nai gə yeḛ gə́ ree gə ri Mbaidɔmbaije gə́ to mbai dɔ Israɛlje lé.

Tagə́maji gə́ Ja̰ ndang 16:22

Seḭ kara ɓasinè lé seḭ síje dan némeeko̰’g, nɛ loo gə́ m’a tel koo sí ndá rɔ sí a lel sí tɔɓəi dəw kára kara a kɔr rɔlel lə sí el tɔ.

Njé gə́ Rɔmə 5:11

To yee gə́ nee ɓa el, nɛ mbɔl dɔ Mbaidɔmbaije Jeju Kristi gə́ njekɔm sí na̰’d yəg lé ɓa jeḛ ndá ne meḛ sí kaḭ dɔ Ala’g tɔ.

Tel tura Godndu 12:12

Lée gə́ neelé ɓa seḭ a kalje rɔ sí keneŋ no̰ Njesigənea̰ Ala’g lə sí, seḭ ləm gə ŋgan síje gə́ diŋgam gə njé gə́ dené ləm, gə kuraje lə sí gə́ diŋgam gə njé gə́ dené ləma, gə Ləbije gə́ d’isi mbuna sí’g ləm tɔ, mbata deḛ lé d’a kiŋga néka̰ dee əsé nédɔji dee mbuna sí’g el.

Tel tura Godndu 12:7

Lée gə́ neelé ɓa seḭ a ko̰je muru no̰ Njesigənea̰ Ala’g lə sí keneŋ, seḭje gə njémeekəije lə sí lai a raje rɔlel mbata némeemajije lai gə́ Ala lə sí gə́ Njesigənea̰ ar sí, loo gə́ yeḛ tɔr ne ndia dɔ sí’g lé.

Njé gə́ Pilibə 3:3

Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el.

Njé gə́ Pilibə 4:4

Alje rɔ sí ta-ta gin Mbaidɔmbaije’g. Ma m’tel gə mba pa ya tɔɓəi, alje rɔ sí ya.

1 Piɛrə 1:8

Jeju lé kəm sí kara seḭ ilaje dəa’g bèe el ɓəi, nɛ seḭ ṵdáje dan kəm sí’g mba̰, seḭ ooje rəa el ɓəi nɛ seḭ ɔmje meḛ sí dəa’g jəb-jəb. Yee ɓa seḭ ndaje ne meḛ sí kaḭ gə rɔlel gə́ dum pa ləm, gə dəa ɔr jol-jol ləm tɔ.

Loo gə́ killa rea kəm Ja̰’g 7:9

Gée gə́ gogo m’aa loo gərərə ndá m’oo koso-dəwje bula dum tura gə́ d’ḭ d’ḭ mbuna ginkoji dəwje gə raŋg’g lai ləm, gə mbuna gelɓee dəwje-dəwje’g lai ləm, gə mbuna koso-dəwje lai ləma, gə mbuna deḛ lai gə́ takɔji dee gə́ gə ria-ria ləm tɔ. Deḛ d’aar no̰ kalimbai’g ləm, gə no̰ Ŋgonbad’g ləm tɔ gə kubu gə́ nda gə́ ŋgal yududu rɔ dee’g tɔɓəi kam kiaŋgar to ji dee’g tɔ.